2 तीमुथियुस 2:12 - Bagheli Bible

¹² अगर हम पंचे यीसु के खातिर दुख-मुसीबत सहत रहब, त यीसु मसीह के साथ राजव करब, अगर हम पंचे यीसु काहीं इनकार करब, त ऊँ हमहीं पंचन काहीं अपनामँइ से इनकार करिहँय।

2 तीमुथियुस 2:12 ပူးပေါင်းရင်းမြစ်များ

मत्ती 10:33

पय जे कोऊ मनइन के आँगे इआ कही, कि हम यीसु मसीह के चेला न होंहेन, त हमहूँ घलाय स्वरग माहीं रहँइ बाले अपने पिता परमातिमा के आँगे इआ कहि देब कि ईं हमार चेला न होंहीं।”

मत्ती 26:35

तब पतरस यीसु से कहिन, कि “अगर हमहीं अपना के साथ मरऊँ क परय, तऊ हम अपना काहीं कबहूँ न इनकार करब।” अउर इहइमेर सगले चेला घलाय कहिन।

मत्ती 26:75

तब पतरस काहीं यीसु के कही बात याद आइगे: कि “मुरगा के बोलँइ से पहिले, तूँ तीन बेरकी हमहीं इनकार करिहा।” अउर पतरस बहिरे जाइके फूट-फूटिके रोमँइ लागें।

मरकुस 10:33

“देखा, हम यरूसलेम सहर माहीं जइत हएन, अउर मनई के लड़िका प्रधान याजकन अउर मूसा के बिधान सिखामँइ बालेन के हाँथ माहीं पकड़ाबा जई, अउर ऊँ पंचे ओही मउत के सजा के काबिल ठहरइहँय, अउर गैरयहूदी लोगन के हाँथ माहीं सउँपिहँय।

मरकुस 8:38

जे कोऊ इआ ब्यभिचारी अउर पापी पीढ़ी के मनइन के आँगे, हमसे अउर हमरे बातन काहीं मानँइ से लजई, त मनई के लड़िका घलाय, जब उआ पबित्र दूतन के साथ अपने पिता परमातिमा के महिमा सहित अई, तब उहव ओही आपन मानँय से लजई।”

लूका 12:9

पय जे कोऊ मनइन के आँगे इआ कही, कि हम यीसु मसीह के चेला न होंहेन, त हमहूँ घलाय स्वरग माहीं रहँइ बाले अपने पिता परमातिमा के स्वरगदूतन के आँगे, इआ कहि देब, कि ईं हमार चेला न होंहीं।”

लूका 22:29

एसे जइसन हमार पिता परमातिमा हमहीं राज करँइ के खातिर एकठे राज दिहिन हीं, उहयमेर हमहूँ तोंहईं राज चलामँइ के हक्क देब,

लूका 22:30

जउने तूँ पंचे हमरे राज माहीं हमरे साथ खा-पिआ, अउर सिंहासनन माहीं बइठिके इजराइल के बरहँव गोत्रन के न्याय करा।”

लूका 9:26

जउन मनई हमसे अउर हमरे बातन काहीं मानँइ माहीं लजई, त इहइमेर जब मनई के लड़िका, अपने अउर अपने पिता के, अउर पबित्र स्वरगदूतन के महिमा समेत अई, त उहव ओही आपन मानँय से लजई।”

खास चेलन 14:22

अउर चेलन के मन काहीं स्थिर करत रहिगें, अउर उपदेस देत रहे हँय, कि हमहीं पंचन काहीं खुब कस्ट सहिके परमातिमा के राज माहीं प्रबेस करँइ परी।

रोमियन 5:17

काहेकि जब एकठे मनई के अपराध के कारन मउत राज किहिस, त जउन मनई किरपा अउर परमातिमा के नजर माहीं निरदोस होंइ के बरदान बहुतायत से पाबत हें, ऊँ पंचे एकयठे मनई अरथात यीसु मसीह के द्वारा जरूर अनन्त जीबन माहीं राज करिहँय।

रोमियन 8:17

अउर अगर हम पंचे परमातिमा के सन्तान आहेन, त उनखर बारिसदार घलाय आहेन, बलकिन परमातिमा के बारिसदार अउर मसीह के संगी बारिसदार घलाय आहेन, अउर अगर हम पंचे उनखे साथ दुख उठाइत हएन, त उनखे साथ महिमा माहीं भागीदार घलाय बनब।

फिलिप्पियन 1:28

अउर कउनव बात माहीं अपने बिरोधिन से नहीं डेराते आह्या, इआ उनखे खातिर नास होंइ के स्पस्ट चिन्हारी होई, पय तोंहरे खातिर मुक्ती पामँइ के, अउर इआ परमातिमा के तरफ से होई।

1 तीमुथियुस 5:8

पय अगर कोऊ अपने नात-रिस्तेदारन, अउर खासकर अपने घर-परिबार के मनइन के मदत नहीं करय, त उआ प्रभू के बिसुआस से भटकिगा हय, अउर उआ, जउन मनई प्रभू के ऊपर बिसुआस नहीं करँय उनहूँ से अधिक बुरा बनिगा हय।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”

दरसनन के बातँय 1:6

अउर हमहीं पंचन काहीं एकठे राज, अउर अपने पिता परमातिमा के खातिर याजक घलाय बनाय दिहिन हीं; उनहिन के महिमा अउर सामर्थ जुगन-जुगन तक रहय। आमीन।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 2:13

हम इआ त जानित हएन, कि तूँ उहाँ रहते हया, जहाँ सइतान के सिंहासन हय; अउर तूँ हमरे नाम माहीं बने रहते हया; अउर हमरे ऊपर बिसुआस करँइ से, उन दिनन माहीं पीछे नहीं हट्या, जउने माहीं हमार बिसुआस के काबिल गबाह अन्तिपास, तोंहरे पंचन के बीच माहीं, उआ जघा माहीं मार डारा ग, जहाँ सइतान रहत हय।

दरसनन के बातँय 20:4

ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।

दरसनन के बातँय 20:6

धन्य अउर पबित्र ऊँ हें, जउन इआ पहिल मरिके जि उठब माहीं सामिल भे हँय। अइसन मनइन के ऊपर दूसर मउत के कउनव अधिकार नहिं आय, बलकिन ऊँ पंचे परमातिमा अउर मसीह के याजक होइहँय, अउर हजार बरिस तक उनखे साथ राज करिहँय।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।

दरसनन के बातँय 3:8

हम तोंहरे कामन काहीं जानित हएन; देखा, हम तोंहरे आँगे एकठे दुअरा खोलिके रखे हएन, जउने काहीं कोऊ बन्द नहीं कइ सकय; तोंहार सक्ती थोरिन काहीं त हय, तऊ तूँ हमरे बचन काहीं पालन किहे हया, अउर हमरे नाम काहीं इनकार नहीं किहे आह्या।

दरसनन के बातँय 5:10

अउर उनहीं, हमरे पंचन के परमातिमा के खातिर एकठे राज, अउर याजक बनाएन हय; अउर ऊँ पंचे धरती के ऊपर राज करत हें।”