2 तीमुथियुस 1:8 - Bagheli Bible

⁸ एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 1:8 ပူးပေါင်းရင်းမြစ်များ

मरकुस 8:38

जे कोऊ इआ ब्यभिचारी अउर पापी पीढ़ी के मनइन के आँगे, हमसे अउर हमरे बातन काहीं मानँइ से लजई, त मनई के लड़िका घलाय, जब उआ पबित्र दूतन के साथ अपने पिता परमातिमा के महिमा सहित अई, तब उहव ओही आपन मानँय से लजई।”

लूका 9:26

जउन मनई हमसे अउर हमरे बातन काहीं मानँइ माहीं लजई, त इहइमेर जब मनई के लड़िका, अपने अउर अपने पिता के, अउर पबित्र स्वरगदूतन के महिमा समेत अई, त उहव ओही आपन मानँय से लजई।”

यूहन्ना 15:27

अउर तुहूँ पंचे घलाय हमार गबाह हया, काहेकि तूँ पंचे हमरे सेबा के सुरुआतय से हमरे साथ रहे हया।”

यूहन्ना 19:35

जउन मनई इआ देखिस रहा हय, उहय इआ गबाही दिहिस ही, अउर ओखर गबाही सच्ची हय; अउर उआ जानत हय, कि हम इआ बेलकुल सही कहित हएन, जउने तुहूँ पंचे बिसुआस करा।

खास चेलन 5:41

ऊँ पंचे इआ बात से आनन्दित होइके महासभा के आँगे से चलेगें, कि हम पंचे उनखे नाम के खातिर निरादर होंइ के काबिल त ठहरेन।

रोमियन 1:16

काहेकि हम खुसी के खबर से नहीं लजई, एसे कि उआ हरेक बिसुआस करँइ बालेन के खातिर, पहिले त यहूदी लोगन के खातिर, ओखे बाद गैरयहूदी लोगन काहीं मुक्ती पामँइ के खातिर परमातिमा के सामर्थ आय।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

रोमियन 8:36

जइसन पबित्र सास्त्र माहीं लिखा हय, कि “हम पंचे दिन भर कतल होंइ के खातिर सँउपे जइत हएन; अरथात हम पंचे बली होंइ बाली गड़रन कि नाईं समझे जइत हएन।”

रोमियन 9:33

जइसन पबित्र सास्त्र माहीं लिखा हय; “परमातिमा कहिन हीं, कि ‘देखा हम सिय्योन माहीं ठेस लागँइ के एकठे पथरा, अउर ठोकर खाँय के चट्टान धरित हएन; अउर जे कोऊ ओखे ऊपर बिसुआस करी, उआ कबहूँ लज्जित न होई’।”

1 कुरिन्थियन 1:6

अउर मसीह के बारे माहीं जउन गबाही, हम तोहईं पंचन काहीं बताए रहेन हय, उआ तोंहरे बीच माहीं सच्ची साबित भे ही।

2 कुरिन्थियन 6:7

सत्य के बचन माहीं, परमातिमा के सक्ती माहीं; धारमिकता के अउजार माहीं जउन दहिने बाएँ हाँथ माहीं रहत हें।

इफीसियन 3:1

तूँ पंचे जउन गैरयहूदी आह्या, तोंहरे बीच माहीं हम मसीह यीसु के सेबा करित हएन, एसे हमहीं जेल माहीं डार दीन ग हय।

इफीसियन 3:13

एसे हम तोंहसे इआ बिनती करित हएन, कि जउन दुख-मुसीबत तोंहरे खातिर हम उठाय रहेन हय, उनखे कारन हिम्मत न हारा, काहेकि उनहिन माहीं तोंहार पंचन के भलाई हय।

इफीसियन 4:1

हम पवलुस प्रभू के सेबक होंइ के कारन जउन बन्दी बने हएन, तोंहसे बिनती करित हएन, कि जउने उद्देस्य से परमातिमा तोंहईं बोलाइन हीं, ओहिन के काबिल तोंहार चाल-चलन होय।

इफीसियन 4:17

एसे हम प्रभू के तरफ से अधिकार पाइके तोंहईं पंचन काहीं जताए देइत हएन, कि जइसन संसारिक मनई जउन मुक्ती नहीं पाए आहीं, ऊँ पंचे अपने मन के बुरी इच्छन के मुताबिक आपन जीबन बिताबत हें, पय तूँ पंचे अब से पुनि कबहूँ उनखे कि नाईं चाल-चलन न अपनाया।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 3:10

अउर हम मसीह काहीं निकहा से जानँइ चाहित हएन, अउर उनखे सामर्थ के अनुभव करँइ चाहित हएन, जउने के व्दारा उँ मरेन म से जि उठे रहे हँय, अउर उनखे उआ दुख माहीं सामिल होंइ चाहित हएन, अउर उहय रूप काहीं पामँइ चाहित हएन, जउने काहीं ऊँ अपने मउत के व्दारा पाइन रहा हय।

फिलिप्पियन 4:13

जउन हमहीं सामर्थ देत हें, उआ सामर्थ से हम सब कुछ कइ सकित हएन।

कुलुस्सियन 1:11

अउर परमातिमा के महिमामय सक्ती के मुताबिक हरेकमेर के सामर्थ से मजबूत होइजा, जउने दुख-मुसीबत के समय आनन्द के साथ हरेकमेर से धीरज अउर सहनसीलता देखाय सका।

कुलुस्सियन 1:24

अउर जउन दुख-मुसीबत हम तोंहरे पंचन के खातिर उठाइत हएन, उनखे कारन हम आनन्दित होइत हएन, अउर मसीह के देंह अरथात मसीही मन्डली के खातिर मसीह के यातनन माहीं जउन कुछ कमी रहिगे तय, ओही हम अपने देंह माहीं पूर कए देइत हएन।

1 थिस्सलुनीकियन 3:4

काहेकि पहिलेव, जब हम पंचे तोंहरे लघे रहेन हय, त तोंहसे कहा करत रहेन हय, कि हमहीं पंचन काहीं दुख-मुसीबत सहँय क परी, अउर अइसनय भाबय भ, अउर तूँ पंचे जनते घलाय हया।

1 तीमुथियुस 2:6

जउन खुद काहीं सगले मनइन काहीं मुक्ती देंइ के खातिर, क्रूस माहीं बलिदान कइके कीमत चुकाइन हीं; इआ काम परमातिमा के ठहराए सही समय माहीं प्रभू यीसु मसीह पूर कइके गबाही दिहिन हीं।

2 तीमुथियुस 1:10

पय अब हमहीं पंचन काहीं मुक्ती देंइ बाले यीसु मसीह, संसार माहीं आइके उआ किरपा काहीं प्रगट किहिन, अउर उँइन मउत के सक्ती काहीं खतम कइ दिहिन, अउर जउन परमातिमा के साथ हमेसा जीबन बितामँइ के मोका देत ही, उआ खुसी के खबर के प्रचार किहिन।

2 तीमुथियुस 1:12

इहय कारन हम ईं दुखन काहीं सहित हएन, पय लजई नहीं, काहेकि जिनखे ऊपर हम बिसुआस किहेन हय, उनहीं हम जानित हएन; अउर हमहीं पूर बिसुआस हय, कि जउन खुसी के खबर परमातिमा हमहीं सउँपिन हीं, ओखर रखबारी ऊँ अन्त समय तक कइ सकत हें।

2 तीमुथियुस 1:16

उनेसिफुरूस के घराना के ऊपर प्रभू दया करँय, काहेकि ऊँ कइअक बेरकी हमसे मिलँय आए रहे हँय, हम जेल माहीं बंद रहेन हय, तऊ मिलँय से नहीं लजानें, एसे हमहीं बड़ी सान्ति मिली।

2 तीमुथियुस 2:3

अउर यीसु मसीह के सच्चे सिपाही कि नाईं, हमरे साथ दुख उठाबा।

2 तीमुथियुस 2:8

अउर यीसु मसीह काहीं सुधि रक्खा, जउन दाऊद के कुल माहीं जनम लिहिन, अउर मरिके जिन्दा होइगें; इहय खुसी के खबर आय, जेखर हम प्रचार करित हएन।

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

2 तीमुथियुस 4:17

पय प्रभू हमरे साथ माहीं रहे हँय, अउर हमहीं सामर्थ दिहिन, जउने हमरे व्दारा खुसी के खबर के भरपूर प्रचार होइ सकय, जउने सगले गैरयहूदी लोग सुन लेंय; अउर परमातिमा हमहीं त सेर के मुँहे से छोड़ाइन हीं।

2 तीमुथियुस 4:5

पय तूँ ईं सगली बातन से सचेत रहा, दुख-मुसीबत सहा, अउर खुसी के खबर के प्रचार के काम करा, अउर जउन सेबा तोहईं सउँपी गे ही, ओही पूर करा।

1 पतरस 1:5

अउर तोंहार पंचन के रक्छा परमातिमा के सक्ती के द्वारा, बिसुआस से उआ मुक्ती पामँइ के खातिर कीन जात ही, जउन अन्तिम न्याय के दिन माहीं प्रगट होंइ बाली हय।

1 यूहन्ना 4:14

अउर हम पंचे देखिव लिहेन हय, अउर गबाही देइत हएन, कि परमातिमा अपने लड़िका काहीं, संसार के मनइन काहीं मुक्ती देंइ के खातिर पठइन हीं।

यहूदा 1:24

अब तोंहईं पंचन काहीं, जे पाप माहीं गिरँय से बचाय सकत हें, अउर अपने महिमा के भरपूरी के आँगे आनन्दित, अउर निरदोस कइके ठाढ़ कइ सकत हें।

दरसनन के बातँय 1:2

जउन परमातिमा के बचन अउर यीसु मसीह के गबाही, अरथात जउन कुछू ऊँ देखिन रहा हय, ओखर गबाही दिहिन।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”