2 तीमुथियुस 1:7 - Bagheli Bible

⁷ काहेकि परमातिमा हमहीं पंचन काहीं डेराँइ बाली आत्मा नहीं दिहिन, कि हम पंचे डेरई, बलकिन सामर्थ के अउर प्रेम करँइ बाली खुद काहीं काबू माहीं रक्खँइ बाली आत्मा दिहिन हीं।

2 तीमुथियुस 1:7 ပူးပေါင်းရင်းမြစ်များ

लूका 10:19

एहिन से देखा, हम तोंहईं साँप अउर बीछिन काहीं गोड़ेन से रउदँइ के अधिकार दिहेन हय, अउर तोंहरे बइरी सइतान के सगली सामर्थ काहीं हरामँइ के अधिकार दिहेन हय; अउर कउनव चीज से तोंहार कुछू हानि न होई।

लूका 15:17

जब ओही आपन गलती महसूस भय, तब कहँइ लाग, ‘हमरे बाप के घर माहीं मजूरन काहीं, उनखे जरूरत से जादा खाना मिलत हय; अउर हम इहाँ भूँखन मरित हएन।’

लूका 24:49

अउर देखा, जेखर वादा हमार पिता किहिन हीं, हम ओही तोंहरे ऊपर हरबिन पठउब, अउर जब तक तूँ पंचे स्वरग से परमातिमा के तरफ से सामर्थ न पाया, तब तक तूँ पंचे इहय सहर माहीं रुके रह्या।”

लूका 8:35

इआ जऊँ भ रहा हय, देखँइ के खातिर खुब जने आएँ। अउर यीसु के लघे आइके, उआ मनई काहीं जउने म से बुरी आत्मा निकरी रही हँय, ओन्हा पहिरे यीसु के गोड़े के लघे नीक-सूख बइठे देखिके डेराइगें;

यूहन्ना 14:27

हम तोंहईं पंचन काहीं सान्ति दए जइत हएन, अउर आपन सान्ति तोंहईं पंचन काहीं देइत हएन; जइसन संसार के सगले मनई देत हें, हम तोंहईं उआमेर से नहीं देइत आहेन: तूँ पंचे अपने मन माहीं न घबरा अउर न डेरा।

खास चेलन 1:8

पय जब पबित्र आत्मा तोंहरे ऊपर अई, तब तूँ पंचे सामर्थ पइहा; अउर यरूसलेम सहर अउर यहूदिया अउर सामरिया प्रदेसन माहीं, अउर धरती के छोर तक हमार गबाह होइहा।”

खास चेलन 10:38

अउर परमातिमा कउनमेर से नासरत सहर माहीं, रहँइ बाले यीसु काहीं पबित्र आत्मा अउर सामर्थ से अभिसेक किहिन तय, अउर ऊँ भलाई के काम करत, अउर सगलेन काहीं जउन सइतान के सताए रहे हँय, उनहीं नीक करत चारिव कइती घूमत फिरत रहिगें; काहेकि परमातिमा उनखे साथ रहे हँय।

खास चेलन 20:24

पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।

खास चेलन 21:13

पय पवलुस जबाब दिहिन, कि तूँ पंचे का करते हया, रोइ-रोइके हमरे मन काहीं कमजोर करते हया, हम त प्रभू यीसु के नाम के खातिर यरूसलेम सहर म न केबल बाँधे जाँइन भर काहीं नहीं, बलकिन मरऊँ के खातिर तइआर हएन।

खास चेलन 26:11

अउर हरेक यहूदी सभाघरन माहीं, हम उनहीं सजा देबाय-देबाइके यीसु के बुराई कराबत रहे हएन, अउर क्रोध के मारे इहाँ तक पागल होइ गएन तय, कि दुसरे प्रदेस के सहरन माहीं घलाय जाइके, उनहीं परेसान करत रहे हएन।

खास चेलन 26:25

पय पवलुस कहिन; “हे महामहिम हाकिम फेस्तुस, हम पागल नहिं आहेन, बलकिन सच्चाई अउर बुद्धी के बातँय कहित हएन।

खास चेलन 6:8

स्तिफनुस किरपा अउर सामर्थ से भरपूर होइके, मनइन के बीच माहीं बड़े-बड़े अचरज के काम, अउर चमत्कार देखाबत रहे हँय।

खास चेलन 9:22

पय साऊल अउर सामरथी होत गें, अउर इआ बात के सबूत दइ-दइके कि यीसुअय मसीह आहीं, दमिस्क सहर के यहूदी लोगन के मुँह बन्द कइ देत रहे हँय।

रोमियन 5:5

अउर उआ आसा हमहीं पंचन काहीं निरास नहीं होंय देय, काहेकि जउन पबित्र आत्मा हमहीं पंचन काहीं दीन ग हय, उहय पबित्र आत्मा के द्वारा परमातिमा के प्रेम हमरे पंचन के हिरदँय माहीं बहुतायत से डारा ग हय।

रोमियन 8:15

काहेकि जउने आत्मा काहीं तूँ पंचे पाया हय, उआ तोंहईं दास बनामँइ के खातिर न होय मिला हय, कि तूँ पंचे पुनि डेरा, बलकिन उआ आत्मा तोंहईं पंचन काहीं परमातिमा के गोद लीन सन्तान बनामँइ के खातिर मिला हय, एहिन से हम पंचे परमातिमा काहीं हे अब्बा, हे पिता कहँइ लागित हएन।

1 कुरिन्थियन 2:4

अउर हमरे बात, अउर प्रचार माहीं मनइन के बुद्धी के मुताबिक लोभामँय बाली बातँय नहीं रही आहीं, बलकिन उनमा पबित्र आत्मा, अउर ओखे सक्ती के सबूत रहा हय।

गलातियन 5:22

अउर पबित्र आत्मा के फर इआमेर से हँय जइसन, प्रेम करब, आनन्दित रहब, मिल-जुलिके रहब, धीरज धरब,

कुलुस्सियन 1:8

उँइन हमहीं इआ बताइन हीं, कि तूँ पंचे कइसन आत्मा से एक दुसरे से प्रेम करते हया।

इब्रानियन 2:15

अउर जेतने मनई मउत के डेर से जीबन भर ओखे बन्धन माहीं परे रहे हँय, यीसु उनहीं मउत के डेर से मुक्ती देंय।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

1 यूहन्ना 4:18

अउर प्रेम माहीं कउनव डेर नहीं होय, बलकिन सिद्ध प्रेम डेर काहीं भगाय देत हय, काहेकि डेर के सम्बन्ध दन्ड से होत हय, अउर जे कोऊ डेरात हय, ओखर प्रेम सिद्ध नहीं भ।