2 तीमुथियुस 1:4 - Bagheli Bible

⁴ अउर हमरे खातिर तूँ जउन आँसू बहाया हय, उनहीं सुधि कइके हम तोंहसे मिलँइ के खातिर दिन-रात इच्छा करित हएन, कि कबय मिली, अउर तोंहसे मिलिके आनन्दित होइ जई।

2 तीमुथियुस 1:4 ပူးပေါင်းရင်းမြစ်များ

यूहन्ना 16:22

अउर तोंहऊँ पंचन काहीं अबे त उहयमेर सोक हय, पय जब हम तोंहसे पुनि मिलब, त तूँ पंचे खुब आनन्दित होइहा; अउर तोंहरे आनन्द काहीं कोऊ छड़ाय नहिं सकय।

यूहन्ना 16:24

काहेकि तूँ पंचे अबे तक हमरे नाम से कुछू नहीं मागे आह्या; मगिहा त जरूर पइहा, जउने तोंहार आनन्द पूर होइ जाय।

खास चेलन 20:19

मतलब बड़ी दीनता से, अउर आँसू बहाय-बहाइके, अउर उन परिच्छन माहीं जउन यहूदी लोगन के खड़यन्त्र के कारन हमरे ऊपर आय परी रही हँय; हम प्रभू के सेबा करत रहि गएन।

खास चेलन 20:31

एसे जागत रहा; अउर सुध करा; कि हम तीन बरिस तक रात-दिना आँसू बहाय-बहाइके, हरेक जन काहीं चेतउनी देब नहीं छोंड़ेन।

रोमियन 1:11

काहेकि तोंहसे मिलँइ के हमार बड़ी लालसा ही, कि हम तोंहईं कउनव आत्मिक आसीस देई, जउने तूँ पंचे बिसुआस माहीं मजबूत होइजा।

फिलिप्पियन 1:8

इआ बात माहीं परमातिमा हमार गबाह हें, कि हम तोंहसे मसीह यीसु कि नाईं प्रेम करित हएन, अउर हम तोंहसे मिलँय के खातिर ब्याकुल रहित हएन।

फिलिप्पियन 2:26

एसे हम उनहीं तोंहरे लघे पठयन हय, काहेकि उनखर मन तोंहरे ऊपर लगा रहत रहा हय, अउर ऊँ ब्याकुल रहत रहे हँय, कि तूँ पंचे उनखे बारे माहीं सुने हया, कि ऊँ बिमार हें।

1 थिस्सलुनीकियन 2:17

हे भाई-बहिनिव, जब हम पंचे कुछ दिनन के खातिर, मन से त नहीं, पय देंह के रूप माहीं तोंहसे पंचन से अलग होइ गएन तय, त हम पंचे, तोंहईं देखँइ के खातिर खुब उपाय किहेन, काहेकि तोंहसे मिलँइ के हमार पंचन के बड़ी इच्छा रही ही।

2 तीमुथियुस 4:21

जाड़े के रित से पहिले आमँइ के कोसिस किहा। यूबूलुस, अउर पूदेंस, अउर लीनुस अउर क्लौदिया, अउर सगले भाइन के तोहईं नबस्कार।

2 तीमुथियुस 4:9

हे तीमुथियुस, हमरे लघे हरबी आमँइ के कोसिस करा।

1 यूहन्ना 1:4

अउर ईं बातँय हम पंचे एसे लिखेन हय, कि हमार पंचन के आनन्द पूर होइ जाय।

दरसनन के बातँय 21:4

ऊँ उनखे आँखिन से सगले आँसू पोंछि डरिहँय; अउर एखे बाद मउत न रही, अउर न सोक, अउर न बिलाप, न पीरा रही; पहिल बातँय खतम होइ जइहँय।”

दरसनन के बातँय 7:17

काहेकि मेम्ना जउन सिंहासन के बीच माहीं हें, उनखर देखभाल करिहँय; अउर उनहीं पंचन काहीं जीबन रूपी पानी के झिन्नन के लघे लइ जाबा करिहँय, अउर परमातिमा उनखे आँखिन से सगले आँसू पोंछि डरिहँय।