2 तीमुथियुस 1:3 - Bagheli Bible

³ जउन मेर परमातिमा के सेबा हमार पुरखा करत रहे हँय, उहयमेर हमहूँ सुद्ध मन से करित हएन, परमातिमा के धन्यबाद होय कि हम तोंहरे खातिर हमेसा प्राथना करित हएन।

2 तीमुथियुस 1:3 ပူးပေါင်းရင်းမြစ်များ

लूका 2:37

ऊँ चउरासी बरिस से बिधबा रही हँय: अउर रोज मन्दिर जात रही हँय, अउर उपास अउर प्राथना कइके रातव-दिन परमातिमा के भक्ती करत रही हँय।

खास चेलन 22:3

“हम त यहूदी आहेन, जउन किलिकिया प्रदेस के तरसुस सहर माहीं पइदा भएन; पय इहय सहर माहीं गमलीएल के लघे बइठिके पढ़ाई किहेन हँय, अउर हमहीं बाप-दादन के बिधान काहीं सही रीति से सिखाबा ग; अउर परमातिमा के खातिर अइसन धुन लगाए रहेन हय, जइसन तूँ पंचे सगले जन आज लगाए हया।

खास चेलन 23:1

पवलुस महासभा के मनइन कइती टकटकी लगाए देखिन, अउर कहिन, “हे भाइव, हम आज तक परमातिमा के खातिर बेलकुल सच्चे बिबेक से जीबन बितायन हय।”

खास चेलन 24:14

पय हम अपना के आँगे इआ माने लेइत हएन, कि जउने पंथ काहीं ईं पंचे कुपन्थ कहत हें, ओहिन के रीत से हम अपने बाप-दादन के परमातिमा के अराधना करित हएन; अउर जउन बातँय मूसा के बिधान, अउर परमातिमा के सँदेस बतामँइ बालेन के किताबन माहीं लिखी हईं, उन सगलेन के हम बिसुआस करित हएन।

खास चेलन 24:16

एसे हम खुदय इआ कोसिस करित हएन, कि परमातिमा के तरफ से, अउर मनइन के तरफ से, हमार बिबेक हमेसा निरदोस रहय।

खास चेलन 26:4

जइसन हमार चाल-चलन सुरुआतय से, अपने जाति के मनइन के बीच माहीं, अउर यरूसलेम सहर माहीं रहा हय, इआ सगले यहूदी लोग जानत हें।

खास चेलन 27:23

काहेकि परमातिमा जिनखर हम सेबक आहेन, अउर जिनखर हम सेबा करित हएन, उनखर स्वरगदूत आज रात माहीं हमरे लघे आइके कहिन,

रोमियन 9:1

हम मसीह के ऊपर बिसुआस करित हएन, एसे हम झूँठ नहीं बोली, पय हम सही कहित हएन, कि हमरे मन के सोच-बिचार पबित्र आत्मा के अँगुआई से इआ गबाही देत हय,

2 कुरिन्थियन 1:12

हमहीं पंचन काहीं इआ बात के घमन्ड हय, कि हम इआ बात सच्चे मन से कहि सकित हएन, कि हम पंचे इआ संसार के मनइन के साथ, अउर खास करके तोंहरे पंचन के साथ, परमातिमा के किरपा के मुताबिक बेउहार किहेन हय। हम पंचे उआ बेउहार सरलता अउर सच्चाई के साथ किहेन हँय, जउन परमातिमा से मिलत हय, अउर उआ संसार के बुद्धी से नहीं मिलय।

गलातियन 1:14

अउर यहूदी धरम काहीं पालन करँइ माहीं अपने जाति के अपने बराबरी बाले मनइन माहीं, हम सगलेन से बढ़िके रहेन हय, अउर अपने बाप-दादन के परम्परन काहीं बड़े उत्साह से मानत रहे हएन।

इफीसियन 1:16

तब से हम तोंहरे पंचन के खातिर परमातिमा काहीं हमेसा धन्यबाद देइत हएन, अउर अपने प्राथनन माहीं हमेसा तोंहईं सुध करित हएन।

1 थिस्सलुनीकियन 3:10

हम पंचे दिन-रात खुब प्राथना करत रहित हएन, कि तोंहईं कबय देखी, अउर आइके तोंहरे बिसुआस के कमी-घटी काहीं पूर करी।

1 तीमुथियुस 1:19

अउर हमेसा यीसु मसीह के ऊपर बिसुआस रक्खा, अउर आपन सोच-बिचार निकहा रक्खा, काहेकि इनहीं छोंड़े के कारन केतनेव के परमातिमा के ऊपर कीन बिसुआस नास होइगा हय, जइसन पानी माहीं बूड़िके जिहाज नास होइ जात हय।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

1 तीमुथियुस 5:5

जउन बिधबा सही माहीं मदत के काबिल ही, अउर ओखर कोऊ मदत करँइ बाला नहिं आय; उआ परमातिमा से मदत पामँइ के खातिर दिन-रात प्राथना करँइ माहीं लगी रहत ही,

2 तीमुथियुस 1:5

हमहीं यीसु मसीह के ऊपर किहे तोंहरे निस्कपट बिसुआस के सुधि आबत ही, जउन मेर पहिले तोंहार नानी लोइस अउर महतारी यूनीके करत रही हँय, अउर हमहीं इआ पूर बिसुआस हय, कि तूँ उहयमेर निस्कपट बिसुआस अबहिनव करते हया।

2 तीमुथियुस 3:15

अउर लड़िकइन से पबित्र सास्त्र तोंहार जाना हय, जउन तोहईं मसीह यीसु के ऊपर बिसुआस किहे से, मुक्ती पामँइ के खातिर बुद्धिमान बनाय सकत हय।

इब्रानियन 13:8

काहेकि यीसु मसीह जइसन पहिले रहे हँय, उहयमेर आजव हें, अउर ऊँ हमेसा उहयमेर रइहँय।