2 तीमुथियुस 1:15 - Bagheli Bible

¹⁵ तूँ जनते हया, कि आसिया प्रदेस के सगले बिसुआसी हमहीं छोंड़िके चलेगें हें, उन माहीं फूगिलुस अउर हिरमुगिनेस घलाय हें।

2 तीमुथियुस 1:15 ပူးပေါင်းရင်းမြစ်များ

खास चेलन 16:6

अउर ऊँ पंचे फ्रूगिया अउर गलातिया प्रदेसन से होइके निकरें, अउर पबित्र आत्मा उनहीं आसिया प्रदेस माहीं बचन सुनामँइ से बरजिन।

खास चेलन 19:10

दुइ बरिस तक इहय होत रहिगा, इहाँ तक कि आसिया प्रदेस के रहँइ बाले का यहूदी लोग, का यूनानी जाति के मनई सगले जन प्रभू के बचन काहीं सुन लिहिन।

खास चेलन 19:27

अउर अब केबल इआ बातय भर के डेर न होय ही, कि हमार पंचन के इआ रोजिगार के बदनामी होई; बलकिन इआ, कि महान देबी अरतिमिस के मन्दिर तुच्छ समझा जई, अउर उनखर मान-सम्मान घट जई, जिनहीं सगले आसिया प्रदेस के मनई, अउर संसार के मनई पूजत हें।”

खास चेलन 19:31

आसिया प्रदेस के हाकिमन म से घलाय जउन पवलुस के साथी रहे हँय, उनखे लघे कहबाय पठइन, अउर बिनती किहिन, कि ऊँ महासभा घर माहीं जाँइ के खतरा मोल न लेंय।

खास चेलन 2:9

हम पंचे जउन पारथी, अउर मेदी, अउर एलामी लोग, अउर मेसोपोटामिया, अउर यहूदिया, अउर कप्पदूकिया, अउर पुन्तुस, अउर आसिया।

खास चेलन 20:16

काहेकि पवलुस इफिसुस के लघे से होइके जाँइ के निस्चित किहिन रहा हय, कि कहँव अइसा न होय, कि उनहीं आसिया प्रदेस माहीं देर होइ जाय; काहेकि ऊँ हरबिरी माहीं रहे हँय, कि अगर होइ सकय त ऊँ पिन्तेकुस्त के दिन यरूसलेम सहर माहीं रहँय।

1 कुरिन्थियन 16:19

आसिया प्रदेस के मसीही मन्डली के बिसुआसी लोग तोहईं पंचन काहीं, प्रभू के नाम माहीं नबस्कार करत हें; अक्विला अउर प्रिस्किल्ला अउर उनखे घर माहीं एकट्ठा होंइ बाली मसीही मन्डली के बिसुआसी लोग घलाय, तोहईं पंचन काहीं पूर मन से नबस्कार करत हें।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

2 तीमुथियुस 4:16

सुरू माहीं जब हम आपन बचाव करँइ के खातिर, सबूत देंइ लागेन, तब हमरे पच्छ माहीं बोलँइ के खातिर कोऊ आँगे नहीं आबा, बलकिन ऊँ पंचे हमहीं अकेले छोंड़ि दिहिन तय। हम प्राथना करित हएन, कि परमातिमा उनखे इआ गलती काहीं माफ करँय।