2 तीमुथियुस 1:14 - Bagheli Bible

¹⁴ अउर पबित्र आत्मा के व्दारा, जउन हमरे पंचन के जीबन माहीं रहत हय, जउन तोंहईं सउँपा ग हय, इआ निकही थाती के रखबारी करा।

2 तीमुथियुस 1:14 ပူးပေါင်းရင်းမြစ်များ

लूका 16:11

एसे जब तूँ पंचे इआ संसार के धन काहीं सम्हारँय माहीं, बिसुआस के काबिल नहीं आह्या, त परमातिमा के बचन रूपी सच्चा धन तोंहईं को सउँपी?

यूहन्ना 14:17

अरथात सत्य के आत्मा, जिनहीं संसार के मनई सोइकार नहीं कइ सकँय, काहेकि ऊँ पंचे न उनहीं देखिन आहीं, अउर न जनतय आहीं: पय तूँ पंचे उनहीं जनते हया, काहेकि ऊँ सहायक तोंहरे साथ रहत हें, अउर ऊँ हमेसा तोंहरे जीबन माहीं रइहँय।

रोमियन 3:2

अगर देखा जाय त यहूदी होंइ के फायदा त हय, काहेकि सबसे पहिले त इआ हय, कि उनहीं पंचन काहीं परमातिमा के बचन सँउपा ग।

रोमियन 8:11

अउर परमातिमा जउने आत्मा से यीसु काहीं मरेन म से जिआइन रहा हय, उहय आत्मा तोंहरे भीतर निबास करत हय, अउर परमातिमा जउने आत्मा से यीसु काहीं मरेन म से जिआइन रहा हय, उहय आत्मा से तोंहरे पंचन के नास होंइ बाली देंह काहीं जिअइहँय।

रोमियन 8:13

काहेकि तूँ पंचे, अगर मन के बुरी इच्छन के मुताबिक जीबन बितइहा, त आत्मिक रूप से मर जइहा, पय अगर परमातिमा के आत्मा के बताए मुताबिक अपने मन के बुरी इच्छन काहीं छोंड़ि देइहा, त आत्मिक रूप से जिअत रइहा।

रोमियन 8:9

पय परमातिमा के आत्मा तोंहरे जीबन माहीं निबास करत हय, एसे तूँ पंचे मन के बुरी इच्छा के मुताबिक जीबन नहीं जीते आह्या, अगर कोहू के जीबन माही मसीह के आत्मा के निबास नहिं आय, त उआ मसीह के जन न कहाई।

1 कुरिन्थियन 3:16

अउर का तूँ पंचे इआ नहीं जनते आह्या, कि तूँ सगले जने परमातिमा के मन्दिर आह्या; अउर परमातिमा के आत्मा तोंहरे भीतर निबास करत हय।

1 कुरिन्थियन 6:19

का तूँ पंचे इआ नहीं जनते आह्या, कि तोंहार पंचन के देंह पबित्र आत्मा के मन्दिर आय, अउर उआ तोंहरे देंह माहीं निबास करत हय, अउर उआ तोहईं पंचन काहीं परमातिमा के तरफ से मिला हय; अउर खुद के जीबन माहीं तोंहार पंचन के कउनव हक्क नहिं आय।

1 कुरिन्थियन 9:17

काहेकि अगर हम अपने मरजी से इआ काम करित हएन, त इनाम पामँइ के हकदार हएन, पय अगर अपने मरजी से नहीं करी, तऊ खुसी के खबर के प्रचार करँइ के जबाबदारी हमहीं सउँपी गे ही।

2 कुरिन्थियन 5:16

एसे अब से हम पंचे कउनव मनई काहीं संसारिक नजर से न देखब, काहेकि एक समय हमहूँ पंचे मसीह काहीं संसारिक नजर से देखत रहे हएन। तऊ अब से हम पंचे मसीह काहीं संसारिक नजर से न देखब।

गलातियन 2:7

पय एखे बिपरीत जब ऊँ पंचे इआ समझिन कि, परमातिमा जइसन यहूदी लोगन काहीं खुसी के खबर सुनामँइ के काम पतरस काहीं सँउपिन तय, उहयमेर गैरयहूदी लोगन काहीं खुसी के खबर सुनामँइ के जबाबदारी हमहीं सँउपिन हीं।

इफीसियन 2:22

जउने माहीं पबित्र आत्मा के द्वारा, परमातिमा के निबास करँइ के खातिर एक साथ बनाए जाय रहे हया।

इफीसियन 5:18

अउर पबित्र आत्मा से भरपूर होत जा, इआ नहीं, कि तूँ पंचे मदिरा पिके मतबार बना, जउने से लुचपन के काम होत हय।

कुलुस्सियन 4:11

अउर यीसु जिनखर नाम यूस्तुस घलाय हय, तोंहईं पंचन काहीं नबस्कार कहत हें, अउर परमातिमा के राज के खातिर काम करँइ माहीं केबल ईंन भर यहूदी जाति के बिसुआसिअन म से हमरे साथ हें, अउर इनहिन के कारन हमहीं अराम मिलत हय।

1 थिस्सलुनीकियन 5:19

पबित्र आत्मा के काम काहीं न दबाबा।

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 1:12

इहय कारन हम ईं दुखन काहीं सहित हएन, पय लजई नहीं, काहेकि जिनखे ऊपर हम बिसुआस किहेन हय, उनहीं हम जानित हएन; अउर हमहीं पूर बिसुआस हय, कि जउन खुसी के खबर परमातिमा हमहीं सउँपिन हीं, ओखर रखबारी ऊँ अन्त समय तक कइ सकत हें।

2 तीमुथियुस 2:2

अउर परमातिमा के जउने बातन काहीं खुब मनइन के आँगे हम तोहईं बतायन तय, उन बातन काहीं अइसन काबिल मनइन काहीं सउँपि द्या; जउन दुसरे काहीं सिखामँइ के काबिल होंय।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।