2 तीमुथियुस 1:12 - Bagheli Bible

¹² इहय कारन हम ईं दुखन काहीं सहित हएन, पय लजई नहीं, काहेकि जिनखे ऊपर हम बिसुआस किहेन हय, उनहीं हम जानित हएन; अउर हमहीं पूर बिसुआस हय, कि जउन खुसी के खबर परमातिमा हमहीं सउँपिन हीं, ओखर रखबारी ऊँ अन्त समय तक कइ सकत हें।

2 तीमुथियुस 1:12 ပူးပေါင်းရင်းမြစ်များ

मत्ती 12:21

अउर गैरयहूदी लोग उनखे नाम के ऊपर आसा रखिहँय।”

मत्ती 24:36

“उआ दिन अउर उआ समय के बारे माहीं कोऊ नहीं जानँय, न स्वरग के दूत, अउर न लड़िका, ओखे बारे माहीं केबल पिता परमातिमा भर जानत हें।

मत्ती 7:22

उआ महान दिन काहीं खुब मनई हमसे पुँछिहँय, हे प्रभू, हे प्रभू, का हम अपना के नाम से परमातिमा के सँदेस नहीं सुनायन, अउर का हम अपना के नाम से बुरी आत्मन काहीं नहीं निकारेन, अउर अपना के नाम से खुब अचरज के कामन काहीं नहीं किहेन?

लूका 10:12

हम तोंहसे कहित हएन, कि जब परमातिमा न्याय करिहँय, उआ दिन, उआ सहर के दुरदसा, सदोम सहर से जादा होई।

लूका 23:46

अउर यीसु खुब चंडे से चिल्लाइके कहिन, “हे पिता, हम आपन आत्मा अपना के हाँथे माहीं देइत हएन।” अउर एतना कहिके प्रान छोंड़ दिहिन।

यूहन्ना 17:15

हम अपना से इआ प्राथना नहीं करी, कि अपना उनहीं संसार से उठाय लेई, पय इआ, कि अपना दुस्ट सइतान से उनखर रच्छा करी।

यूहन्ना 6:44

कोऊ हमरे लघे नहीं आय सकय, जब तक हमहीं पठमँइ बाले पिता परमातिमा ओही हमरे कइती आमँइ के मन न देंइ, अउर जे कोऊ हमरे लघे अई, ओही हम आखिरी दिन पुनि जिन्दा कइ देब।

खास चेलन 13:46

तब पवलुस अउर बरनबास निडर होइके कहिन, “जरूरी रहा हय, कि परमातिमा के बचन पहिले तोंहईं पंचन काहीं सुनाबा जात, पय जब तूँ पंचे ओही सुनँय नहीं चहते आह्या, अउर अपने-आप काहीं अनन्त जीबन के काबिल नहीं ठहरउते आह्या, त देखा, हम गैरयहूदी लोगन के लघे जइत हएन।

खास चेलन 13:50

पय जउने मेहेरिअन के समाज माहीं आदर रहा हय अउर भक्त रही हँय, उनहीं अउर सहर के नेतन काहीं यहूदी लोग उकसाइन, अउर पवलुस अउर बरनबास के ऊपर बड़ा उपद्दरव कर बाइके, उनहीं अपने सीमा से बहिरे निकार दिहिन।

खास चेलन 21:13

पय पवलुस जबाब दिहिन, कि तूँ पंचे का करते हया, रोइ-रोइके हमरे मन काहीं कमजोर करते हया, हम त प्रभू यीसु के नाम के खातिर यरूसलेम सहर म न केबल बाँधे जाँइन भर काहीं नहीं, बलकिन मरऊँ के खातिर तइआर हएन।

खास चेलन 7:59

अउर ऊँ पंचे स्तिफनुस के ऊपर पथरा मरतय रहिगें, अउर ऊँ इआ कहिके प्राथना करत रहिगें, कि “हे प्रभू यीसु, हमरे आत्मा काहीं सोइकार करी।”

खास चेलन 9:16

अउर हम उनहीं बताउब, कि हमरे नाम के खातिर उनहीं कइसा-कइसा दुख उठामँइ परी।”

रोमियन 1:16

काहेकि हम खुसी के खबर से नहीं लजई, एसे कि उआ हरेक बिसुआस करँइ बालेन के खातिर, पहिले त यहूदी लोगन के खातिर, ओखे बाद गैरयहूदी लोगन काहीं मुक्ती पामँइ के खातिर परमातिमा के सामर्थ आय।

रोमियन 9:33

जइसन पबित्र सास्त्र माहीं लिखा हय; “परमातिमा कहिन हीं, कि ‘देखा हम सिय्योन माहीं ठेस लागँइ के एकठे पथरा, अउर ठोकर खाँय के चट्टान धरित हएन; अउर जे कोऊ ओखे ऊपर बिसुआस करी, उआ कबहूँ लज्जित न होई’।”

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

1 कुरिन्थियन 3:13

त जब यीसु मसीह दुबारा अइहँय, उआ दिना हरेक जन के काम सगले जनेन के आँगे प्रगट होइ जई; अउर जब ऊँ अइहँय त उनखर तेज आगी के लपट कि नाईं होई, अउर उहय आगी के द्वारा हरेक जन के काम जाँचा-परखा जई, कि उआ कइसन हय।

फिलिप्पियन 1:20

हम हिरदँय से इहय आसा अउर बिसुआस रक्खित हएन, कि हम कउनव बात माहीं लज्जित न होई, बलकिन हमरे बड़े साहस के कारन मसीह के बड़ाई होय, जइसन हमरे देंह के व्दारा हमेसा होत रही हय, उहयमेर अबहिनव होय, चाह हम जिन्दा रही, चाह मर जई।

फिलिप्पियन 3:10

अउर हम मसीह काहीं निकहा से जानँइ चाहित हएन, अउर उनखे सामर्थ के अनुभव करँइ चाहित हएन, जउने के व्दारा उँ मरेन म से जि उठे रहे हँय, अउर उनखे उआ दुख माहीं सामिल होंइ चाहित हएन, अउर उहय रूप काहीं पामँइ चाहित हएन, जउने काहीं ऊँ अपने मउत के व्दारा पाइन रहा हय।

फिलिप्पियन 3:21

ऊँ अपने उआ सक्ती से जउने से संसार के सगली चीजन काहीं, अपने काबू माहीं कइ सकत हें, उहय सक्ती से हमरे पंचन के निबल देंह के रूप बदलिके, अपने महिमामय देंह कि नाईं बनाय देइहँय।

फिलिप्पियन 3:8

बलकिन हम अपने प्रभू मसीह यीसु के उत्तम बातन काहीं पहिचान लिहेन हय, इआ कारन से मूसा के बिधान के सगली बातन काहीं तुच्छ समझित हएन; अउर सगली चीजन काहीं कूरा-कचरा समझिके छोंडि दिहेन हय, जउने मसीह काहीं अपनाय सकी।

1 थिस्सलुनीकियन 2:16

अउर ऊँ पंचे, गैरयहूदी लोगन से, उनखे मुक्ती के खातिर बचन सुनामँइ से हमहीं पंचन काहीं बरजत हें, इआ कारन से ऊँ पंचे हमेसा अपने पाप के घड़ा भरत रहत हें; अउर अब परमातिमा के भयानक क्रोध उनखे ऊपर आय परा हय।

1 थिस्सलुनीकियन 5:4

पय हे भाई-बहिनिव, तूँ पंचे त पाप रूपी अँधिआर माहीं नहिं आह्या, कि उआ दिन तोंहरे ऊपर चोर कि नाईं अचानक आय परय।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 1:14

अउर पबित्र आत्मा के व्दारा, जउन हमरे पंचन के जीबन माहीं रहत हय, जउन तोंहईं सउँपा ग हय, इआ निकही थाती के रखबारी करा।

2 तीमुथियुस 1:16

उनेसिफुरूस के घराना के ऊपर प्रभू दया करँय, काहेकि ऊँ कइअक बेरकी हमसे मिलँय आए रहे हँय, हम जेल माहीं बंद रहेन हय, तऊ मिलँय से नहीं लजानें, एसे हमहीं बड़ी सान्ति मिली।

2 तीमुथियुस 1:18

प्रभू करँइ कि न्याय के दिन, उनखे ऊपर प्रभू के दया होय, अउर जउन-जउन सेबा ऊँ इफिसुस सहर माहीं किहिन हीं, उनहीं तूँ निकहा से जनते हया।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

2 तीमुथियुस 4:8

भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

तीतुस 3:8

अउर ईं सगली बात सही हईं, अउर सगले मनइन के खातिर लाभदायक हईं, एसे हम चाहित हएन, कि तूँ ईं सगली बातन के बारे माहीं जोर दइके लोगन काहीं बताबा, एसे कि जउन लोग परमातिमा के ऊपर बिसुआस करत हें, ऊँ भले-भले कामन काहीं करँइ माहीं ध्यान देंय।

इब्रानियन 12:2

अउर बिसुआस के सुरुआत करँइ बाले, अउर ओही परिपूर्न करँइ बाले, यीसु के ऊपर हम पंचे ध्यान लगाए रही; जे उआ खुसी के खातिर जउन उनखे आँगे धरी रही हय, सरम के कउनव परबाह नहीं किहिन, अउर क्रूस के सजा काहीं सहि लिहिन, अउर जाइके परमातिमा के दहिने कइती सिंहासन माहीं बइठिगें हँय।

इब्रानियन 2:18

काहेकि यीसु जब परिच्छा माहीं परे रहे हँय, त खुब दुख उठाइन तय, एसे ऊँ उनहूँ के घलाय मदत कइ सकत हें, जिनखर परिच्छा होत ही।

इब्रानियन 7:25

एसे जेतने जन यीसु के द्वारा परमातिमा के लघे आबत हें, यीसु उनहीं पूर-पूर मुक्ती दइ सकत हें, काहेकि ऊँ बिचबई बनिके उनखे खातिर बिनती करँइ के खातिर हमेसा जिन्दा हें।

1 पतरस 1:5

अउर तोंहार पंचन के रक्छा परमातिमा के सक्ती के द्वारा, बिसुआस से उआ मुक्ती पामँइ के खातिर कीन जात ही, जउन अन्तिम न्याय के दिन माहीं प्रगट होंइ बाली हय।

1 पतरस 4:16

पय अगर मसीह के ऊपर बिसुआस किहे के कारन, दुख पाबत हय, त उआ लज्जित न होय, बलकिन इआ बात के खातिर परमातिमा के बड़ाई करय।

1 पतरस 4:19

एसे जे कोऊ परमातिमा के मरजी के मुताबिक दुख उठाबत हें, ऊँ पंचे भलाई के काम करत, अपने-अपने प्रान काहीं बिसुआस के काबिल संसार के रचइता परमातिमा के हाँथे माहीं सउँपि देंय।

यहूदा 1:24

अब तोंहईं पंचन काहीं, जे पाप माहीं गिरँय से बचाय सकत हें, अउर अपने महिमा के भरपूरी के आँगे आनन्दित, अउर निरदोस कइके ठाढ़ कइ सकत हें।