2 तीमुथियुस 1:10 - Bagheli Bible

¹⁰ पय अब हमहीं पंचन काहीं मुक्ती देंइ बाले यीसु मसीह, संसार माहीं आइके उआ किरपा काहीं प्रगट किहिन, अउर उँइन मउत के सक्ती काहीं खतम कइ दिहिन, अउर जउन परमातिमा के साथ हमेसा जीबन बितामँइ के मोका देत ही, उआ खुसी के खबर के प्रचार किहिन।

2 तीमुथियुस 1:10 ပူးပေါင်းရင်းမြစ်များ

लूका 11:36

एसे अगर तोंहार सगली देंह उँजिआर कि नाईं निकही होई, अउर ओखे कउनव हिस्सा माहीं पाप न होई, त सगली देंह उँजिआर कि नाईं होइ जई, जइसन उआ समय होइ जात हय, जब दिया के उँजिआर तोंहईं मिलत हय।”

लूका 13:7

तब उआ मनई बगिया के रखबारी करँइ बाले से कहिस, ‘देखा तीन बरिस से हम इआ अंजीर के बिरबा माहीं फर ढूँढ़ँइ अइत हएन, पय एक्कव फर नहीं पाई। इआ बिरबा काहीं काटि डारा, इआ काहे भुँइ काहीं छिंदाए रहय?’

लूका 2:11

काहेकि आज दाऊद के सहर माहीं तोंहरे खातिर मुक्ती देंइ बाले जनम लिहिन हीं, अउर ईंन मसीह प्रभू आहीं।

यूहन्ना 1:9

उआ सच्ची जोति जउन संसार के हरेक मनइन काहीं ग्यान रूपी उँजिआर देत ही, संसार माहीं आमँइ बाली रही हय।

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

यूहन्ना 20:31

पय ईं चमत्कार एसे लिखे गे हँय, कि तूँ पंचे बिसुआस करा, कि यीसुअय परमातिमा के लड़िका मसीह आहीं: अउर यीसु के ऊपर बिसुआस कइके, उनखे नाम से अनन्त जीबन पाबा।

यूहन्ना 4:42

अउर ऊँ पंचे उआ मेहेरिआ से कहिन, “अब हम पंचे तोंहरे बताएन भर से बिसुआस नहीं करी; काहेकि हम पंचे खुदय उनखर बचन सुने हएन, अउर जान गएन हय, कि वास्तव माहीं संसार के मनइन काहीं मुक्ती देंइ बाले ईंन आहीं।”

यूहन्ना 5:40

तऊ तूँ पंचे अनन्त जीबन पामँइ के खातिर, हमरे लघे आमँइ नहीं चहते आह्या।

खास चेलन 13:23

उनहिन के बंस म से परमातिमा अपने वादा के मुताबिक, इजराइल माहीं मुक्ती देंइ बाले के रूप माहीं, यीसु काहीं पठइन।

खास चेलन 5:31

उनहिन काहीं परमातिमा, प्रभू अउर मुक्ती देंइ बाला ठहराइके, अपने दहिने हाँथ से सगलेन से ऊँच कइ दिहिन हीं, कि ऊँ इजराइली लोगन काहीं मन फिरामँइ के सक्ती, अउर पापन के माफी देंइ।

रोमियन 16:26

पय अब ओही हमेसा रहँइ बाले परमातिमा के हुकुम से उनखे सँदेस बतामँइ बालेन के लिखी किताबन के द्वारा, सगले जातिअन के मनइन काहीं बताबा ग हय, कि जउने उनखे ऊपर बिसुआस कइके, ऊँ पंचे उनखर हुकुम मानँइ बाले होइ जाँय।

रोमियन 2:7

जउन मनई धीरज के साथ लगीतार निकहा काम करत, परमातिमा के तरफ से बड़ाई अउर मान- सम्मान पामँइ अउर परमातिमा के साथ हमेसा रहँइ खातिर खोज माहीं लगे रहत हें, उनहीं परमातिमा अनन्त जीबन देइहँय।

रोमियन 3:31

त का हम पंचे बिसुआस के द्वारा मूसा के बिधान काहीं बेकार ठहराइत हएन? नहीं, बेलकुल नहीं; बलकिन मूसा के बिधान काहीं अउर मजबूत बनाइत हएन।

रोमियन 6:6

अउर हम पंचे इआ जानित हएन, कि हमार पंचन के पुरान पापी सुभाव यीसु मसीह के साथ क्रूस माहीं चढ़ाय दीन ग हय, कि जउने हमार पंचन के पाप के इआ देंह नास होइ जाय, अउर आँगे हम पंचे पाप के दासता माहीं न रही।

1 कुरिन्थियन 15:26

अउर सगलेन से आखिरी दुसमन, मउत काहीं घलाय नास कीन जई।

1 कुरिन्थियन 4:5

एसे जब तक प्रभू न आमँय, त समय से पहिले कउनव बात के न्याय न किहा, काहेकि जब प्रभू अइहँय त अँधिआर माहीं छिपी बातन काहीं उँजिआर माहीं देखइहँय, अउर मनइन के मन के उद्देसन काहीं घलाय प्रगट करिहँय। तब परमातिमा के तरफ से हरेक जन के उचित बड़ाई होई।

2 कुरिन्थियन 5:4

अउर हम पंचे इआ तम्बू माही रहत समय, बोझ से दबे कराहत रहित हएन। एखर कारन इआ हय, कि हम पंचे इआ पुरान तम्बू काहीं छोंड़ँइ नहीं चाही, बलकिन एहिन के साथय स्वरग माहीं मिलँइ बाले उआ घर, अरथात नई देंह काहीं पामँइ चाहित हएन। जउने नास होंइ बाली इआ देंह काहीं अनन्त जीबन मिल जाय।

गलातियन 5:4

तूँ पंचे जउन मूसा के बिधान के बातन काहीं मानिके धरमी ठहरँय चहते हया, त तूँ पंचे मसीह से अलग, अउर परमातिमा के किरपासे दूर होइ गया हय।

इफीसियन 1:18

अउर हमार बिनती इहव हय, कि तोंहरे पंचन के मन के आँखी खुल जाँय, अउर तूँ पंचे उआ प्रकास के दरसन कइ सका, जउने तोंहईं पंचन काहीं इआ मालुम होइ जाय, कि उआ आसा का आय, जउने के खातिर ऊँ तोंहईं पंचन काहीं बोलाइन हीं। अउर अपने चुने सगले मनइन काहीं जउन बारिसदार होंय के हक्क ऊँ देइहँय, उआ केतना अदभुत अउर महान हय।

इफीसियन 1:9

अउर परमातिमा अपने इच्छा के भेद काहीं अपने निकहे बिचार के मुताबिक हमहीं पंचन काहीं बताइन हीं, जउने काहीं ऊँ मसीह के द्वारा हमहीं पंचन काहीं देखामँइ चाहत रहे हँय।

2 थिस्सलुनीकियन 2:8

तब उआ अधरमी प्रगट होई, जउने काहीं प्रभू यीसु अपने मुँहे के फूँक से मारि डरिहँय, अउर अपने आमँइ के तेज से भसम करिहँय।

2 तीमुथियुस 1:1

हम पवलुस आहेन, हे तीमुथियुस इआ चिट्ठी हम तोंहईं लिख रहेन हय, जउन तूँ हमरे पियार लड़िका कि नाईं हया, जउन अनन्त जीबन देंइ के वादा परमातिमा किहिन रहा हय, ओखे मुताबिक जेतने जने प्रभू यीसु मसीह के ऊपर बिसुआस करत हें, उनहीं बतामँइ के खातिर, परमातिमा के इच्छा से, हम यीसु मसीह के खास चेला आहेन।

2 तीमुथियुस 1:8

एसे तूँ प्रभू के बारे माहीं दुसरेन काहीं बतामँइ माहीं न लजा, अउर न हमहिन से लजा, जउन खुसी के खबर सुनामँइ के कारन जेल माहीं बंद हएन, पय परमातिमा के दिहे सामर्थ के मुताबिक खुसी के खबर काहीं सुनामँइ के खातिर, हमरे कि नाईं दुख उठाबा,

2 तीमुथियुस 4:1

हे तीमुथियुस, परमातिमा अउर मसीह यीसु काहीं गबाह मानिके, जउन जिअत अउर मरे मनइन के न्याय करिहँय, यीसु मसीह जउन सगले मनइन के ऊपर राज करँइ के खातिर अइहँय, उनखर सुध देबाइके तोहईं हुकुम देइत हएन।

2 तीमुथियुस 4:8

भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

तीतुस 2:11

काहेकि सगले मनइन काहीं छुटकारा देंइ के खातिर परमातिमा आपन दया देखाइन हीं।

तीतुस 2:13

अउर उआ आनन्द मिलँइ के आसा रखिके, अपने महान परमातिमा, अउर पाप करँइ से छुटकारा देंइ बाले यीसु मसीह काहीं, महिमा के साथ धरती माहीं आमँइ के इन्तजार करत रही।

तीतुस 3:4

पय जब हमहीं पँचन काहीं मुक्ती देंइ बाले परमातिमा के किरपा भे, अउर सगले मनइन के ऊपर ऊँ आपन प्रेम देखाइन।

इब्रानियन 10:32

पय तूँ पंचे ऊँ दिनन काहीं सुधि करा, जब तूँ पंचे मसीह के ऊपर बिसुआस किहा तय, अउर दुख- बिपत्तिन माहीं घलाय बिसुआस माहीं मजबूती के साथ अटल रहे हया।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

2 पतरस 1:11

बलकिन इआमेर से तोंहार पंचन के, हमरे पंचन के प्रभू अउर मुक्ती देंइ बाले यीसु मसीह के अनन्त राज माहीं, बड़े आदर के साथ स्वागत कीन जई।

2 पतरस 1:3

परमातिमा अपने सक्ती से भक्तिमय जीबन जिअँइ के खातिर, अउर उनखे सेबा के खातिर, जउन कुछू हमहीं पंचन काहीं चाही, उआ सब कुछ दिहिन हीं। अउर हमहीं पंचन काहीं अपने ग्यान काहीं पामँइ के काबिल बनाइन हीं, अउर ऊँ हमहीं पंचन काहीं अपने महिमा अउर प्रताप के मुताबिक बोलाइन हीं।

2 पतरस 2:20

एसे कि जब ऊँ पंचे हमरे पंचन के प्रभू अउर मुक्ती देंइ बाले, यीसु मसीह के ऊपर बिसुआस किहे के द्वारा संसार के अनेकव प्रकार के बुराइन से बच निकरें तय, अउर पुनि ओहिन माहीं फँसिके हार गे हँय, त उनखर दसा पहिले से अउर जादा खराब होइगे ही।

2 पतरस 3:18

बलकिन हमरे पंचन के प्रभू, अउर मुक्ती देंइ बाले यीसु मसीह के किरपा, अउर पहिचान माहीं आँगे बढ़त जा। उनहिन के महिमा अबहिनव होय, अउर जुगन-जुगन तक होत रहय। आमीन।

2 पतरस 3:2

जउने तूँ पंचे परमातिमा के सँदेस बतामँइ बाले पबित्र लोगन के द्वारा, पहिलेन से कही, ऊँ बातन काहीं सुधि करा, अउर हमही पंचन काहीं मुक्ती देंइ बाले प्रभू के हुकुमन काहीं, जउन तोंहरे बीच माहीं सेबा करँइ बाले, यीसु मसीह के खास चेलन के द्वारा तोंहईं बताबा ग रहा हय, उनहीं सुधि रक्खा।

1 यूहन्ना 1:2

ऊँ अनन्त जीबन देंइ बाले आहीं, उनहीं परमातिमा सगले मनइन के खातिर प्रगट किहिन हीं। हम पंचे उनहीं देखेन हय, अउर उनखे बारे माहीं जउन खुसी के खबर ही, ओही हम पंचे तोंहईं बताइत हएन, कि ऊँ तोंहऊँ काहीं अनन्त जीबन देंइ बाले आहीं, ऊँ पिता परमातिमा के साथ माहीं रहे हँय, अउर पिता परमातिमा उनहीं हमरे ऊपर प्रगट किहिन हीं।

1 यूहन्ना 4:14

अउर हम पंचे देखिव लिहेन हय, अउर गबाही देइत हएन, कि परमातिमा अपने लड़िका काहीं, संसार के मनइन काहीं मुक्ती देंइ के खातिर पठइन हीं।

दरसनन के बातँय 18:1

एखे बाद हम एकठे अउर स्वरगदूत काहीं, स्वरग से उतरत देखेन, जिनहीं बड़ा अधिकार मिला रहा हय; अउर धरती उनखे तेज से चमक उठी।

दरसनन के बातँय 2:7

जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय, जउन बिजय पाई, ओही हम उआ जीबन के बिरबा म से, जउन परमातिमा के स्वरगराज माहीं हय, फर खाँइ काहीं देब।”

दरसनन के बातँय 20:14

मउत अउर अधोलोक आगी के झील माहीं डारे गें। इआ आगी के झील दूसर मउत आय।

दरसनन के बातँय 22:14

“ऊँ पंचे धन्य हें, जउन आपन ओन्हा धोय लेत हें, काहेकि उनहीं जीबन के बिरबा के लघे, आमँइ के अधिकार मिली, अउर ऊँ पंचे फाटक से होइके सहर माहीं जइहँय।

दरसनन के बातँय 22:17

पबित्र आत्मा अउर दुलहिन दोनव कहत हें, “आबा!” अउर सुनँय बाला घलाय कहय, “आबा!” जे पियासा होय उआ आबय, अउर जे कोऊ चाहय, उआ जीबन के पानी सेंत-मेंत लेय।