2 थिस्सलुनीकियन 3:9 - Bagheli Bible

⁹ अइसा नहिं आय कि हमहीं पंचन काहीं तोंहसे खाँय-पिअँइ के हक्क नहिं आय, हक्क हय, तऊ हम पंचे एसे कठिन मेहनत करत रहेन हय, कि जउने तुहूँ पंचे इहइमेर करा।

2 थिस्सलुनीकियन 3:9 ပူးပေါင်းရင်းမြစ်များ

मत्ती 10:10

अउर गइल के खातिर न झोरिया लिहा, न दुइठे कुरथा लिहा, न पनहीं लिहा, अउर न लाठिन लिहा, काहेकि मजूर काहीं ओखे भरन-पोसन के खातिर सगली जरूरत के चीजँय मिलती हँय।

यूहन्ना 13:15

काहेकि हम तोंहईं नमूना देखाय दिहेन हय, कि जइसा हम तोंहरे साथ किहेन हय, तुहूँ पंचे घलाय उहयमेर किहा करा।

1 कुरिन्थियन 4:16

एसे हम तोंहसे इआ बिनती करित हएन, कि तोंहार चाल-चलन हमरे कि नाईं होय।

गलातियन 6:6

जेही परमातिमा के बचन सुनाबा ग हय, ओही चाही कि ओखे लघे जउन निकही चीजँय होंय, उनमा से अपने बचन सुनामँइ बाले काहीं कुछ दइके मदत करँय।

1 थिस्सलुनीकियन 2:6

अउर हम पंचे मसीह के खास चेला होंइ के कारन तोंहरे ऊपर बोझ डार सकत रहेन हय, तऊ हम पंचे मनइन से आदर नहीं चाहत रहेन आय, अउर न तोंहसे अउर न कोहू से।

2 थिस्सलुनीकियन 3:7

काहेकि तूँ पंचे त खुदय जनते हया, कि तोंहईं कउनमेर से हमरे कि नाईं चाल चलँइ चाही; काहेकि तोंहरे पंचन के बीच माहीं हमार चाल-चलन गलत नहीं रहा।

1 पतरस 2:21

अउर तूँ पंचे एहिन के खातिर परमातिमा के द्वारा बोलाए गया हय, काहेकि मसीह घलाय तोंहरे खातिर दुख सहिके, तोंहईं नमूना देखाइगे हँय, कि जउने तुहूँ पंचे उनहिन के पद चिन्हन माहीं चला।

1 पतरस 5:3

अउर जउन झुन्ड तोंहईं पंचन काहीं रखबारी के खातिर सउँपा ग हय, उनखे ऊपर आपन अधिकार न जताबा, बलकिन झुन्ड के खातिर आदर्स बना।