2 थिस्सलुनीकियन 3:7 - Bagheli Bible

⁷ काहेकि तूँ पंचे त खुदय जनते हया, कि तोंहईं कउनमेर से हमरे कि नाईं चाल चलँइ चाही; काहेकि तोंहरे पंचन के बीच माहीं हमार चाल-चलन गलत नहीं रहा।

2 थिस्सलुनीकियन 3:7 ပူးပေါင်းရင်းမြစ်များ

2 थिस्सलुनीकियन 3:6

हे भाई-बहिनिव, हम पंचे, तोंहईं अपने प्रभू यीसु मसीह के नाम से हुकुम देइत हएन; कि तूँ पंचे सगले जन अइसन भाई-बहिनिन से अलग रहा, जिनखर चाल-चलन निकहा नहिं आय, काहेकि जउन सिच्छा ऊँ पंचे हमसे पाइन रहा हय, ओखे मुताबिक नहीं चलँय।

2 थिस्सलुनीकियन 3:9

अइसा नहिं आय कि हमहीं पंचन काहीं तोंहसे खाँय-पिअँइ के हक्क नहिं आय, हक्क हय, तऊ हम पंचे एसे कठिन मेहनत करत रहेन हय, कि जउने तुहूँ पंचे इहइमेर करा।

1 कुरिन्थियन 4:16

एसे हम तोंहसे इआ बिनती करित हएन, कि तोंहार चाल-चलन हमरे कि नाईं होय।

1 कुरिन्थियन 11:1

अउर जइसन मसीह कि नाईं हमार चाल-चलन हय, उहयमेर तोंहार पंचन के चाल-चलन घलाय, हमरे कि नाईं होंइ क चाही।

फिलिप्पियन 3:17

अउर हे भाई-बहिनिव, तूँ पंचे सगले जन हमरे कि नाईं जीबन जिआ, अउर उनहीं पहिचान लेबा करा, जउन हमरिन कि नाईं जीबन जिअत हें, जेखर उदाहरन तूँ पंचे हमरे जीबन माहीं पउते हया।

तीतुस 2:7

तूँ जउन कुछू काम करा ऊँ निकहे होंय, जउने ईं सब कामन काहीं देखिके, जमान लोग उहयमेर जीबन जिअँइ। अउर तूँ जउन सिखाबा उआ निस्कपट होंइ चाही, जउने काहीं सुनिके लोग-बाग अपनाय सकँय।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

1 थिस्सलुनीकियन 2:10

तूँ पंचे एखर खुदय गबाह हया, अउर परमातिमा घलाय गबाह हें, कि तोंहरे सगले बिसुआसी लोगन के बीच माहीं, हमार पंचन के बरताव कइसन पबित्र, धारमिक, अउर निरदोस रहा हय।

फिलिप्पियन 4:9

अउर जउन बातँय तूँ पंचे हमसे सिखे हया, अउर उनहीं अपने जीबन माहीं अपनाए हया, अउर जउन बातँय हमसे सुने हया, इआ कि हमहीं करत देखे हया, उनहिन के मुताबिक चला, तबहिन सान्ति के दाता परमातिमा तोंहरे पंचन के साथ माहीं रइहँय।

1 पतरस 5:3

अउर जउन झुन्ड तोंहईं पंचन काहीं रखबारी के खातिर सउँपा ग हय, उनखे ऊपर आपन अधिकार न जताबा, बलकिन झुन्ड के खातिर आदर्स बना।

1 थिस्सलुनीकियन 5:14

अउर हे भाई-बहिनिव, हम पंचे तोंहईं समझाइत हएन, जिनखर चाल-चलन निकहा नहिं आय, उनहीं समझाबा, डरपोकन काहीं ढाढ़स द्या, कमजोरन काहीं सम्हारा, अउर सगलेन के साथ सहनसीलता देखाबा।