2 थिस्सलुनीकियन 3:4 - Bagheli Bible

⁴ अउर तूँ पंचे प्रभू के ऊपर बिसुआस करते हया, एसे हमहीं पंचन काहीं तोंहरे ऊपर पूर भरोसा हय, कि जउन-जउन हुकुम हम पंचे तोंहईं दिहेन रहा हय, उनहीं तूँ पंचे मनते हया, अउर मनतव रइहा।

2 थिस्सलुनीकियन 3:4 ပူးပေါင်းရင်းမြစ်များ

मत्ती 28:20

अउर जउने बातन काहीं, हम तोंहईं पंचन काहीं मानँइ के हुकुम दिहेन हय, उँइन बातन काहीं मानँइ के खातिर उनहूँ पंचन काहीं सिखाबा: अउर इआ बात काहीं सुध रख्या, कि संसार के अन्त तक हमेसा हम तोंहरे पंचन के साथ माहीं रहब।”

रोमियन 15:14

हे हमार भाई-बहिनिव, हम खुदय तोंहरे बारे माहीं निकहा से जानित हएन, कि तूँ पंचे भलाई करँइ माहीं आँगे हया, अउर परमातिमा तोंहईं पंचन काहीं भरपूर ग्यान दिहिन हीं, एसे तूँ पंचे एक दुसरे काहीं सिच्छा दइ सकते हया।

रोमियन 15:18

काहेकि ऊँ बातन काहीं छोंड़िके, हमहीं अउर दुसरे बात के बारे माहीं कहँइ के साहस नहिं आय, जउन मसीह गैरयहूदी लोगन काहीं, परमातिमा के अधीनता माहीं लइ आमँइ के खातिर, बचन सुनामँइ के काम,

रोमियन 2:7

जउन मनई धीरज के साथ लगीतार निकहा काम करत, परमातिमा के तरफ से बड़ाई अउर मान- सम्मान पामँइ अउर परमातिमा के साथ हमेसा रहँइ खातिर खोज माहीं लगे रहत हें, उनहीं परमातिमा अनन्त जीबन देइहँय।

1 कुरिन्थियन 14:37

अउर अगर कउनव इआ सोचत हय, कि हम परमातिमा के सँदेस बतामँइ बाले आहेन, इआ कि आत्मिक जन आहेन, त ओही इआ जान लेंइ क चाही, कि जउन कुछू हम लिख रहेन हँय, उआ प्रभू के हुकुम आय।

1 कुरिन्थियन 7:19

काहेकि न त खतना करामँइ बालेन के कउनव महत्व आय, अउर न त बिना खतना बालेन के; पय परमातिमा के हुकुमन के पालन करब सगलेन से खास बात आय।

2 कुरिन्थियन 2:3

अउर हम इहय बात तोंहईं एसे लिखेन हय, कि कहँव अइसा न होय, कि जब हम तोंहरे पंचन के लघे अई, त जिनसे हमहीं आनन्द मिलँइ चाही, त हम उनहिन के कारन दुखी होई; काहेकि हमहीं तोंहरे सगले जनेन के ऊपर इआ बात के भरोसा हय, कि जउन आनन्द हमार हय, उआ तोंहरव पंचन के घलाय आनन्द हय।

2 कुरिन्थियन 2:9

काहेकि हम तोंहईं पंचन काहीं अजमामँइ के उद्देस्य से इआ लिखेन तय, अउर हम इआ जानँइ चाहत रहेन हय, कि तूँ पंचे हमरे सगली बातन काहीं मानँइ के खातिर तइआर हया, कि नहीं?

2 कुरिन्थियन 8:22

अउर हम पंचे तीतुस के साथ अपने ऊँ भाई काहीं घलाय पठए हएन, जिनहीं हम पंचे बेर-बेर जाँचेन परखेन हय, त उनहीं खुब बातन माहीं उत्साही पाएन हय; अउर उनहीं अब तोंहरे पंचन के ऊपर बड़ा भरोसा हय, इहय कारन से उनखर उत्साह अउर जादा बढ़िगा हय।

गलातियन 5:10

अउर हम प्रभू के ऊपर तोंहरे पंचन के बारे माहीं भरोसा रक्खित हएन, कि तोंहार पंचन के उआ गलत सिच्छा काहीं मानँइ के बिचार न होई; पय जे कोऊ तोंहईं बहकामँइ के कोसिस करत हय, चाह उआ कोहू होई, परमातिमा से सजा पाई।

फिलिप्पियन 1:6

अउर हमहीं इआ बात के पूर बिसुआस हय, कि परमातिमा जउन तोंहरे पंचन के जीबन माहीं निकहा काम सुरू किहिन हीं, उँइन ओही मसीह यीसु के दिन तक पूर करिहँय।

फिलिप्पियन 2:12

एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा।

1 थिस्सलुनीकियन 4:10

अउर पूरे मकिदुनिया प्रदेस के सगले बिसुआसी भाई-बहिनिन के साथ, अइसन प्रेम करते घलाय हया, पय हे भाई-बहिनिव, हम पंचे तोंहईं समझाइत हएन, कि इहइमेर प्रेम अउर जादा से जादा करत चले जा।

2 थिस्सलुनीकियन 3:12

इआमेर के मनइन काहीं हम पंचे प्रभू यीसु मसीह के नाम से इआ हुकुम देइत, अउर समझाइत हएन, कि ऊँ पंचे चुपचाप काम धन्धा कइके अपनेन कमाई के रोटी खाबा करँय।

2 थिस्सलुनीकियन 3:6

हे भाई-बहिनिव, हम पंचे, तोंहईं अपने प्रभू यीसु मसीह के नाम से हुकुम देइत हएन; कि तूँ पंचे सगले जन अइसन भाई-बहिनिन से अलग रहा, जिनखर चाल-चलन निकहा नहिं आय, काहेकि जउन सिच्छा ऊँ पंचे हमसे पाइन रहा हय, ओखे मुताबिक नहीं चलँय।

फिलेमोन 1:21

हम तोंहरे ऊपर बिसुआस करित हएन, कि तूँ हमरे हुकुम काहीं जरूर मनिहा, एसे हम तोंहईं इआ चिट्ठी लिख रहेन हय, अउर हम इहव जानित हएन, कि जउन हम तोंहईं कहित हएन, ओही तूँ ओहू से बढ़िके करिहा।