2 थिस्सलुनीकियन 3:2 - Bagheli Bible

² अउर इहव प्राथना करा, कि हम पंचे खराब अउर दुस्ट मनइन से बचे रही, काहेकि अइसन मनई प्रभू के ऊपर बिसुआस करँइ बाले नहीं होंय।

2 थिस्सलुनीकियन 3:2 ပူးပေါင်းရင်းမြစ်များ

मत्ती 17:17

तब यीसु उनहीं जबाब दिहिन, “हे परमातिमा के ऊपर बिसुआस न करँइ बाले हठी मनइव, हम कब तक तोंहरे साथ रहब, अउर कब तक तोंहार सहत रहब? उआ लड़िका काहीं हमरे लघे लइ आबा।”

मत्ती 23:23

“हे ढोंगिव, मूसा के बिधान सिखामँइ बाल्या, अउर फरीसी लोगव तोहईं पंचन काहीं परमातिमा से खुब सजा मिली। काहेकि तूँ पंचे पोदीना, सउँफ अउर जीरा के दसमा हिस्सा त देते हया, पय तूँ पंचे मूसा के बिधान के खास बातन काहीं, जइसन कि न्याय करब, दया करब, अउर परमातिमा के ऊपर बिसुआस करब, छोंड़ दिहा हय; तोहईं पंचन काहीं इआ जरूरी रहा हय, कि ईं बातन काहीं घलाय करत रहत्या, अउर उनहूँ काहीं न छोंड़त्या।

लूका 18:8

हम तोंहसे कहित हएन, परमातिमा हरबिन उनखर न्याय चुकइहँय। तऊ मनई के लड़िका जब अई, त का उआ धरती के मनइन माहीं बिसुआस पाई?”

खास चेलन 13:45

पय यहूदी लोग भीड़ काहीं देखिके डाह से भरिगें, अउर पवलुस के बुराई कइके उनखे बातन के बिरोध माहीं बोलँइ लागें।

खास चेलन 13:50

पय जउने मेहेरिअन के समाज माहीं आदर रहा हय अउर भक्त रही हँय, उनहीं अउर सहर के नेतन काहीं यहूदी लोग उकसाइन, अउर पवलुस अउर बरनबास के ऊपर बड़ा उपद्दरव कर बाइके, उनहीं अपने सीमा से बहिरे निकार दिहिन।

खास चेलन 14:2

पय बिसुआस न करँइ बाले कुछ यहूदी लोग, गैरयहूदी लोगन काहीं बिसुआसी भाइन के बिरोध माहीं उकसाइन, अउर उनखे बीच माहीं बिरोध कराय दिहिन।

खास चेलन 17:5

पय यहूदी लोग इरसा से भरिके, बजारन माहीं रहँइ बाले गुंडन काहीं अपने साथ एकट्ठा कइके, अउर भीड़ लगाइके सहर माहीं हुल्लड़ मचामँइ लागें, अउर यासोन नाम के मनई के घर माहीं चढ़ाई कइके, पवलुस अउर सीलास काहीं भीड़ के मनइन के लघे लइ आमँइ चाहत रहे हँय।

खास चेलन 25:27

काहेकि कइदी काहीं पठउब, अउर जउन दोस ओखे ऊपर लगाए गे हँय, उनहीं न बताउब, हमहीं बेकार जान परत हय।”

खास चेलन 28:24

तब कुछ जने उनखे कही बातन काहीं मान लिहिन, अउर कुछ जने उनखे बातन के बिसुआस नहीं मानिन।

रोमियन 10:16

पय इजराइली लोगन म से सगले मनई उआ खुसी के खबर काहीं सोइकार नहीं किहिन, जइसन यसायाह नबी अपने किताब माहीं घलाय लिखिन हीं, कि “हे प्रभू, हमरे सुनाए खुसी के खबर के को बिसुआस किहिस ही?”

रोमियन 15:31

कि जउने यहूदिया प्रदेस के ऊँ मनइन से, जउन परमातिमा के ऊपर बिसुआस नहीं करँय, उनखे हाँथ से परमातिमा हमहीं बचामँइ, अउर यरूसलेम सहर के बिसुआसी भाई-बहिनिन के खातिर, जउन दान हम लए जइत हएन, ओही ऊँ पंचे बड़े आनन्द के साथ सोइकार करँय।

1 कुरिन्थियन 15:32

अउर इफिसुस सहर के मनई हमार खुब बिरोध किहिन, अउर ऊँ पंचे जंगली जानबरन कि नाईं हमरे साथ लड़ाई किहिन, पय अगर मुरदा जिन्दा न कीन जइहँय, त हमार लड़ाई, केबल इआ संसारय के रहि जई; अउर एसे हमहीं कउनव फायदा न मिली? अउर अगर अइसन हय, त आबा हम पंचे खई-पी अउर मउज करी, काहेकि काल्ह त मरिन जाँइ क हय।

1 थिस्सलुनीकियन 2:18

एसे हम पंचे तोंहसे मिलँइ के खुब कोसिस किहेन (खास करके हम पवलुस कइअक बेरकी कोसिस किहेन) पय सइतान एक न एक अरचन डारेन रहिगा।

2 तीमुथियुस 4:17

पय प्रभू हमरे साथ माहीं रहे हँय, अउर हमहीं सामर्थ दिहिन, जउने हमरे व्दारा खुसी के खबर के भरपूर प्रचार होइ सकय, जउने सगले गैरयहूदी लोग सुन लेंय; अउर परमातिमा हमहीं त सेर के मुँहे से छोड़ाइन हीं।