2 थिस्सलुनीकियन 3:1 - Bagheli Bible

¹ हे भाई-बहिनिव, हमरे पंचन के खातिर प्राथना करत रहा, कि प्रभू के बचन सगले हार हरबी फइलय, अउर सब मनई ओखर आदर-सम्मान कइके अपनामँइ, जइसन तोंहरे बीच माहीं भ रहा हय,

2 थिस्सलुनीकियन 3:1 ပူးပေါင်းရင်းမြစ်များ

1 थिस्सलुनीकियन 5:25

हे भाई-बहिनिव हमरे पंचन के खातिर प्राथना करत रहा।

कुलुस्सियन 4:3

अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन।

1 कुरिन्थियन 16:9

जबकि बिरोध करँइ बाले मनई उहाँ खुब हें, तऊ सेबा करँइ के खातिर उहाँ खुब मोका हय।

1 थिस्सलुनीकियन 1:8

काहेकि तोंहरे इहाँ से न केबल मकिदुनिया अउर अखाया प्रदेस माहीं प्रभू के बचन सुनाबा ग, बलकिन तोंहरे बिसुआस के चरचा जउन परमातिमा के ऊपर हय, हरेक जघा अइसन फइलगे ही, कि हमहीं पंचन काहीं कुछू कहँइ के जरूरत नहिं आय।

खास चेलन 19:20

इआमेर से प्रभू के बचन सामर्थ के साथ फइलत ग, अउर मजबूत होत ग।

1 थिस्सलुनीकियन 5:17

हमेसा प्राथना करँइ माहीं लगे रहा।

खास चेलन 12:24

पय परमातिमा के बचन बढ़त अउर फइलत चला ग।

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।

1 थिस्सलुनीकियन 4:1

हे भाई-बहिनिव, हम पंचे तोंहसे बिनती करित हएन, अउर तोंहईं प्रभू यीसु के नाम से समझाइत हएन, कि जइसन तूँ पंचे हमसे पंचन से निकहा चाल-चलन चलब, अउर परमातिमा काहीं प्रसन्न करब सिखे हया, अउर उहयमेर चलते घलाय हया, त इहइमेर अउर आँगे बढ़त चले जा।

1 थिस्सलुनीकियन 2:13

एहिन से हमहूँ पंचे परमातिमा के धन्यबाद हमेसा करित हएन; कि जब हमरे पंचन के व्दारा परमातिमा के खुसी के खबर के बचन काहीं तूँ पंचे सुने रहे हया, त तूँ पंचे ओही मनइन के नहीं, बलकिन परमातिमा के बचन मानिके (इआ बचन परमातिमा के सहिन आय) अपनाय लिहा तय। अउर उआ बचन तोंहरे पंचन म से जउन बिसुआस करत हें, उनखे ऊपर प्रभाव डारत हय।

1 थिस्सलुनीकियन 2:1

हे बिसुआसी भाई-बहिनिव, तूँ पंचे त खुदय जनते हया, कि हमार पंचन के तोंहरे लघे आउब बेकार नहीं भ,

1 थिस्सलुनीकियन 1:5

काहेकि हमरे व्दारा खुसी के खबर तोंहरे लघे केबल बचनय भर से नहीं, बलकिन सामर्थ अउर पबित्र आत्मा, अउर बड़े निस्चय के साथ पहुँची हय। तूँ पंचे जनते हया, कि जब हम पंचे तोंहरे साथ रहे हएन, तब तोंहरे फायदा के खातिर कउनमेर जीबन जिअत रहेन हँय।

2 कुरिन्थियन 1:11

अउर तुहूँ पंचे घलाय मिलिके हमरे पंचन के खातिर प्राथना कइके, हमार पंचन के मदत कइ रहे हया, काहेकि हमहीं पंचन काहीं जउन बरदान खुब मनइन के प्राथना के द्वारा मिला हय, ओहिन के कारन खुब मनई हमरे पंचन के तरफ से परमातिमा के धन्यबाद करिहँय।

रोमियन 15:30

अउर हे भाई-बहिनिव, हम पंचे यीसु मसीह के ऊपर बिसुआस करित हएन, अउर उँइन हमार पंचन के प्रभू आहीं, उनखर अउर पबित्र आत्मा के प्रेम जउन तोंहईं पंचन काहीं मिलत हय, उनखर सुध देबाइके, तोंहसे पंचन से बिनती करित हएन, कि हमरे साथ मिलिके हमरे खातिर परमातिमा से सच्चे मन से प्राथना करँइ माहीं लगे रहा।

खास चेलन 6:7

अउर इआमेर से परमातिमा के बचन फइलत ग, अउर यरूसलेम सहर माहीं चेलन के संख्या खुब बढ़त गय; अउर याजकन के एकठे बड़ा समूह घलाय, यीसु मसीह के ऊपर बिसुआस करँइ लाग।

मत्ती 9:38

एसे खेत के मालिक परमातिमा से बिनती करा, कि ऊँ आपन खेत काटँय के खातिर मजूर पठय देंय।”

लूका 10:2

अउर यीसु अपने चेलन से कहिन, “पके खेत त खुब हें, पय मजूर थोरिन हें। एसे खेत के मालिक परमातिमा से बिनती करा, कि ऊँ आपन खेत काटँय के खातिर मजूर पठय देंय।”

2 कुरिन्थियन 13:11

हे भाई-बहिनिव, हम अपने बातन काहीं खतम करित हएन, अउर आखिर माहीं हम तोंहईं पंचन काहीं इआ लिखित हएन, कि तूँ पंचे आनन्दित रहा, बिसुआस माहीं मजबूत बनत जा, ढाढ़स रक्खा; अउर आपस माहीं एक मन रहा; एक दुसरे से मिल जुलिके रहा, अउर प्रेम अउर सान्ती देंइ बाले परमातिमा हमेसा तोंहरे पंचन के साथ रइहँय।