2 थिस्सलुनीकियन 2:7 - Bagheli Bible

⁷ काहेकि अधरम के रहस्समई सक्ती अबहिनव काम करत रहत ही, पय ओही अबहिनव एकठे रोंकँइ बाला हय, अउर जब तक उआ रोंकँइ बाला हटाय न दीन जई, तब तक उआ रोंके रही।

2 थिस्सलुनीकियन 2:7 ပူးပေါင်းရင်းမြစ်များ

खास चेलन 20:29

हम जानित हएन, कि हमरे बाद खतरनाक डगर अपना पंचन के बीच माहीं अइहँय, जउन इआ झुन्ड काहीं न छोंड़ि हँय।

2 थिस्सलुनीकियन 2:6

अउर तूँ पंचे उआ रहस्समई सक्ती काहीं जनते हया, जउन ओही आमँइ से रोंके ही, कि उआ अपने निअत समय माहीं प्रगट होय।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

1 यूहन्ना 2:18

हे पियार लड़िकव, इआ अन्तिम समय हय, अउर जउनमेर तूँ पंचे सुने हया, कि मसीह के बिरोधी आमँइ बाला हय, ओखे मुताबिक अबहिनव खुब मसीह के बिरोधी तइआर होइगे हँय; एसे हम पंचे जानित हएन, कि इआ अन्तिम समय हय।

1 यूहन्ना 4:3

अउर जउन आत्मा यीसु काहीं नहीं मानय, उआ परमातिमा के तरफ से न होय; अउर उहय त मसीह के बिरोधी के आत्मा आय; जेखर चरचा तूँ पंचे सुन चुके हया, कि उआ आमँइ बाला हय, अउर उआ अबहिनव संसार माहीं हय।

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 17:7

तब ऊँ स्वरगदूत हमसे कहिन, “तूँ काहे चउआन हया? हम इआ मेहेरिआ, अउर उआ खतरनाक जानबर के, जेखे ऊपर उआ बइठ ही, अउर जेखे सातठे मूँड़ अउर दसठे सींग हईं, तोंहईं ओखर भेद बताइत हएन।