2 थिस्सलुनीकियन 2:3 - Bagheli Bible

³ अउर कउनव मेर से कोहू के झाँसे माहीं न अया, काहेकि जब तक धरम के त्याग न होइ जई, तब तक उआ दिन न अई, अउर अधरम के पुरुस मतलब बिनास के लड़िका प्रगट न होइ जई।

2 थिस्सलुनीकियन 2:3 ပူးပေါင်းရင်းမြစ်များ

यूहन्ना 17:12

जब हम उनखे साथ माहीं रहेन हय, त हम अपना के नाम के सक्ती से, जउन अपना हमहीं दिहेन हय, उनखर रच्छा किहेन हय, अउर उनमा से कोऊ नास नहीं भें, सिबाय ओखे जउने काहीं नास होंइ के खातिर ठहराबा ग रहा हय, इआ एसे भ कि जउने पबित्र सास्त्र माहीं लिखी बात पूर होय।

1 कुरिन्थियन 6:9

अउर का तूँ पंचे इआ नहिं जनते आह्या, कि अन्याय करँइ बाले मनई परमातिमा के राज के बारिसदार न होइहँय? तूँ पंचे धोखा न खया, काहेकि ब्यभिचार करँइ बाले, मूरतिन के पूजा करँइ बाले, अपने मेहेरिआ के अलाबा दुसरे मेहेरिअन के साथ सारीरिक सम्बन्ध बनामँइ बाले, लुच्चई करँइ बाले, मंसेरुअय-मंसेरुआ आपस माहीं सारीरिक सम्बन्ध बनामँइ बाले,

इफीसियन 5:6

सचेत रहा, कि तोंहईं पंचन काहीं कउनव मनई बेफालतू के बातन से धोखा न देंइ पाबय; काहेकि ईंन बेफालतू के बातन के कारन परमातिमा के दन्ड उनहीं मिलत हय, जे उनखे हुकुम काहीं नहीं मानँय।

1 यूहन्ना 2:18

हे पियार लड़िकव, इआ अन्तिम समय हय, अउर जउनमेर तूँ पंचे सुने हया, कि मसीह के बिरोधी आमँइ बाला हय, ओखे मुताबिक अबहिनव खुब मसीह के बिरोधी तइआर होइगे हँय; एसे हम पंचे जानित हएन, कि इआ अन्तिम समय हय।

1 यूहन्ना 4:3

अउर जउन आत्मा यीसु काहीं नहीं मानय, उआ परमातिमा के तरफ से न होय; अउर उहय त मसीह के बिरोधी के आत्मा आय; जेखर चरचा तूँ पंचे सुन चुके हया, कि उआ आमँइ बाला हय, अउर उआ अबहिनव संसार माहीं हय।

दरसनन के बातँय 17:11

जउन खतरनाक जानबर पहिले रहा हय, अउर अब नहिं आय, उआ खुदय अठमाँ आय, अउर उआ ऊँ सतहूँ म से पइदा भ हय, अउर बिनास माहीं परी।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।