2 थिस्सलुनीकियन 2:2 - Bagheli Bible

² कि तूँ पंचे कउनव मेर के भबिस्यबानी, उपदेस इआ कि चिट्ठी के द्वारा मिली बात काहीं, इआ समझिके, कि हमरे पंचन के तरफ से भेजी आय, प्रभू के आमँय के दिन आय पहुँचा हय, तोंहार मन ब्याकुल न होय, अउर न तूँ पंचे घबरया,

2 थिस्सलुनीकियन 2:2 ပူးပေါင်းရင်းမြစ်များ

मत्ती 24:24

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मरकुस 13:7

अउर तूँ पंचे जब युद्ध होत देख्या, अउर युद्धन के चरचा सुन्या, त घबराय न जया, काहेकि ईं सगली बातँय जरूर होइहँय, पय उआ समय संसार के अन्त न होई।

लूका 21:19

अउर अपने सहनसीलता के कारन तूँ पंचे अपने प्रानन काहीं बचाए रइहा।”

लूका 21:9

अउर तूँ पंचे जब युद्ध होत देख्या, अउर युद्धन के चरचा सुन्या, त घबराय न जया, काहेकि इनखर पहिले होब जरूरी हय, पय उआ समय संसार के अन्त न होई।”

यूहन्ना 14:1

यीसु अपने चेलन से कहिन, “तोंहार मन ब्याकुल न होय, तूँ पंचे परमातिमा के ऊपर बिसुआस करते हया, हमरेव ऊपर बिसुआस करा।

यूहन्ना 14:27

हम तोंहईं पंचन काहीं सान्ति दए जइत हएन, अउर आपन सान्ति तोंहईं पंचन काहीं देइत हएन; जइसन संसार के सगले मनई देत हें, हम तोंहईं उआमेर से नहीं देइत आहेन: तूँ पंचे अपने मन माहीं न घबरा अउर न डेरा।

1 कुरिन्थियन 1:8

अउर ऊँ तोहईं आखिरी समय तक बिसुआस माहीं मजबूत रखिहँय, कि जउने तूँ पंचे, हमरे पंचन के प्रभू यीसु मसीह के द्वारा न्याय करँइ के दिन माहीं बेकसूर निकरा।

1 कुरिन्थियन 14:32

अउर इआ बात काहीं सुध रक्खा, कि परमातिमा के सँदेस बतामँइ बालेन के आत्मा, परमातिमा के सँदेस बतामँइ बालेन के काबू माहीं रहत ही।

1 कुरिन्थियन 7:26

अउर इआ समय जउन दुख-मुसीबत मनइन काहीं सहँय क परत हय, त इनखे कारन हमरे समझ से त इआ निकहा हय, कि कउनव मनई जउने परिस्थित माहीं हय, उआ उहय परिस्थित माहीं रहय।

इफीसियन 5:6

सचेत रहा, कि तोंहईं पंचन काहीं कउनव मनई बेफालतू के बातन से धोखा न देंइ पाबय; काहेकि ईंन बेफालतू के बातन के कारन परमातिमा के दन्ड उनहीं मिलत हय, जे उनखे हुकुम काहीं नहीं मानँय।

1 थिस्सलुनीकियन 3:3

जउने कोऊ इन दुख बिपत्तिन के कारन बिसुआस माहीं कमजोर न परय; काहेकि तूँ पंचे त खुदय जनते हया, कि हम पंचे एहिन के खातिर ठहराए गएन हय।

1 थिस्सलुनीकियन 4:15

काहेकि हम पंचे प्रभू के बचन के मुताबिक तोंहसे इआ कहित हएन, कि हम पंचे जेतने जिन्दा हएन, प्रभू के दुसराय आमँइ तक बचे रहब, तऊ जउन प्रभू के ऊपर बिसुआस कइके मरिगें हँय, उनसे आँगे कबहूँ न होए पाउब।

1 थिस्सलुनीकियन 5:2

काहेकि तूँ पंचे त खुदय निकहा से जनते हया, कि जइसन रात माहीं चोर अचानक आबत हय, उहयमेर प्रभू के आमँइ के दिन आमँइ बाला हय।

2 थिस्सलुनीकियन 2:15

एसे हे भाई-बहिनिव, बिसुआस माहीं अटल रहा; अउर जउन-जउन बातन काहीं, तूँ पंचे चाह बचन से, इआ कि चिट्ठी के व्दारा हमसे पंचन से सिखे हया, उनहीं थाम्हें रहा।

2 थिस्सलुनीकियन 3:17

हम पवलुस अपने हाँथे के लिखाबट से नबस्कार लिखित हएन; हमरे हरेक चिट्ठिन के इहय चिन्हारी आय; हम इहइमेर से लिखित हएन।

दरसनन के बातँय 19:20

उआ खतरनाक जानबर, अउर ओखे साथ उआ लबरा नबी, पकड़ा ग, जउन उनखे आँगे अइसन चिन्ह देखाइस रहा हय, जिनखे द्वारा उआ उनहीं पंचन काहीं भरमाइस तय, जिनखे ऊपर उआ खतरनाक जानबर के छाप रही हय, अउर जउन ओखे मूरत के अराधना करत रहे हँय। ईं पंचे दोनव जने जिन्दय, उआ आगी के झील माहीं, जउन गन्धक से जरत रहत ही, डारे गें।