2 पतरस 3:9 - Bagheli Bible

⁹ अउर इआ जानिल्या, कि प्रभू अपने वादा काहीं पूर करँइ के बारे माहीं, कबहूँ देरी नहीं करँय, जइसन देरी कुछ मनई समझत हें। पय परमातिमा तोंहरे बारे माहीं धीरज धरत हें, अउर ऊँ नहीं चाहँय, कि कउनव मनई नास होंय; बलकिन ऊँ इआ चाहत हें, कि सगले मनइन काहीं अपने पापन से पस्चाताप कइके, प्रभू के लघे आमँइ के मोका मिलय।

2 पतरस 3:9 ပူးပေါင်းရင်းမြစ်များ

रोमियन 13:11

अउर तूँ पंचे कउनमेर के समय माहीं जि रहे हया, ओही पहिचान ल्या, अउर इआ जानिल्या, कि तोंहरे पंचन के खातिर, अपने नींद से जाग उठँय के समय आइगा हय, काहेकि जब हम पंचे बिसुआस किहेन तय, ओखे मुताबिक परमातिमा के द्वारा आखिरी मुक्ती पामँइ के समय नेरे आइगा हय।

रोमियन 13:12

अउर रात बीतिन चुकी हय, अउर दिन निकरइन बाला हय; एसे हम पंचे अँधिआर के बुरे कामन काहीं छोंड़िके, जइसन एकठे सिपाही हँथिआर बाँधे तइआर रहत हय, उहयमेर हमहूँ पंचे उँजिआर के हँथिआर बाँधि लेई।

रोमियन 2:4

का तूँ परमातिमा के असीमित दया अउर सहनसीलता अउर धीरज काहीं तुच्छ जनते हया? तोंहईं इआ जानँइ चाही, कि परमातिमा के दया तोंहईं पस्चाताप करब सिखाबत ही।

रोमियन 9:22

त एमा कउन अचरज के बात ही, अगर परमातिमा आपन सक्ती देखामँय के खातिर कुछ मनइन काहीं बनाइन, कि जउने उनखे ऊपर आपन क्रोध देखामँइ, जउन नास होइन के खातिर तइआर कीन गे रहे हँय, तऊ उनखर बड़े धीरज से सहत रहिगें।

1 तीमुथियुस 1:16

पय हमरे ऊपर एसे दया भे, कि हम सगलेन से बड़े पापी के ऊपर, यीसु मसीह आपन पूरी सहनसीलता देखामँइ, कि जउन मनई अनन्त जीबन पामँइ के खातिर, उनखे ऊपर बिसुआस करिहँय, उनखे खातिर हम आदर्स बनी।

1 तीमुथियुस 2:4

अउर परमातिमा इआ चाहत हें, कि सगले मनई मुक्ती पामँय; अउर ऊँ सत्य काहीं निकहा से जान लेंय

इब्रानियन 10:37

“काहेकि अब थोरिन समय बचा हय, अउर आमँइ बाले हरबिन अइहँय, ऊँ देर न करिहँय।

1 पतरस 3:20

अउर नूह के समय माहीं घलाय, जे कोऊ परमातिमा के हुकुम काहीं नहीं मानिन तय। त परमातिमा नूह के जिहाज बनत तक धीरज धरे, रुके रहे हँय। ओखे बाद जल-प्रलय के कारन, जिहाज माहीं चढ़िके केबल आठ जने, अरथात नूह के परिबार भर बचे रहे हँय, बाँकी पानी माहीं बूड़िके मरिगें तँय।

2 पतरस 1:4

जिनखे द्वारा ऊँ हमसे पंचन से खुब कीमती, अउर खुब बड़े वादन काहीं किहिन हीं, जउने तूँ पंचे ईं वादन के द्वारा, संसार के बुरी अभिलासन से होंइ बाली सड़ाहट से छूटिजा, अउर परमातिमा के सुभाव कि नाईं तोंहरव सुभाव होइ जाय।

2 पतरस 3:15

अउर हमरे पंचन के प्रभू के धीरज काहीं मुक्ती समझा, इहइमेर हमार पंचन के पियार भाई पवलुस घलाय, परमातिमा के द्वारा जउन ग्यान उनहीं मिला रहा हय, ओखे मुताबिक तोहईं पंचन काहीं लिखिन हीं।

दरसनन के बातँय 2:21

हम ओही मन फिरामँय के खातिर मोका दिहेन, पय उआ अपने ब्यभिचार से मन नहीं फिरामँय चाहय।