2 पतरस 3:4 - Bagheli Bible

⁴ अउर कइहँय, कि प्रभू के दुसराय आमँइ के वादा कहाँ चला ग? काहेकि जब से सगले बाप-दादा इआ दुनिया से चलेगें, तब से अबे तक सब कुछ उहयमेर हय, जइसन इआ संसार के सुरुआत से रहा हय?

2 पतरस 3:4 ပူးပေါင်းရင်းမြစ်များ

मत्ती 16:27

हम ईं सगली बातन काहीं एसे कहित हएन, कि जब मनई के लड़िका, अपने पिता परमातिमा के महिमा माहीं, स्वरगदूतन के साथ अइहँय, उआ समय, ‘ऊँ हरेक जन काहीं उनखे कामन के मुताबिक प्रतिफल देइहँय।’

मत्ती 16:28

हम तोंहसे सही कहित हएन, कि जउन इहाँ ठाढ़ हें, उनमा से कुछ जने अइसन हें, कि जब तक मनई के लड़िका काहीं, राज करँइ के खातिर आबत न देख लेइहँय, तब तक बेलकुल न मरिहँय।”

मत्ती 24:28

काहेकि जहाँ चील्ह एकट्ठा होती हँय, त इआ जाने मिलत हय, कि उहाँ लहास ही।”

मत्ती 24:48

पय अगर उआ दुस्ट दास सोचँइ लागय, कि हमार मालिक देर से अइहँय,

मरकुस 10:6

पय संसार के सुरुआत माहीं परमातिमा मनई काहीं मंसेरुआ अउर मेहेरिआ के रूप माहीं बनाइन तय।

मरकुस 13:19

काहेकि ऊँ दिन अइसन भारी दुख अउर कस्ट के होइहँय, कि जब से परमातिमा संसार काहीं बनाइन हीं, तब से लइके अबय तक न कबहूँ भे आहीं, अउर न कबहूँ पुनि होइहँय।

लूका 12:45

पय अगर उआ दास सोचँइ लागय, कि हमार मालिक देर से अइहँय, अउर उनखे दुसरे दास-दासिन काहीं मारँय-पीटँय लागय, अउर खाँय-पिअँइ माहीं परिजाय, अउर पियक्कड़ होंइ लागय।

खास चेलन 7:60

फेर घुटुआ के बल गिरिके खुब चन्डे से कहिन, “हे प्रभू, इआ पाप इनखे ऊपर न लगाई”, अउर एतना कहिके प्रान छोंड़ दिहिन, अउर साऊल उनखे कतल होंइ माहीं सहमत रहे हँय।

1 थिस्सलुनीकियन 2:19

जब हम पंचे अपने प्रभू यीसु मसीह के दुसराय आमँइ के समय उनखे आँगे ठाढ़ होब, त तोंहईं पंचन काहीं छोंड़, हमार पंचन के आसा, आनन्द, अउर बड़ाई के मुकुट अउर का होइ सकत हय?

2 पतरस 3:12

अउर तोंहईं पंचन काहीं परमातिमा के उआ दिन के इन्तजार करँइ चाही, अउर प्रभू के काम करत, उआ दिन काहीं हरबी लइ आमँइ के खातिर कोसिस करँइ चाही। काहेकि उआ दिन के अउतय अकास, आगी के लपटन माहीं जरि जई, अउर अकास के तरइया ओखे आँच से पिघल जइहँय।

दरसनन के बातँय 3:14

अउर लौदीकिया के मसीही मन्डली के दूत काहीं इआ लिखा, कि “जउन आमीन, अउर बिसुआस के काबिल, अउर सच्चे गबाह हें, अउर परमातिमा के स्रस्टी के मूल कारन आहीं, ऊँ इआ कहत हें, कि