2 पतरस 3:2 - Bagheli Bible

² जउने तूँ पंचे परमातिमा के सँदेस बतामँइ बाले पबित्र लोगन के द्वारा, पहिलेन से कही, ऊँ बातन काहीं सुधि करा, अउर हमही पंचन काहीं मुक्ती देंइ बाले प्रभू के हुकुमन काहीं, जउन तोंहरे बीच माहीं सेबा करँइ बाले, यीसु मसीह के खास चेलन के द्वारा तोंहईं बताबा ग रहा हय, उनहीं सुधि रक्खा।

2 पतरस 3:2 ပူးပေါင်းရင်းမြစ်များ

लूका 1:70

(जइसन परमातिमा आपन सँदेस बतामँइ बाले पवित्र मनइन के व्दारा, जऊँ संसार के सुरुआतय से होत आए हँय, कहिन रहा हय।)

लूका 24:27

तब यीसु मूसा से अउर सगले परमातिमा के सँदेस बतामँइ बालेन से सुरू कइके पूरे पबित्र सास्त्र म से अपने बारे माहीं लिखी बातन के मतलब, उनहीं समझाय दिहिन।

लूका 24:44

फेर यीसु उनसे कहिन, “ईं हमार ऊँ बातँय आहीं, जउन हम तोंहरे साथ रहत समय तोंहसे कहेन तय, कि इआ जरूरी हय, कि जेतनी बातँय मूसा के बिधान माहीं अउर परमातिमा के सँदेस बतामँइ बालेन अउर भजन के किताबन माहीं हमरे बारे माहीं लिखी हईं, ऊँ सगली पूर होंय।”

खास चेलन 10:43

सगले परमातिमा के सँदेस बतामँइ बाले उनखे बारे माहीं गबाही दिहिन हीं, कि जे कोऊ उनखे ऊपर बिसुआस करी, ओही उनखे नाम के द्वारा पापन के माफी मिली।”

खास चेलन 28:23

ओखे बाद ऊँ पंचे उनखे खातिर एकठे दिन ठहराइन, अउर खुब मनई उनखे इहाँ एकट्ठा भें, अउर ऊँ परमातिमा के राज के गबाही देत, अउर मूसा के बिधान अउर परमातिमा के सँदेस बतामँइ बालेन के किताबन से, यीसु के बारे माहीं समझाबत भिनसार से लइके, साँझ तक बखान करत रहिगें।

खास चेलन 3:18

पय जउने बातन काहीं परमातिमा अपने सँदेस बतामँइ बालेन के मुँहे से पहिलेन बताइन रहा हय, कि उनखर मसीह दुख उठइहँय; उनहीं ऊँ इआमेर से पूर किहिन।

खास चेलन 3:21

जरूरी हय, कि मसीह स्वरग माहीं उआ समय तक रहँय, जब तक कि परमातिमा सगली बातन के सुधार न कइ लेंय, जेखर चरचा परमातिमा अपने सँदेस बतामँइ बालेन के मुँहे से किहिन हीं, जउन संसार के सुरुआत से होत आए हँय।

गलातियन 6:2

अउर तूँ पंचे एक दुसरे के कमी-घटी काहीं पूर करा, अउर इआमेर से मसीह के बिधान काहीं पूर करा।

इफीसियन 2:20

अउर तूँ पंचे एकठे अइसा घर बन गया हय, जउन यीसु के खास चेलन अउर नबिअन के नेव के ऊपर खड़ा हय, अउर खुद यीसु मसीह जेखे कोनमा के पथरा हें।

इफीसियन 3:5

इआ भेद पुरान पीढ़ी के मनइन काहीं इआमेर नहीं बताबा ग रहा आय, जइसन कि अब परमातिमा अपने पबित्र खास चेलन अउर नबिअन काहीं पबित्र आत्मा के द्वारा बताइन हीं।

1 तीमुथियुस 6:14

कि तूँ प्रभू यीसु मसीह के दुसराय आमँइ तक, सगले हुकुमन काहीं बिना गलती किहे, निकहा से मानत रह्या।

2 पतरस 2:21

काहेकि परमातिमा के सच्चाई काहीं न जानब, उनखे खातिर एसे निकहा होत, कि ओही जानिके, उआ पबित्र हुकुम काहीं न मनते, जउन उनहीं दीनगे रही हय। एसे उनखे ऊपर इआ कहाबत ठीक बइठत ही,

2 पतरस 3:15

अउर हमरे पंचन के प्रभू के धीरज काहीं मुक्ती समझा, इहइमेर हमार पंचन के पियार भाई पवलुस घलाय, परमातिमा के द्वारा जउन ग्यान उनहीं मिला रहा हय, ओखे मुताबिक तोहईं पंचन काहीं लिखिन हीं।

2 पतरस 3:16

इहइमेर ऊँ अपने सगली चिट्ठिन माहीं, ईं बातन के चरचा किहिन हीं, जउने माहीं कुछ अइसन बात हईं, जिनहीं समझ पाउब खुब कठिन हय, अउर ऊँ बातन काहीं मूरुख अउर चंचल मनई, उनखे मतलबन काहीं घलाय पबित्र सास्त्र के दुसरे बातन कि नाईं, गलत मतलब निकारिके, अपने नास होंइ के कारन बनाबत हें।

1 यूहन्ना 4:6

हम पंचे परमातिमा के आहेन, जउन मनई परमातिमा काहीं जानत हय, उआ हमार पंचन के बात सुनत हय; जउन मनई परमातिमा काहीं नहीं जानय, उआ हमार पंचन के बात नहीं सुनय; इआ मेर से हम पंचे सत्य के आत्मा, अउर भटकामँइ बाली आत्मा, काहीं पहिचान सकित हएन।

यहूदा 1:17

पय हे पियार साथिव, तूँ पंचे ऊँ बातन काहीं हमेसा सुध रक्खा; जउने बातन काहीं हमरे पंचन के प्रभू यीसु मसीह के चुने, खास चेलन के द्वारा पहिलेन से बताबा जाय चुका हय।

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”