2 पतरस 3:12 - Bagheli Bible

¹² अउर तोंहईं पंचन काहीं परमातिमा के उआ दिन के इन्तजार करँइ चाही, अउर प्रभू के काम करत, उआ दिन काहीं हरबी लइ आमँइ के खातिर कोसिस करँइ चाही। काहेकि उआ दिन के अउतय अकास, आगी के लपटन माहीं जरि जई, अउर अकास के तरइया ओखे आँच से पिघल जइहँय।

2 पतरस 3:12 ပူးပေါင်းရင်းမြစ်များ

2 पतरस 3:10

पय प्रभू के दुसराय आमँइ के दिन, चोर कि नाईं अचानक आय जई, अउर उआ दिन भयंकर गरजन के साथ अकास हेराय जई, अउर अकास के सगली चीजँय, आगी माहीं जरिके नास होइ जइहँय। अउर इआ धरती, अउर एखे ऊपर के सगले काम जरि जइहँय।

2 पतरस 3:7

पय इआ बर्तमान समय के अकास अउर धरती, परमातिमा के उहय बचन के द्वारा एहिन खातिर बचे हँय, कि ऊँ जराए जाँय; अउर इआ संसार परमातिमा के ऊपर बिसुआस न करँइ बाले, मनइन के न्याय अउर नास होंइ के दिन तक इहइमेर बचा रही।

तीतुस 2:13

अउर उआ आनन्द मिलँइ के आसा रखिके, अपने महान परमातिमा, अउर पाप करँइ से छुटकारा देंइ बाले यीसु मसीह काहीं, महिमा के साथ धरती माहीं आमँइ के इन्तजार करत रही।

यहूदा 1:21

अउर तूँ पंचे परमातिमा के प्रेम माहीं मजबूत बने रहा, अउर उआ दिन के इन्तजार करा, जब हमरे पंचन के प्रभू यीसु मसीह के दया, तोहईं पंचन काहीं अनन्त जीबन देई।

फिलिप्पियन 1:6

अउर हमहीं इआ बात के पूर बिसुआस हय, कि परमातिमा जउन तोंहरे पंचन के जीबन माहीं निकहा काम सुरू किहिन हीं, उँइन ओही मसीह यीसु के दिन तक पूर करिहँय।

मत्ती 16:27

हम ईं सगली बातन काहीं एसे कहित हएन, कि जब मनई के लड़िका, अपने पिता परमातिमा के महिमा माहीं, स्वरगदूतन के साथ अइहँय, उआ समय, ‘ऊँ हरेक जन काहीं उनखे कामन के मुताबिक प्रतिफल देइहँय।’

मत्ती 16:28

हम तोंहसे सही कहित हएन, कि जउन इहाँ ठाढ़ हें, उनमा से कुछ जने अइसन हें, कि जब तक मनई के लड़िका काहीं, राज करँइ के खातिर आबत न देख लेइहँय, तब तक बेलकुल न मरिहँय।”

2 पतरस 3:4

अउर कइहँय, कि प्रभू के दुसराय आमँइ के वादा कहाँ चला ग? काहेकि जब से सगले बाप-दादा इआ दुनिया से चलेगें, तब से अबे तक सब कुछ उहयमेर हय, जइसन इआ संसार के सुरुआत से रहा हय?

2 पतरस 3:11

त इआ बताबा, जब ईं सगली चीजँय, इआमेर से पिघलँय बाली हईं, त तोंहईं पंचन काहीं पबित्र चाल-चलन के साथ, परमातिमा के भक्ती करत, पबित्र जीबन जिअँइ चाही।