2 पतरस 3:1 - Bagheli Bible

¹ हे पियार साथिव, अब हमार इआ दूसर चिट्ठी आय, जउन तोंहरे खातिर लिख रहेन हय, अउर अपने दोनव चिट्ठिन माहीं तोंहईं पंचन काहीं सुधि देबाइके, तोंहरे सुद्ध मन काहीं जगामँय के कोसिस किहेन हय।

2 पतरस 3:1 ပူးပေါင်းရင်းမြစ်များ

मत्ती 5:8

ऊँ पंचे धन्य हें, जिनखर मन सुद्ध हें, काहेकि ऊँ पंचे परमातिमा काहीं देखिहँय।

2 कुरिन्थियन 13:2

अउर जब हम दुसराय तोंहरे साथ माहीं रहेन हँय, त तोहँई पंचन काहीं चेतायन तय। उहयमेर अब जब हम तोंहसे दूर हएन, तऊ जे कोऊ पाप किहिन हीं, उनहीं अउर बाँकी सगले मनइन काहीं घलाय पहिलेन से चेताए देइत हएन, कि जब हम पुनि तोंहरे लघे अउब, त उनहीं कइसव न छोंड़ब।

1 तीमुथियुस 5:22

बिना जाँचे-परखे कोहू काहीं मसीही मन्डली के अँगुआ बनामँइ के खातिर, जल्दबाजी माहीं हाँथ न रख्या, दुसरेन के पापन माहीं भागीदार न होया, बलकिन खुद काहीं पबित्र बनाए रह्या।

2 तीमुथियुस 1:6

इहय कारन से हम तोंहईं सुध देबाइत हएन, कि तूँ परमातिमा के उआ बरदान काहीं, जउन हमरे हाँथ धइके प्राथना किहे के व्दारा तोहईं मिला रहा हय, ओखर निकहा से उपयोग करत रहा।

इब्रानियन 6:9

पय हे पियार साथिव, हम पंचे इआमेर कहित त जरूर हएन, तऊ तोंहरे बारे माहीं हम पंचे इनसे निकही, अउर मुक्ती देंइ बाली बातन माहीं भरोसा करित हएन।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

1 पतरस 2:11

हे पियार भाई-बहिनिव, हम तोंहसे बिनती करित हएन, कि तूँ पंचे अपने-आप काहीं परदेसी, अउर यात्री जानिके, इआ संसार के उन बुरी अभिलासन से बचे रहा, जउन तोंहरे आत्मा से युद्ध करती हईं।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।

2 पतरस 3:17

एसे हे पियार साथिव, तूँ पंचे पहिलेन से ईं सगली बातन काहीं जानिके चउकस रहा, जउने अधरमिन के बुराई माहीं फँसिके, अपने बिसुआस के स्थिरता काहीं अपने हाँथ से गमाय न द्या।

2 पतरस 3:8

हे पियार साथिव, तूँ पंचे इआ बात काहीं निकहा से जानिल्या, कि प्रभू के खातिर एक दिन, हजार बरिस के बराबर हय, अउर हजार बरिस, एक दिन के बराबर हय।

यहूदा 1:5

अउर हम तोंहईं पंचन काहीं इआ सुध देबामँइ के खातिर लिख रहेन हय, (काहेकि तूँ पंचे ईं सगली बातन काहीं खुदय जनते हया) कि प्रभू पहिले कइसन अपने चुने मनइन काहीं मिस्र देस के धरती से निकार लाएँ तय, अउर बाद माहीं जेतने जन उनखे ऊपर बिसुआस नहीं किहिन, त उनहीं नास कइ दिहिन तय।