2 पतरस 2:4 - Bagheli Bible

⁴ काहेकि परमातिमा, पाप करँइ बाले स्वरगदूतन काहीं घलाय, जब माफ नहीं किहिन, बलकिन उनहीं नरक माहीं पठइके अँधिआरे कुन्डन माहीं डार दिहिन हीं, जउने परमातिमा के न्याय करँइ के दिन तक कइदी रहँय।

2 पतरस 2:4 ပူးပေါင်းရင်းမြစ်များ

मत्ती 25:41

अउर तब ऊँ राजा अपने बाएँ कइती बालेन से कइहँय, कि “हे स्रापित मनइव, तूँ पंचे हमरे आँगे से उआ नरक के आगी माहीं चले जा, जउन कबहूँ बुझातिन नहिं आय, जउन सइतान अउर ओखर सेबा करँइ बाले दूतन के खातिर तइआर कीनगे ही।

मत्ती 8:29

ऊँ पंचे चिल्लाइके कहिन; “हे परमातिमा के लड़िका, हमार अपना से कउनव काम नहिं आय? का अपना समय से पहिलेन हमहीं दुख देंइ आए हएन?”

मरकुस 5:7

तब यीसु उआ बुरी आत्मा से कहिन, “हे बुरी आत्मा, इआ मनई से बहिरे निकर आव!”

लूका 10:18

तब यीसु उनसे कहिन, “हम सइतान काहीं बिजुली कि नाईं अकास से गिरत देखेन हय।

लूका 8:31

अउर ऊँ बुरी आत्मा यीसु से खुब चरउरी किहिन, कि हमहीं अथाह कुन्ड माहीं जाँइ के हुकुम न देई।

यूहन्ना 8:44

काहेकि तूँ पंचे अपने पिता सइतान के सन्तान आह्या। अउर तूँ पंचे अपने पिता के मरजी काहीं पूर करँइ चहते हया। उआ त संसार के सुरुआतय से कतली आय, अउर उआ सत्य के पच्छ कबहूँ नहीं लिहिस। काहेकि ओखे जीबन माहीं सत्य हइअय नहिं आय: अउर झूँठ बोलब ओखर सुभाबय आय; काहेकि उआ हमेसा झूँठ बोलँइ बाला आय, बलकिन झूँठ बोलँइ के सुरुआतय करँइ बाला आय।

रोमियन 11:21

काहेकि जब परमातिमा उआ बिरबा के असली डेरइअन काहीं टोरिके फेंक दिहिन हीं, त अगर तुहूँ पंचे बिसुआस माहीं न बने रइहा, त टोरिके फेंक दीन जइहा।

रोमियन 8:32

जब हमहीं पंचन काहीं मुक्ती देंइ के खातिर परमातिमा अपने एकलउते लड़िका काहीं बलिदान होंइ के खातिर दइ दिहिन हीं, त इआ सब दिहे के बाद, ऊँ अपने लड़िका के साथ हमहीं सब कुछ काहे न देइहँय? अरथात जरूर देइहँय।

2 पतरस 2:11

पय स्वरगदूत जउन सक्ती अउर सामर्थ माहीं उनसे बड़े हँय, तऊ प्रभू के आँगे उनहीं भला-बुरा कहिके, उनखे ऊपर दोस नहीं लगामँय।

2 पतरस 2:5

अउर ऊँ पुरान संसार काहीं घलाय नहीं बचाइन, बलकिन परमातिमा के बचन काहीं न मानँइ बाले संसार काहीं, पानी के महाप्रलय द्वारा नास कइ दिहिन, पय परमातिमा के सँदेस के प्रचार करँइ बाले नूह, अउर उनखे साथ सातठे अउर मनइन काहीं घलाय बचाय लिहिन।

2 पतरस 2:9

इआमेर से प्रभू, अपने भक्तन काहीं परिच्छा म से निकारब, अउर अपने हुकुम न मानँइ बालेन काहीं, अपने न्याय करँइ के दिन तक, सजा के दसा माहीं रक्खब घलाय जानत हें।

1 यूहन्ना 3:8

जे कोऊ पाप करत रहत हय, उआ सइतान के सन्तान आय, काहेकि सइतान सुरुआतय से पाप करत चला आबा हय, एहिन से परमातिमा के लड़िका प्रगट भे हँय, कि सइतान के कामन काहीं नास कइ देंय।

यहूदा 1:13

ईं पंचे समुद्र माहीं उठँय बाली, अइसन भयंकर लहरन कि नाईं हें, जउन अपने निरलज्जता के कामन के फेन उछालत रहती हईं। अउर ईं पंचे एँकई-ओंकई भटकँइ बाली अइसन तरइअन कि नाईं हें, जिनखे खातिर अनन्तकाल के घोर अँधिआर रक्खा ग हय।

यहूदा 1:6

अउर हम तोंहईं पंचन काहीं इहव सुध देबामँइ चाहित हएन, कि जउन स्वरगदूत, अपने पद काहीं निकहा से नहीं सम्हारे पाइन रहा आय, अउर अपने खुद के रहँइ के जघा काहीं छोंड़ि दिहिन रहा हय, प्रभू उनहूँ पंचन काहीं, उआ भयंकर न्याय के दिन के खातिर, सँकरिन माहीं बाँधिके, कबहूँ न खतम होंइ बाले अँधिआर माहीं रक्खे हें।

दरसनन के बातँय 20:10

अउर उनखर भरमामँइ बाला सइतान आगी अउर गन्धक के उआ झील माहीं, जउने माहीं उआ खतरनाक जानबर, अउर लबरा नबी घलाय होई, डार दीन जई। अउर ऊँ पंचे रात-दिना जुगन-जुगन तक पीरा माहीं तड़पत रइहँय।