2 पतरस 2:2 - Bagheli Bible

² अउर खुब मनई उनहिन कि नाईं लुच्चई करत फिरिहँय, अउर इनहिन के कारन सत्य के गइल के बदनामी होई।

2 पतरस 2:2 ပူးပေါင်းရင်းမြစ်များ

मत्ती 22:16

तब ऊँ पंचे अपने चेलन काहीं, राजा हेरोदेस के गुट बाले मनइन के साथ इआ कहिके, यीसु के लघे पठइन, कि “हे गुरू, हम पंचे जानित हएन, कि अपना सच्चे हएन, अउर परमातिमा के गइल सच्चाई से बताइत हएन, अउर कोहू के परबाह नहीं करी, काहेकि अपना मनइन के मुँह देखिके बातँय नहीं करी।

मत्ती 24:24

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मत्ती 7:14

पय अनन्त जीबन तक पहुँचइ के दुअरा साँकर हय, अउर ओखर गइलव कठिन ही; अउर अइसन खुब कम मनई हें, जउन अनन्त जीबन पाबत हें।”

मरकुस 12:14

तब ऊँ पंचे यीसु के लघे आइके उनसे कहिन, “हे गुरू, हम पंचे जानित हएन, कि अपना सच्चे हएन, अउर परमातिमा के गइल सच्चाई से बताइत हएन, अउर कोहू के परबाह नहीं करी, काहेकि अपना मनइन के मुँह देखिके बातँय नहीं करी। पय परमातिमा के सँदेस के बात सच्चाई से बताइत हएन। त अपना बताई, कि का हमही महाराजा कैसर काहीं कर देब उचित हय कि नहीं?

मरकुस 13:22

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

यूहन्ना 14:6

तब यीसु उनसे कहिन, “गइल, सत्य अउर जीबन हमहिन आहेन; हमरे ऊपर बिसुआस किहे बिना, कोऊ पिता के लघे नहीं पहुँच सकय।

खास चेलन 13:10

“हे सगले कपट अउर सगले चतुराई से भरे सइतान के सन्तान, हरेक सच्चाई के बइरी, का तँय प्रभू के सीध गइलन काहीं टेंढ़ करब न छोंड़िहे?

खास चेलन 14:2

पय बिसुआस न करँइ बाले कुछ यहूदी लोग, गैरयहूदी लोगन काहीं बिसुआसी भाइन के बिरोध माहीं उकसाइन, अउर उनखे बीच माहीं बिरोध कराय दिहिन।

खास चेलन 16:17

उआ पवलुस के अउर हमरे पीछे आइके चिल्लाँय लाग, “ईं मनई परमप्रधान परमातिमा के दास आहीं, जउन हमहीं पंचन काहीं मुक्ती के गइल के कथा सुनाबत हें।”

खास चेलन 18:26

ऊँ यहूदी सभाघर माहीं निडर होइके बोलँइ लागें, अउर प्रिस्किल्ला अउर अक्विला उनखे बातन काहीं सुनिके उनहीं अपने घर लइगें, अउर परमातिमा के बातन काहीं अउर निकहा से उनहीं बताइन।

खास चेलन 19:9

पय जब कुछ जने बड़े हठी रहे हँय, अउर उनखे बातन काहीं नहीं मानिन, बलकिन सगले मनइन के अँगुअय इआ पंथ काहीं भला-बुरा कहँइ लागें, तब पवलुस उनहीं छोंड़िके चेलन काहीं अलग कइ लिहिन, अउर हरेक दिन तुरन्नुस के पाठसाला माहीं तर्क-वितर्क करत रहे हँय।

खास चेलन 22:4

अउर हम मेहेरिआ-मंसेरुआ दोनव काहीं बाँधि बाँधिके, अउर जेल माहीं डार डारिके, यीसु मसीह के ऊपर बिसुआस करँइ बालेन काहीं इहाँ तक सतायन, कि उनहीं मरबाय घलाय डारेन तय।

खास चेलन 24:14

पय हम अपना के आँगे इआ माने लेइत हएन, कि जउने पंथ काहीं ईं पंचे कुपन्थ कहत हें, ओहिन के रीत से हम अपने बाप-दादन के परमातिमा के अराधना करित हएन; अउर जउन बातँय मूसा के बिधान, अउर परमातिमा के सँदेस बतामँइ बालेन के किताबन माहीं लिखी हईं, उन सगलेन के हम बिसुआस करित हएन।

रोमियन 2:24

“काहेकि तोंहरे पंचन के कारन गैरयहूदी लोगन के बीच माहीं परमातिमा के नाम के बुराई होत ही?” जइसन पबित्र सास्त्र माहीं लिखा घलाय हय।

1 तीमुथियुस 5:14

एसे हम पवलुस इआ चाहित हएन, कि जमान बिधबा काज-बिआह कइलेंय, अउर लड़िका-बच्चा पइदा करँय, अउर आपन घर-गिरिस्ती सम्हारँय, अउर मसीह बिरोधी मनइन काहीं बदनाम करँइ के मोका न देंय।

तीतुस 2:5

अउर नीक-नागा पहिचानँय, अउर पतिब्रता, एखे साथय-साथ घर-दुआर के जबाबदारी, अउर आपन करतब्य निकहा से निभामँइ बाली बनँय, अउर अपने मंसेरुअन के कहा-बतान मानँइ बाली बनँय, जउने परमातिमा के बचन के बुराई न होंइ पाबय।

तीतुस 2:8

अउर जउन सही हय, उहय तूँ, लोगन काहीं सिखाबत रह्या, जउने कोऊ ओही गलत न कहँइ पामँय, अउर जउन हमार बिरोध करत हें, उनहीं कउनव गलती न मिलय जउने ऊँ सरमिन्दा होंय।

1 पतरस 2:12

गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

2 पतरस 2:12

पय ऊँ पंचे निरबुद्धी पसुअन कि नाईं हें, जउन पकड़े जाँइ अउर नास होंइ के खातिर पइदा भें हँय; अउर जउने बातन काहीं जनतय नहिं आहीं, उनहिन के बारे माहीं दुसरे मनइन काहीं भला-बुरा कहत हें, ऊँ पंचे अपने बुरे कामन के कारन खुदय नास होइ जइहँय।

2 पतरस 2:15

ऊँ पंचे सीध गइल काहीं छोंड़िके भटकिगें हँय, अउर बओर के लड़िका बिलाम के बताए गइल माहीं चलँइ लागें हँय; जउन खुब समय पहिले अधरम के मजूरी काहीं पियार जानिस रहा हय।

2 पतरस 2:18

अउर ऊँ पंचे बेकार के घमन्ड बाली बातँय कइके, अउर अपने लुचपन के कामन के द्वारा, उनहीं अपने मन के बुरी इच्छन माहीं फसाय लेत हें, जउन भटकेन म से अबहिनय बिसुआस माहीं लउटि रहे हँय।

2 पतरस 2:21

काहेकि परमातिमा के सच्चाई काहीं न जानब, उनखे खातिर एसे निकहा होत, कि ओही जानिके, उआ पबित्र हुकुम काहीं न मनते, जउन उनहीं दीनगे रही हय। एसे उनखे ऊपर इआ कहाबत ठीक बइठत ही,

2 पतरस 2:7

अउर उनमा से परमातिमा के हुकुम काहीं मानिके चलँइ बाले लूत काहीं, जउन परमातिमा के हुकुमन काहीं न मानँइ बाले मनइन के असुद्ध चाल-चलन से, खुब दुखी रहत रहे हँय, उनहीं मुक्ती दिहिन।

यहूदा 1:10

पय ईं पंचे, जउने बातन काहीं समझतय नहिं आहीं, उनखे बारे माहीं भला-बुरा कहत हें; अउर निरबुद्धी पसुअन कि नाईं जउन बातँय उनखे मन माहीं अउती हईं, उनहिन के मुताबिक करत हें, एसे उँइन बातँय उनखे बिनास के कारन बन जाती हँय।

यहूदा 1:15

कि “देखा, प्रभू अपने लाखन पबित्र स्वरगदूतन के साथ, सगले मनइन के न्याय करँइ के खातिर आए हँय, कि जउने, जउन मनई बुरे काम किहिन हीं, उनखे ईं कामन के खातिर, अउर जउन मनई परमातिमा के बिरोध माहीं बात कहिन हीं, उनहूँ पंचन काहीं घलाय, एखे खातिर सजा देंइ।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”

यहूदा 1:7

अउर इहइमेर से हम तोंहईं पंचन काहीं इहव बतामँइ चाहित हएन, कि कउनमेर से सदोम अउर अमोरा सहरन के अउर उनखे आस-पास के सहरन के मनई, ईंन स्वरगदूतन कि नाईं ब्यभिचार करँइ बाले होइगे रहे हँय, अउर बुरी बासनन के पीछे भागत रहे हँय, त प्रभू उनहीं कबहूँ न बुझाँय बाली आगी माहीं डारिके नास कइ दिहिन रहा हय, जउन हमरे पंचन के खातिर उदाहरन बनिगें हँय।

दरसनन के बातँय 12:9

तब उआ बड़ा भारी अजिगर, अरथात उहय पुरान साँप, जउन इबलीस अउर सइतान कहाबत हय, अउर सगले संसार काहीं भरमामँइ बाला, धरती माहीं गिराय दीन ग; अउर ओखर दूत घलाय ओखे साथ गिराय दीनगें।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 13:8

अउर धरती के सगले रहँइ बाले, उआ खतरनाक जानबर के अराधना करिहँय। जिनखर नाम बध कीन मेम्ना के जीबन के किताब माहीं, संसार के सुरुआत से लिखे नहिं आहीं।