2 पतरस 2:18 - Bagheli Bible

¹⁸ अउर ऊँ पंचे बेकार के घमन्ड बाली बातँय कइके, अउर अपने लुचपन के कामन के द्वारा, उनहीं अपने मन के बुरी इच्छन माहीं फसाय लेत हें, जउन भटकेन म से अबहिनय बिसुआस माहीं लउटि रहे हँय।

2 पतरस 2:18 ပူးပေါင်းရင်းမြစ်များ

खास चेलन 2:40

ऊँ अउर खुब बातन से घलाय गबाही दइ-दइके समझाइन, कि अपने आप काहीं ईं कुटिल मनइन से बचाइके रक्खा।

खास चेलन 8:9

एखे पहिले उआ सहर माहीं समौन नाम के एकठे मनई रहा हय, जउन जादू-टोना कइके सामरिया सहर के मनइन काहीं अचरज माहीं डार देत रहा हय, अउर अपने-आप काहीं बड़ा महान मनई बताबत रहा हय।

रोमियन 13:13

अउर जइसन सगले मनई दिन के उँजिआर माहीं रहत हें, उहयमेर हमहूँ पंचन काहीं रहँइ चाही, अउर हमार पंचन के चाल-चलन निकहा होंइ चाही, इआ नहीं कि भोग-बिलास माहीं परि जई, अउर दारू पिके धुत्त रही, अउर ब्यभिचार करी, अउर लुच्चई माहीं परिके लड़ाई-झगड़ा करी, अउर कोहू से डाह करी।

इफीसियन 4:17

एसे हम प्रभू के तरफ से अधिकार पाइके तोंहईं पंचन काहीं जताए देइत हएन, कि जइसन संसारिक मनई जउन मुक्ती नहीं पाए आहीं, ऊँ पंचे अपने मन के बुरी इच्छन के मुताबिक आपन जीबन बिताबत हें, पय तूँ पंचे अब से पुनि कबहूँ उनखे कि नाईं चाल-चलन न अपनाया।

2 थिस्सलुनीकियन 2:4

उआ अपने काहीं हरेक चीजन से बढ़िके मानी, अउर उनखर बिरोध करी, अउर अइसन चीजन के जउन परमातिमा के आहीं, इआ कि जउन पूजँय के काबिल हईं। इहाँ तक कि उआ परमातिमा के मन्दिर माहीं बइठिके, इआ दाबा करी, कि हम परमातिमा आहेन।

याकूब 5:5

तूँ पंचे धरती माहीं भोग-बिलास के जीबन जिअा हय, अउर अपने-आप काहीं भोग-बिलास माहीं बोरे रह्या हय। इआमेर से परमातिमा के न्याय करँइ के दिन के खातिर खुद काहीं तइआर किहा हय।

2 पतरस 1:4

जिनखे द्वारा ऊँ हमसे पंचन से खुब कीमती, अउर खुब बड़े वादन काहीं किहिन हीं, जउने तूँ पंचे ईं वादन के द्वारा, संसार के बुरी अभिलासन से होंइ बाली सड़ाहट से छूटिजा, अउर परमातिमा के सुभाव कि नाईं तोंहरव सुभाव होइ जाय।

2 पतरस 2:14

काहेकि उनखे आँखिन माहीं ब्यभिचार बसा हय, अउर ऊँ पंचे पाप किहे बिना रुकिन नहीं सकँय; ऊँ पंचे चंचल मन बालेन काहीं, लहाय-फुसलाय लेत हें; उनखे मनन काहीं लोभ करँइ के आदत होइगे ही, अउर ऊँ पंचे परमातिमा के तरफ से स्रापित हें।

2 पतरस 2:2

अउर खुब मनई उनहिन कि नाईं लुच्चई करत फिरिहँय, अउर इनहिन के कारन सत्य के गइल के बदनामी होई।

2 पतरस 2:20

एसे कि जब ऊँ पंचे हमरे पंचन के प्रभू अउर मुक्ती देंइ बाले, यीसु मसीह के ऊपर बिसुआस किहे के द्वारा संसार के अनेकव प्रकार के बुराइन से बच निकरें तय, अउर पुनि ओहिन माहीं फँसिके हार गे हँय, त उनखर दसा पहिले से अउर जादा खराब होइगे ही।

2 पतरस 2:7

अउर उनमा से परमातिमा के हुकुम काहीं मानिके चलँइ बाले लूत काहीं, जउन परमातिमा के हुकुमन काहीं न मानँइ बाले मनइन के असुद्ध चाल-चलन से, खुब दुखी रहत रहे हँय, उनहीं मुक्ती दिहिन।

2 पतरस 3:17

एसे हे पियार साथिव, तूँ पंचे पहिलेन से ईं सगली बातन काहीं जानिके चउकस रहा, जउने अधरमिन के बुराई माहीं फँसिके, अपने बिसुआस के स्थिरता काहीं अपने हाँथ से गमाय न द्या।

यहूदा 1:13

ईं पंचे समुद्र माहीं उठँय बाली, अइसन भयंकर लहरन कि नाईं हें, जउन अपने निरलज्जता के कामन के फेन उछालत रहती हईं। अउर ईं पंचे एँकई-ओंकई भटकँइ बाली अइसन तरइअन कि नाईं हें, जिनखे खातिर अनन्तकाल के घोर अँधिआर रक्खा ग हय।

दरसनन के बातँय 13:11

ओखे बाद हम एकठे दूसर खतरनाक जानबर काहीं, धरती म से निकरत देखेन, ओखे मेम्ना कि नाईं दुइठे सींग रही हँय; अउर उआ अजिगर कि नाईं बोलत रहा हय।