2 पतरस 2:12 - Bagheli Bible

¹² पय ऊँ पंचे निरबुद्धी पसुअन कि नाईं हें, जउन पकड़े जाँइ अउर नास होंइ के खातिर पइदा भें हँय; अउर जउने बातन काहीं जनतय नहिं आहीं, उनहिन के बारे माहीं दुसरे मनइन काहीं भला-बुरा कहत हें, ऊँ पंचे अपने बुरे कामन के कारन खुदय नास होइ जइहँय।

2 पतरस 2:12 ပူးပေါင်းရင်းမြစ်များ

मरकुस 7:22

लालच करब, दुस्टता करब, छल करब, लुच्चई करब, बुरी नजर से देखब, दुसरे के बुराई करब, घमन्ड करब, अउर मुरखईं के बातँय निकरती हईं।

यूहन्ना 8:21

यीसु पुनि उनसे कहिन, कि “हम जइत हएन, अउर तूँ पंचे हमहीं ढ़ुँढ़िहा, अउर अपने पापन के माफी पाए बिना मरिहा: जहाँ हम जइत हएन, उहाँ तूँ पंचे नहीं आय सकते आह्या।”

गलातियन 6:8

काहेकि जे कोऊ अपने बुरे बिचार के बीज बोबत हय, त उआ अपने बुरे बिचार के व्दारा बिनास रूपी फसल काटी, अउर जे कोऊ आत्मा के खातिर बीज बोबत हय, उआ आत्मा के व्दारा अनन्त जीबन रूपी फसल काटी।

कुलुस्सियन 2:22

(काहेकि ईं सगली चीजँय काम माहीं लइआबत-लइआबत नास होइ जइहँय।) काहेकि ईं मनइन के हुकुमन अउर सिच्छन के मुताबिक आहीं।

2 पतरस 1:4

जिनखे द्वारा ऊँ हमसे पंचन से खुब कीमती, अउर खुब बड़े वादन काहीं किहिन हीं, जउने तूँ पंचे ईं वादन के द्वारा, संसार के बुरी अभिलासन से होंइ बाली सड़ाहट से छूटिजा, अउर परमातिमा के सुभाव कि नाईं तोंहरव सुभाव होइ जाय।

2 पतरस 2:19

ऊँ पंचे उनहीं अजाद करँइ के वादा त करत हें, पय खुदय मन के बुरी इच्छन के गुलामी माहीं फँसे हँय, काहेकि जउन मनई जेखे अधीन होइ जात हय, त उआ ओहिन के दास बन जात हय।

यहूदा 1:10

पय ईं पंचे, जउने बातन काहीं समझतय नहिं आहीं, उनखे बारे माहीं भला-बुरा कहत हें; अउर निरबुद्धी पसुअन कि नाईं जउन बातँय उनखे मन माहीं अउती हईं, उनहिन के मुताबिक करत हें, एसे उँइन बातँय उनखे बिनास के कारन बन जाती हँय।