2 पतरस 2:10 - Bagheli Bible

¹⁰ खास करके उनहीं जउन असुद्ध अभिलासन के पीछे, अउर अपने मन के बुरी इच्छन के मुताबिक चलत हें, अउर प्रभू के अधिकार काहीं तुच्छ जानत हें, ऊँ पंचे एतने घमन्डी हँय, कि महिमामय स्वरगदूतन के अपमान करँइ से घलाय नहीं डेराँय।

2 पतरस 2:10 ပူးပေါင်းရင်းမြစ်များ

लूका 11:25

अउर बुरी आत्मा लउटिके उआ घर काहीं, झारा बटोरा अउर सजा-सजाबा पाबत ही।

लूका 19:14

पय उआ सहर माहीं रहँइ बाले ओसे दुसमनी रक्खत रहे हँय, अउर ओखे जाँइ के बाद दूतन से सँदेस देबाइन कि, ‘हम पंचे नहीं चाही, कि तूँ हमरे ऊपर राज करा।’

खास चेलन 23:5

पवलुस कहिन; “हे भाइव, हम नहीं जानत रहे आहेन, कि ईं महायाजक आहीं; काहेकि पबित्र सास्त्र माहीं लिखा हय, कि अपने लोगन के प्रधान काहीं बुरा न कहा।”

रोमियन 8:1

एसे अब जेतने जन मसीह यीसु के ऊपर बिसुआस करत हें, उनहीं कउनव सजा न मिली।

1 कुरिन्थियन 6:9

अउर का तूँ पंचे इआ नहिं जनते आह्या, कि अन्याय करँइ बाले मनई परमातिमा के राज के बारिसदार न होइहँय? तूँ पंचे धोखा न खया, काहेकि ब्यभिचार करँइ बाले, मूरतिन के पूजा करँइ बाले, अपने मेहेरिआ के अलाबा दुसरे मेहेरिअन के साथ सारीरिक सम्बन्ध बनामँइ बाले, लुच्चई करँइ बाले, मंसेरुअय-मंसेरुआ आपस माहीं सारीरिक सम्बन्ध बनामँइ बाले,

2 कुरिन्थियन 10:3

काहेकि हमहूँ पंचे इआ संसारय माहीं रहित हएन, पय संसारिक जीबन जिअँइ बाले मनइन कि नाईं लड़ित नहिं आहेन।

इफीसियन 4:19

अउर ऊँ पंचे नीक-नागा पहिचानँय के सक्ती काहीं गमाइके, लुचपन के कामन माहीं लगिगे हँय, कि हरेकमेर के बुरे काम अपने बुरी इच्छा से करा करँय।

इफीसियन 5:5

काहेकि तूँ पंचे खुदय इआ जनते हया, कि ब्यभिचार करँइ बाला, इआ कि असुद्ध मनई, इआ कि लालच करँइ बाला मनई, (काहेकि लालच करब मूरत के पूजा करँइ के बराबर हय) इआ मेर के मनई मसीह अउर परमातिमा के राज के कबहूँ बारिसदार न बनिहँय।

कुलुस्सियन 3:5

एसे तोंहरे पंचन माहीं जउन संसारिक बातँय हईं, उनहीं छोंड़ि द्या, अरथात ब्यभिचार, असुद्धता, कामवासना, बुरी इच्छा, अउर लोभ जउन मूरत पूजँय के बराबर हय।

1 थिस्सलुनीकियन 4:7

काहेकि परमातिमा हमहीं पंचन काहीं असुद्ध होंइ के खातिर नहीं, बलकिन पबित्र बनँइ के खातिर बोलाइन हीं।

2 तीमुथियुस 3:2

काहेकि मनई स्वार्थी, जादा धन कमाय के लालची, खुद के कामन के बड़ाई करँइ बाले, खुद काहीं दुसरे से बड़ा मानँइ बाले, दुसरे के बुराई करँइ बाले, महतारी-बाप के कहा-बतान न मानँइ बाले, जउन उनखर मदत करी, ओखर उपकार न मानँइ बाले, बुरे काम कइके परमातिमा के ऊपर बिसुआस न करँइ बाले,

तीतुस 1:7

मसीही मन्डली के अध्यच्छ काहीं, जेही परमातिमा मसीही मन्डली के लोगन के देख-रेख करँइ के काम सउँपिन हीं, एसे उनहीं बेकसूर होंइ क चाही; अउर ऊँ अड्डी न होंय, अउर न गुस्सइल होंय, अउर न झगड़लुअय होंय, अउर न दारुअय पिअँइ बाले होंय, अउर गलत काम कइके पइसा कमाँय बाले न होंय।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

2 पतरस 3:3

अउर तूँ पंचे इहव जानिल्या, कि अन्त के दिनन माहीं, हँसी मजाक करँइ बाले अइहँय, जउन अपनेन मन के बुरी इच्छन के मुताबिक चलिहँय।

यहूदा 1:10

पय ईं पंचे, जउने बातन काहीं समझतय नहिं आहीं, उनखे बारे माहीं भला-बुरा कहत हें; अउर निरबुद्धी पसुअन कि नाईं जउन बातँय उनखे मन माहीं अउती हईं, उनहिन के मुताबिक करत हें, एसे उँइन बातँय उनखे बिनास के कारन बन जाती हँय।

यहूदा 1:16

काहेकि ईं पंचे कुड़कुड़ाँय बाले आहीं, अउर दुसरेन के दोस ढूँढ़ँइ माहीं लगे रहत हें। अउर ईं पंचे अपने मन मरजी के मुताबिक चलत हें; अउर अपने मुँहे से घमन्ड के बातँय बोलत हें; अउर अपने फायदा के खातिर दुसरे मनइन के मुँह देखी बड़ाई करत हें।”

यहूदा 1:18

ऊँ पंचे, तोंहसे कहा करत रहे हँय, कि “अन्त के दिनन माहीं अइसन मनई अइहँय, जउन परमातिमा के बचन के हँसी उड़इहँय, अउर अपने बुरी इच्छन के मुताबिक चलिहँय।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”