2 पतरस 1:6 - Bagheli Bible

⁶ अउर ग्यान माहीं आत्मसंयम काहीं, अउर आत्मसंयम माहीं धीरज काहीं, अउर धीरज माहीं परमातिमा के भक्ती काहीं,

2 पतरस 1:6 ပူးပေါင်းရင်းမြစ်များ

लूका 21:19

अउर अपने सहनसीलता के कारन तूँ पंचे अपने प्रानन काहीं बचाए रइहा।”

लूका 8:15

पय जउन निकही भुँइ म बोए बीज कि नाईं होत हें, ऊँ पंचे ईं आहीं, जऊँ परमातिमा के बचन काहीं सुनिके, पूरे बिसुआस के साथ अपनाबत हें, अउर अपने हिरदँय के भले भन्डार माहीं सम्हारे रहत हें, अउर धीरज धइके फर लइ आबत हें।”

खास चेलन 24:25

अउर जब ऊँ धरम अउर संयम अउर आमँइ बाले न्याय के चरचा करत रहे हँय, तब हाकिम फेलिक्स भयभीत होइके जबाब दिहिन, कि “अबे त जा, पय मोका पाइके हम तोंहईं पुनि बोलाउब।”

रोमियन 15:4

अउर पबित्र सास्त्र माहीं जेतनी बातँय पहिले से लिखी गई हँय, ऊँ सगली हमहीं पंचन काहीं सिच्छा देंइ के खातिर लिखी गई हँय, कि हम पंचे धीरज अउर पबित्र सास्त्र के उत्साहित करँइ के द्वारा आसा रक्खी।

रोमियन 2:7

जउन मनई धीरज के साथ लगीतार निकहा काम करत, परमातिमा के तरफ से बड़ाई अउर मान- सम्मान पामँइ अउर परमातिमा के साथ हमेसा रहँइ खातिर खोज माहीं लगे रहत हें, उनहीं परमातिमा अनन्त जीबन देइहँय।

रोमियन 8:25

पय अगर हम पंचे जउने चीज काहीं नहीं देखी, ओखर आसा करित हएन, त ओखर धीरज के साथ इन्तजार घलाय करित हएन।

1 कुरिन्थियन 9:25

अउर कुस्ती लड़ँइबाले हरेक पहिलमान, अपने देंह काहीं तइआर करँइ के खातिर, हरेकमेर के कसरत करत हें; अउर ऊँ पंचे त नास होंइ बाले मुकुट काहीं पामँइ के खातिर इआ सगली मेहनत करत हें, पय हम पंचे त उआ मुकुट काहीं पामँइ के खातिर मेहनत करित हएन, जउन कबहूँ नहीं नास होय।

2 कुरिन्थियन 6:4

बलकिन हम पंचे परमातिमा के सेबक के रूप माहीं, खुद काहीं निकहा साबित करित हएन, बड़े धीरज के साथ दुख-मुसीबत माहीं, गरीबी माहीं, संकटन माहीं,

गलातियन 5:23

अउर किरपा करब, भलाई करब, बिसुआस के काबिल होब, नम्र होब, अउर संयम रक्खब, ईं बातन के बिरोध माहीं कउनव नेम नहिं आय।

कुलुस्सियन 1:11

अउर परमातिमा के महिमामय सक्ती के मुताबिक हरेकमेर के सामर्थ से मजबूत होइजा, जउने दुख-मुसीबत के समय आनन्द के साथ हरेकमेर से धीरज अउर सहनसीलता देखाय सका।

1 थिस्सलुनीकियन 1:3

अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

2 थिस्सलुनीकियन 1:4

इहाँ तक, कि हम पंचे खुदय परमातिमा के मसीही मन्डली माहीं तोंहरे बारे माहीं घमन्ड करित हएन, कि जेतने उपद्रव अउर दुख-मुसीबत तूँ पंचे सहते हया, उन सगलेन माहीं तोंहार धीरज अउर बिसुआस प्रगट होत हय।

2 थिस्सलुनीकियन 3:5

अउर परमातिमा के प्रेम अउर मसीह के धीरज कइती बढ़ँइ के खातिर, प्रभू तोंहार अँगुआई करँय।

1 तीमुथियुस 2:10

काहेकि जउन मेहेरिआ खुद काहीं परमातिमा के भक्ती करँइ बाली मनती हईं, उनखे खातिर इआ उचितव हय।

1 तीमुथियुस 2:2

अउर प्रसासन चलामँइ बालेन, अउर ऊँच पद बाले अधिकारिन के खातिर घलाय प्राथना किहा, एसे कि जउने हम पंचे सान्ति के साथ निडर होइके, परमातिमा के भक्ती करत गम्भीरता से जीबन बिताय सकी।

1 तीमुथियुस 3:16

हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

1 तीमुथियुस 6:11

पय हे परमातिमा के भक्त, तीमुथियुस, तूँ त ईं बातन से दूरिन रहा; अउर धारमिक बनँइ के पूर कोसिस करा, अउर हमेसा परमातिमा के भक्ती करा, अउर यीसु मसीह के ऊपर बिसुआस रक्खा, अउर सगलेन से प्रेम करा, अउर धीरज रक्खा, अउर नम्र बने रहा।

1 तीमुथियुस 6:3

अगर कोऊ यीसु मसीह के उपदेस काहीं छोंड़िके, दूसर मेर के उपदेस देत हय; अउर सही बातन काहीं, मतलब हमरे पंचन के प्रभू यीसु मसीह के बातन काहीं, अउर उआ उपदेस काहीं, जउन मनइन काहीं परमातिमा के इच्छा के मुताबिक जीबन जिअँइ माहीं मदत करत हय, उआ नहीं मानय।

1 तीमुथियुस 6:6

जेतना जेही मिला हय, उआ ओतनेन माहीं सन्तोस मानिके, परमातिमा के भक्ती करत हय, त उहय ओखर सबसे बड़ी कमाई आय।

2 तीमुथियुस 3:5

ऊँ पंचे अइसन ढोंग करिहँय, कि परमातिमा के सगलेन से बड़े भक्त उँइन आहीं, पय परमातिमा के सामर्थ काहीं न मनि हँय, अइसन मनइन से तूँ दूरिन रह्या।

तीतुस 1:1

हम पवलुस आहेन, हे तीतुस, इआ चिट्ठी हम तोंहईं लिख रहेन हँय, जउन परमातिमा के सेबक आहेन, अउर यीसु मसीह के चुने खास चेला आहेन, परमातिमा जिनहीं चुनिन हीं, ऊँ लोगन काहीं बिसुआस के बारे माहीं, अउर जउन सत्य बचन उनहीं भक्ती के मुताबिक, जीबन जिअँइ के खातिर मदत करत हय, उआ सिखामँइ के खातिर हमहीं पठबा ग हय।

तीतुस 1:8

पय ऊँ महिमानन के सेबा सत्कार करँइ बाले, अउर भलाई के चाहँय बाले, संयमी अउर न्यायी पबित्र अउर अपने ऊपर काबू रक्खँइ बाले होंय;

तीतुस 2:2

जउने बुढ़ान मनई हुसिआर, अउर गम्भीर, अउर नीक-नागा पहिचानँय बाले होइ जाँय, अउर ऊँ बिसुआस रक्खँय माहीं, अउर प्रेम रक्खँय माहीं, अउर धीरज धरँय माहीं, मजबूत होइ जाँय।

इब्रानियन 10:36

काहेकि तोंहईं पंचन काहीं धीरज धरब खुब जरूरी हय, जउने तूँ पंचे परमातिमा के मरजी काहीं पूर कइके, उनखे द्वारा कीन वादा के प्रतिफल पाबा।

इब्रानियन 12:1

जब परमातिमा के ऊपर बिसुआस करँइ बाले खुब मनइन के गबाही, हमरे पंचन के चारिव कइती मवजूद ही, इआ कारन से आबा, हमहूँ पंचे हरेक रोंकँइ बाली चीजन काहीं, अउर हरेक उलझामँय बाले पापन काहीं, अपने जीबन से दूर करी, जउन परमातिमा से दूरी लइ जात हें, अउर जउने मसीही दउड़ माहीं, हमहीं पंचन काहीं दउड़ँइ काहीं हय, ओही बड़े धीरज के साथ दउड़ी।

इब्रानियन 6:12

अउर हम पंचे इआ नहीं चाही, कि तूँ पंचे आलसी बना, बलकिन तूँ पंचे उनखे कि नाईं जीबन बिताबा, जउन बिसुआस अउर धीरज के द्वारा परमातिमा के वादन के बारिसदार बन जात हें।

इब्रानियन 6:15

अउर इआमेर से अब्राहम धीरज धइके, परमातिमा के द्वारा कीन वादा के बात काहीं पाइन।

2 पतरस 1:3

परमातिमा अपने सक्ती से भक्तिमय जीबन जिअँइ के खातिर, अउर उनखे सेबा के खातिर, जउन कुछू हमहीं पंचन काहीं चाही, उआ सब कुछ दिहिन हीं। अउर हमहीं पंचन काहीं अपने ग्यान काहीं पामँइ के काबिल बनाइन हीं, अउर ऊँ हमहीं पंचन काहीं अपने महिमा अउर प्रताप के मुताबिक बोलाइन हीं।

2 पतरस 3:11

त इआ बताबा, जब ईं सगली चीजँय, इआमेर से पिघलँय बाली हईं, त तोंहईं पंचन काहीं पबित्र चाल-चलन के साथ, परमातिमा के भक्ती करत, पबित्र जीबन जिअँइ चाही।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 13:10

जेही जेल माहीं बन्द होंइ क हय, उआ जेल माहीं बन्द होई; जे कोऊ तलबार से मारी, उआ जरूर तलबार से मारा जई, अब पबित्र मनइन काहीं धीरज धरँय, अउर सताव काहीं सहत बिसुआस माहीं बने रहँय के समय हय।

दरसनन के बातँय 14:12

इआ पबित्र मनइन के धीरज धरँय के समय हय, जउन परमातिमा के हुकुमन काहीं मानत हें, अउर यीसु के ऊपर बिसुआस करत हें।

दरसनन के बातँय 2:2

हम तोंहरे काम, अउर मेहनत, अउर तोंहरे धीरज काहीं जानित हएन; अउर इहव घलाय, कि तूँ बुरे मनइन काहीं बरदास नहीं कइ सकते आह्या, अउर जउन अपने-आप काहीं यीसु मसीह के खास चेला कहत हें, अउर आहीं न, उनहीं पंचन काहीं घलाय तूँ जाँच परखिके लबरा पाया हय।