2 पतरस 1:5 - Bagheli Bible

⁵ अउर इहय कारन तूँ पंचे हरेकमेर से कोसिस कइके, अपने बिसुआस माहीं उत्तम गुनन काहीं, अउर उत्तम गुनन माहीं ग्यान काहीं,

2 पतरस 1:5 ပူးပေါင်းရင်းမြစ်များ

लूका 16:26

अउर ईं बातन के अलाबा, हमरे अउर तोंहरे बीच माहीं एकठे बड़ा भारी गड्ढा हय, जउने इआ पार से उआ पार तोंहरे लघे कोऊ जाँइ चाहय, त उआ न जाय सकय, अउर उआ पार से इआ पार हमरे लघे न आय सकय।’

लूका 24:21

पय हमहीं पंचन काहीं बड़ी आसा रही हय, कि यीसु सगले इजराइल के मनइन काहीं रोम सम्राज के गुलामी से मुक्ती देइहँय। इआ घटना काहीं भए आज तीसर दिन आय।

यूहन्ना 6:27

नास होंइ बाले खाना के खातिर मेहनत न करा, पय अनन्त जीबन देंइ बाले उआ खाना के खातिर मेहनत करा, जउने काहीं मनई के लड़िका तोंहईं देइहँय, काहेकि ओही देंइ के अधिकार पिता परमातिमा केबल उनहिन काहीं दिहिन हीं।”

1 कुरिन्थियन 14:20

अउर हे भाई-बहिनिव, जइसन छोट बुदे लड़िकन के सोच-बिचार रहत हय, उआमेर तोंहार पंचन के सोच-बिचार न होंइ चाही; बुराई के खातिर छोट लड़िकन कि नाईं अनजान बना, पय तोंहार सोच-बिचार सयानन कि नाईं होय।

इफीसियन 5:17

एसे निरबुद्धी मनई कि नाईं न बना, बलकिन प्रभू के इच्छा तोंहरे पंचन के जीबन माहीं का ही? ओही बड़े ध्यान से समझँय के कोसिस करा।

फिलिप्पियन 1:9

अउर हम हमेसा इहय प्राथना करत रहित हएन, कि तोंहार पंचन के प्रेम, ग्यान अउर हरेकमेर के सोचँय-समझँय के छमता अउर बाढ़त जाय।

फिलिप्पियन 2:12

एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा।

फिलिप्पियन 4:8

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

कुलुस्सियन 1:9

एसे जउने दिना से हम तोंहरे बारे माहीं इआ सुने हएन, त हमहूँ घलाय रोज तोंहरे खातिर इआ प्राथना करित हएन, कि तूँ पंचे आत्मिक ग्यान अउर समझ पायजा, अउर परमातिमा के इच्छा तोंहरे बारे माहीं का ही, इआ निकहा से जान जा।

कुलुस्सियन 2:3

काहेकि उनहिन माहीं बुद्धी अउर ग्यान के सगला भन्डार छिपा हय।

इब्रानियन 11:6

अउर बिसुआस के बिना परमातिमा काहीं खुसी करब असम्भव हय, काहेकि परमातिमा के लघे आमँइ बाले काहीं, इआ बिसुआस होंइ चाही, कि बास्तव माहीं परमातिमा हें; अउर अपने खोजँइ बालेन काहीं ओखर प्रतिफल जरूर देत हें।

इब्रानियन 12:15

अउर तूँ पंचे इआ बात के ध्यान रक्खा, कि कउनव मनई परमातिमा के किरपा से बंचित न रहि जाय, अउर इहव बात के ध्यान रक्खा, कि तोंहरे पंचन के बीच माहीं अइसन कउनव झगड़ा के जड़ न फूट निकरय, कि तोंहऊँ पंचन काहीं कस्ट होय, अउर खुब मनई बिसुआस से भटक जाँय।

इब्रानियन 6:11

अउर हम पंचे खुब चाहित हएन, कि तोंहरे म से हरेक जन अपने जीबन भर इहइमेर कठिन मेहनत करत रहय। अउर अगर तूँ पंचे अइसय करत रइहा, त ओही जरूर पाय जइहा, जेखर तूँ पंचे आसा करते हया।

1 पतरस 3:7

उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।

2 पतरस 1:10

एसे हे भाई-बहिनिव, इआ साबित करँइ के खातिर, अउर जादा कोसिस करा, कि तोंहईं पंचन काहीं, बास्तव माहीं परमातिमा के द्वारा बोलाबा ग हय, अउर चुना ग हय, काहेकि अगर तूँ पंचे ईं बातन काहीं करत रइहा, त न कबहूँ ठोकरय खइहा, अउर न त कबहूँ बिसुआस से भटकबय करिहा।

2 पतरस 1:11

बलकिन इआमेर से तोंहार पंचन के, हमरे पंचन के प्रभू अउर मुक्ती देंइ बाले यीसु मसीह के अनन्त राज माहीं, बड़े आदर के साथ स्वागत कीन जई।

2 पतरस 3:14

एसे हे पियार साथिव, जब तूँ पंचे ईं सगली बातन के आस लगाए हया, त इआ कोसिस करा, कि सान्ती के साथ प्रभू के आँगे निस्कलंक अउर निरदोस ठहरा।

2 पतरस 3:18

बलकिन हमरे पंचन के प्रभू, अउर मुक्ती देंइ बाले यीसु मसीह के किरपा, अउर पहिचान माहीं आँगे बढ़त जा। उनहिन के महिमा अबहिनव होय, अउर जुगन-जुगन तक होत रहय। आमीन।