2 कुरिन्थियन 9:3 - Bagheli Bible

³ पय हम कुछ भाइन काहीं तोंहरे लघे एसे पठएन हय, कि हम जउन घमन्ड तोंहरे बारे माहीं देखायन हय, उआ दान देंइ के बारे माहीं बेकार न ठहरय, बलकिन हम जइसन तोंहरे बारे माहीं कहेन हय, उहयमेर तूँ पंचे दान देंइ के खातिर तइआर रहा।

2 कुरिन्थियन 9:3 ပူးပေါင်းရင်းမြစ်များ

2 कुरिन्थियन 7:14

काहेकि तीतुस के आँगे हम तोंहरे पंचन के बारे माहीं, जउन घमन्ड देखायन तय, त हमहीं लज्जित नहीं होंय परा, बलकिन जइसन हम तोंहसे पंचन से सही-सही बात बतायन तय, उहयमेर हमार पंचन के घमन्ड देखाउब, तीतुस के आँगे सही निकरा हय।

2 कुरिन्थियन 7:4

अउर हम तोंहसे पूरे बिसुआस के साथ कहि रहेन हय, कि हमहीं तोंहरे पंचन के ऊपर बड़ा घमन्ड हय; अउर हमहीं तोंहरे कारन बड़ी सान्ती मिली हय; हम हरेकमेर के दुख-मुसीबतन काहीं सहत रहित हएन, तऊ हम खुब आनन्दित रहित हएन।

2 कुरिन्थियन 8:6

एसे हम पंचे तीतुस काहीं सलाह दिहेन, कि जइसन तूँ पहिले दान एकट्ठा करँइ के सुरुआत किहा तय, उहयमेर तोंहरे बीच माहीं जाइके दान एकट्ठा करँइ के काम काहीं पूर करँय।

तीतुस 3:1

मसीही लोगन काहीं सुधि देबाबत रहा, कि ऊँ हाकिम अफसरन के सम्मान करँय, अउर उनखे हुकुमन काहीं मानँय, अउर हरेक निकहे कामन काहीं करँइ के खातिर तइआर रहँय।