2 कुरिन्थियन 7:4 - Bagheli Bible

⁴ अउर हम तोंहसे पूरे बिसुआस के साथ कहि रहेन हय, कि हमहीं तोंहरे पंचन के ऊपर बड़ा घमन्ड हय; अउर हमहीं तोंहरे कारन बड़ी सान्ती मिली हय; हम हरेकमेर के दुख-मुसीबतन काहीं सहत रहित हएन, तऊ हम खुब आनन्दित रहित हएन।

2 कुरिन्थियन 7:4 ပူးပေါင်းရင်းမြစ်များ

खास चेलन 5:41

ऊँ पंचे इआ बात से आनन्दित होइके महासभा के आँगे से चलेगें, कि हम पंचे उनखे नाम के खातिर निरादर होंइ के काबिल त ठहरेन।

रोमियन 5:3

केबल एतनय भर नहीं, बलकिन हमहीं पंचन काहीं दुख-मुसीबत माहीं घलाय आनन्द मनामँइ चाही, इआ जानिके कि दुख-मुसीबत से धीरज पइदा होत हय।

1 कुरिन्थियन 1:4

हम तोंहरे बारे माहीं, अपने परमातिमा काहीं हमेसा धन्यबाद देइत हएन, काहेकि उनखर इआ किरपा मसीह यीसु के द्वारा तोंहरे ऊपर कीन गे ही,

2 कुरिन्थियन 1:14

जइसन तोंहरे पंचन म से कुछ जने मानिव लिहिन ही, कि हम पंचे तोंहरे घमन्ड करँइ के कारन हएन; उहयमेर प्रभू यीसु के न्याय करँइ के दिन, तुहूँ पंचे घलाय हमरे पंचन के खातिर घमन्ड के कारन ठहरिहा।

2 कुरिन्थियन 1:4

अउर उँइन हमरे पंचन के हरेक बिपत्तिन माहीं सान्ती देत हें, जउने हमहूँ पंचे उआ सान्ती के कारन, जउन परमातिमा हमहीं पंचन काहीं देत हें, उनहीं घलाय सान्ती दइ सकी, जउन कउनव मेर के बिपत्तिन माहीं परे होंय।

2 कुरिन्थियन 10:8

काहेकि अगर हम उआ अधिकार के बारे माहीं अउर जादा घमन्ड देखाई, जउने काहीं प्रभू हमहीं दिहिन हीं। त उआ तोंहईं पंचन काहीं आत्मिक रूप से मजबूत बनामँइ के खातिर आय, बिगाड़ँइ के खातिर न होय, एसे हम उआ अधिकार से लज्जित न होब।

2 कुरिन्थियन 11:21

अउर इआ बात हम बड़े सरम के साथ कहि रहेन हय, मानि ल्या, कि हम खुब कमजोर रहेन हय। पय अगर कोऊ कउनव बात माहीं घमन्ड करँइ के हिम्मत करत हय, त हमहूँ घलाय हिम्मत कइ सकित हएन। (अउर इआ बात हम मूरुख कि नाईं कहित हएन।)

2 कुरिन्थियन 2:14

पय परमातिमा के धन्यबाद होय, जउन मसीह के द्वारा अपने बिजय-अभियान माहीं हमहीं पंचन काहीं हमेसा गइल देखाबत हें। अउर हमरे पंचन के द्वारा अपने ग्यान के महक हरेक जघन माहीं फइलाबत हें।

2 कुरिन्थियन 3:12

इहय आसा के कारन हम पंचे निडर होइके बोलित हएन।

2 कुरिन्थियन 7:14

काहेकि तीतुस के आँगे हम तोंहरे पंचन के बारे माहीं, जउन घमन्ड देखायन तय, त हमहीं लज्जित नहीं होंय परा, बलकिन जइसन हम तोंहसे पंचन से सही-सही बात बतायन तय, उहयमेर हमार पंचन के घमन्ड देखाउब, तीतुस के आँगे सही निकरा हय।

2 कुरिन्थियन 8:24

एसे तूँ पंचे उनसे खुब प्रेम किहा, अउर तोंहरे पंचन के बारे माहीं, हम पंचे एतना घमन्ड काहे करित हएन, ओही सही साबित कइके देखाबा। जउने सगली मसीही मन्डली ओही देख सकँय।

फिलिप्पियन 1:14

अउर प्रभू के ऊपर बिसुआस करँइ बाले जउन भाई हें, उनमा से जादा से जादा हमरे जेल माहीं होंइ के कारन, साहस के साथ, परमातिमा के बचन अउर निधड़क होइके सुनामँइ के हिम्मत करत हें।

फिलिप्पियन 1:20

हम हिरदँय से इहय आसा अउर बिसुआस रक्खित हएन, कि हम कउनव बात माहीं लज्जित न होई, बलकिन हमरे बड़े साहस के कारन मसीह के बड़ाई होय, जइसन हमरे देंह के व्दारा हमेसा होत रही हय, उहयमेर अबहिनव होय, चाह हम जिन्दा रही, चाह मर जई।

फिलिप्पियन 1:26

अउर प्रभू के ऊपर हमरे मजबूत बिसुआस के कारन, तूँ पंचे हमरे बारे माहीं घमन्ड करते हया, उआ तोंहरे पंचन के लघे हमरे पुनि आमँइ से, मसीह यीसु माहीं अउर जादा बढ़ि जाय।

फिलिप्पियन 2:17

अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय।

कुलुस्सियन 1:24

अउर जउन दुख-मुसीबत हम तोंहरे पंचन के खातिर उठाइत हएन, उनखे कारन हम आनन्दित होइत हएन, अउर मसीह के देंह अरथात मसीही मन्डली के खातिर मसीह के यातनन माहीं जउन कुछ कमी रहिगे तय, ओही हम अपने देंह माहीं पूर कए देइत हएन।

1 थिस्सलुनीकियन 2:19

जब हम पंचे अपने प्रभू यीसु मसीह के दुसराय आमँइ के समय उनखे आँगे ठाढ़ होब, त तोंहईं पंचन काहीं छोंड़, हमार पंचन के आसा, आनन्द, अउर बड़ाई के मुकुट अउर का होइ सकत हय?

1 थिस्सलुनीकियन 2:2

बलकिन तूँ पंचे त खुदय जनते हया, कि पहिले फिलिप्पी सहर माहीं दुख उठामँइ अउर उपद्रव सहे के बादव, हमार परमातिमा हमहीं पंचन काहीं अइसन हिम्मत दिहिन, कि हम पंचे परमातिमा के खुसी के खबर भारी बिरोध के बादव तोंहईं सुनाई।

2 थिस्सलुनीकियन 1:4

इहाँ तक, कि हम पंचे खुदय परमातिमा के मसीही मन्डली माहीं तोंहरे बारे माहीं घमन्ड करित हएन, कि जेतने उपद्रव अउर दुख-मुसीबत तूँ पंचे सहते हया, उन सगलेन माहीं तोंहार धीरज अउर बिसुआस प्रगट होत हय।

फिलेमोन 1:7

हे भाई, तोंहरे द्वारा बिसुआसी भाई-बहिनिन के मन खुब आनन्द से भरिगें हँय, एसे तोंहरे इआ प्रेम काहीं देखिके, हमहीं खुब आनन्द अउर सान्ति मिली हय।

याकूब 1:2

हे हमार भाई-बहिनिव, जब तूँ पंचे अनेकव मेर के परिच्छन माहीं परा, त ओही पूरे आनन्द के बात समझा,