2 कुरिन्थियन 4:3 - Bagheli Bible

³ जउने खुसी के खबर के हम पंचे प्रचार करित हएन, ओमाहीं अगर कउनव परदा परा हय, त इआ केबल उनहिन के खातिर परा हय, जेतने बिनास होंइ के गइल माहीं चल रहे हँय।

2 कुरिन्थियन 4:3 ပူးပေါင်းရင်းမြစ်များ

मत्ती 11:25

उहय समय यीसु कहिन, “हे पिता परमातिमा स्वरग अउर धरती के प्रभू, हम अपना काहीं धन्यबाद देइत हएन, कि अपना ईं बातन काहीं ग्यानिन अउर अपने काहीं समझदार मानँइ बालेन काहीं नहीं बताएन, बलकिन छोट लड़िकन कि नाईं अपना के बचन के ऊपर बिसुआस करँइ बालेन काहीं बतायन हय।

रोमियन 2:16

इआ सब उआ दिना प्रगट कीन जई, जब परमातिमा, हमरे सुनाए खुसी के खबर के मुताबिक, यीसु मसीह के द्वारा मनइन के गुप्त बिचारन के न्याय करिहँय।

1 कुरिन्थियन 1:18

काहेकि मसीह के क्रूस माहीं बलिदान होंइ के खुसी के खबर, नास होंइ बाले मनइन के नजर माहीं मूर्खता आय, पय हमरे पंचन के खातिर जे कोऊ मुक्ती पाय रहेन हँय, उआ परमातिमा के सक्ती आय।

1 कुरिन्थियन 2:6

त जे कोऊ समझदार हें, उनहिन काहीं हम पंचे बुद्धी के बातँय सिखाइत हएन, अउर इआ बुद्धी इआ संसार के मनइन के बुद्धी न होय, अउर न त इआ संसार के नास होंइ बाले अधिकारिन के ग्यान आय।

2 कुरिन्थियन 2:12

जब हम मसीह के खुसी के खबर सुनामँइ के खातिर त्रोआस सहर माहीं आएन, त उहाँ खुसी के खबर सुनामँइ के खातिर प्रभू निकहा मोका दिहिन तय।

2 कुरिन्थियन 3:14

पय उनखर बुद्धी कमजोर होइगे रही हय, काहेकि आजव तक पुरान नेम पढ़त समय, उनखे हिरदँय माहीं उहय परदा परा रहत हय। पय मसीह के ऊपर बिसुआस किहे के कारन उआ परदा हटि जात हय।

2 कुरिन्थियन 4:4

इआ संसार के मालिक सइतान, ईं अबिसुआसी मनइन के बुद्धी काहीं भ्रस्ट कइ दिहिस ही, कि जउने ऊँ पंचे परमातिमा के साछात रूप, मसीह के महिमामय खुसी के खबर के उँजिआर काहीं न देखे पामँय।

1 थिस्सलुनीकियन 1:5

काहेकि हमरे व्दारा खुसी के खबर तोंहरे लघे केबल बचनय भर से नहीं, बलकिन सामर्थ अउर पबित्र आत्मा, अउर बड़े निस्चय के साथ पहुँची हय। तूँ पंचे जनते हया, कि जब हम पंचे तोंहरे साथ रहे हएन, तब तोंहरे फायदा के खातिर कउनमेर जीबन जिअत रहेन हँय।

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।