2 कुरिन्थियन 4:2 - Bagheli Bible

² पय हम पंचे लज्जित करँइ बाले, अउर गुप्त कामन काहीं छोंड़ि दिहेन हय, अउर अपने चतुराई से नहीं चली, अउर न त परमातिमा के बचन माहीं मिलबटय करित आहेन, बलकिन परमातिमा के नजर माहीं, सत्य काहीं सरल रूप से बताइके, हरेक मनइन के सोच-बिचार माहीं आपन भलाई बइठाइत हएन।

2 कुरिन्थियन 4:2 ပူးပေါင်းရင်းမြစ်များ

2 कुरिन्थियन 2:17

काहेकि हम पंचे ऊँ खुब मनइन कि नाईं नहिं आहेन, जउन खुद के फायदा के खातिर परमातिमा के बचन माहीं मिलाबट कइके प्रचार करत हें, बलकिन हम पंचे अपने सच्चे मन से, परमातिमा के तरफ से, अउर परमातिमा काहीं हाजिर जानिके, मसीह के प्रचार करित हएन।

2 कुरिन्थियन 5:11

एसे हम पंचे परमातिमा के भय मानिके लोगन काहीं समझाइत हएन। परमातिमा हमरे पंचन के बारे माहीं सब कुछ जानत हें। अउर हम पंचे इहय आसा करित हएन, कि तुहूँ पंचे घलाय हमरे पंचन के बारे माहीं जनते होइहा।

1 कुरिन्थियन 4:5

एसे जब तक प्रभू न आमँय, त समय से पहिले कउनव बात के न्याय न किहा, काहेकि जब प्रभू अइहँय त अँधिआर माहीं छिपी बातन काहीं उँजिआर माहीं देखइहँय, अउर मनइन के मन के उद्देसन काहीं घलाय प्रगट करिहँय। तब परमातिमा के तरफ से हरेक जन के उचित बड़ाई होई।

2 कुरिन्थियन 11:3

पय हम डेरातव रहित हएन, कि जइसन साँप अपने चतुराई से हब्बा काहीं बहकाय दिहिस रहा हय, उहयमेर तोंहरेव पंचन के मन माहीं उआ निरमल भक्ती, अउर पबित्रता जउन मसीह के खातिर होंइ चाही, कहँव ओसे भटकाय न दीन जा।

इफीसियन 5:12

काहेकि जउन काम ऊँ पंचे लुकिके किहिन हीं, उनखर चरचव तक करब बड़े सरम के बात ही।

2 कुरिन्थियन 7:14

काहेकि तीतुस के आँगे हम तोंहरे पंचन के बारे माहीं, जउन घमन्ड देखायन तय, त हमहीं लज्जित नहीं होंय परा, बलकिन जइसन हम तोंहसे पंचन से सही-सही बात बतायन तय, उहयमेर हमार पंचन के घमन्ड देखाउब, तीतुस के आँगे सही निकरा हय।

रोमियन 1:16

काहेकि हम खुसी के खबर से नहीं लजई, एसे कि उआ हरेक बिसुआस करँइ बालेन के खातिर, पहिले त यहूदी लोगन के खातिर, ओखे बाद गैरयहूदी लोगन काहीं मुक्ती पामँइ के खातिर परमातिमा के सामर्थ आय।

इफीसियन 4:14

जउने हम पंचे चुने बुदे लड़िका कि नाईं न रही, जउन ठग बिद्या अउर चतुराई के बातन माहीं, अउर दुसरेन के भ्रम माहीं डारँइ बाली बातन माहीं, अउर गलत उपदेसन माहीं परि जात हें, अउर जउनी कइती नहीं जाँय चाहँय ओहिन कइती भटक जात हें।

2 कुरिन्थियन 11:6

अगर हम बोलँइ माहीं कमजोर हएन, तऊ ग्यान माहीं कमजोर नहिं आहेन, अउर हम इआ ग्यान काहीं हरेक बातन माहीं, अउर हरेकमेर से तोंहईं पंचन काहीं बतायन हय।

2 कुरिन्थियन 1:12

हमहीं पंचन काहीं इआ बात के घमन्ड हय, कि हम इआ बात सच्चे मन से कहि सकित हएन, कि हम पंचे इआ संसार के मनइन के साथ, अउर खास करके तोंहरे पंचन के साथ, परमातिमा के किरपा के मुताबिक बेउहार किहेन हय। हम पंचे उआ बेउहार सरलता अउर सच्चाई के साथ किहेन हँय, जउन परमातिमा से मिलत हय, अउर उआ संसार के बुद्धी से नहीं मिलय।

रोमियन 6:21

मसीह के ऊपर बिसुआस करँइ से पहिले जउने कामन से तूँ पंचे आनन्दित होत रहे हया, अब तूँ पंचे उँइन कामन से सरमिन्दा होते हया, काहेकि ऊँ कामन के अन्त त मउत हय।

2 कुरिन्थियन 6:8

मान-सम्मान पामँइ माहीं, अपमान सहँइ माहीं, अउर निकहा नाम पामँइ माहीं, अउर बदनामी सहँय माहीं, हरेक बातन माहीं खुद काहीं सच्चा साबित करित हएन। जबकि हम पंचे भरमामँइ बालेन कि नाईं देखइत त हएन, तऊ हम पंचे सच्चे हएन।