2 कुरिन्थियन 1:3 - Bagheli Bible

³ हम पंचे अपने प्रभू यीसु मसीह के पिता परमातिमा काहीं धन्यबाद देइत हएन, जउन दया करँइ बाले पिता अउर हरेकमेर के सान्ती देंइ बाले परमातिमा आहीं।

2 कुरिन्थियन 1:3 ပူးပေါင်းရင်းမြစ်များ

यूहन्ना 10:30

हम अउर पिता एकय आहेन।”

यूहन्ना 20:17

तब यीसु उनसे कहिन, “अबे हमहीं न छुआ, काहेकि हम अबय तक अपने पिता परमातिमा के लघे ऊपर नहीं गएन आय, बलकिन हमरे भाइन के लघे जाइके उनसे कहि दिहा, कि हम अपने पिता अउर तोंहरे पिता, अउर अपने परमातिमा अउर तोंहरे परमातिमा के लघे ऊपर जइत हएन।”

2 कुरिन्थियन 11:31

अउर प्रभू यीसु के पिता परमातिमा जउन हमेसा बड़ाई के काबिल हें, ऊँ जानत हें, कि हम झूँठ नहीं बोली।

2 कुरिन्थियन 7:6

पय दीन-दुखिअन काहीं ढाढ़स देंइ बाले परमातिमा, तीतुस काहीं हमरे पंचन के लघे पहुँचाइके, हमरव पंचन के ढाढ़स बढ़ाइन हीं।

इफीसियन 1:17

हम प्राथना करा करित हएन, कि हमार पंचन के प्रभू यीसु मसीह के परमातिमा, तोंहईं समझँय के अउर दिब्य दरसन के अइसन आत्मा के सक्ती देंय, कि जउने तूँ पंचे ऊँ महिमावान परमपिता काहीं पहिचान सका।

इफीसियन 1:3

हमरे पंचन के प्रभू यीसु मसीह के पिता परमातिमा के धन्यबाद होय, कि ऊँ हमहीं पंचन काहीं मसीह के ऊपर बिसुआस करँइ के कारन, स्वरग के हरेकमेर के आत्मिक आसिरबाद दिहिन हीं।

फिलिप्पियन 2:11

अउर पिता परमातिमा के महिमा के खातिर, हरेक मनई इआ सोइकार कइ लेंय, कि यीसु मसीहय प्रभू आहीं।

कुलुस्सियन 1:3

हम पंचे अपने प्रभू यीसु मसीह के पिता परमातिमा काहीं धन्यबाद देइत हएन, अउर रोज तोंहरे पंचन के खातिर प्राथना करित हएन।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।

2 यूहन्ना 1:4

हम खुब खुसी भएन, कि हम तोंहरे कुछ लड़िका बिटिअन काहीं उआ हुकुम के मुताबिक, जउन हमहीं पंचन काहीं पिता परमातिमा के तरफ से मिला रहा हय, सत्य माहीं चलत पाएन हय।

2 यूहन्ना 1:9

जे कोऊ मसीह के सिच्छा से आँगे बढ़ि जात हय, अउर ओखर पालन नहीं करय, ओखे लघे परमातिमा नहीं रहँय; अउर जे कोऊ मसीह के सिच्छा माहीं बना रहत हय, ओखे लघे पिता परमातिमा, अउर उनखर लड़िका यीसु मसीह घलाय रहत हें।