1 तीमुथियुस 6:9 - Bagheli Bible

⁹ पय जउन धनमान बनँइ चाहत हें, ऊँ अइसन परिच्छा, अउर जाल माहीं, अउर अनेकव फालतू, अउर खुद काहीं नुकसान पहुँचामँइ बाली इच्छन माहीं फँसि जात हें, जउन मनइन काहीं बिगाड़िके बिनास के खाईं माहीं गिराय देती हईं।

1 तीमुथियुस 6:9 ပူးပေါင်းရင်းမြစ်များ

मत्ती 13:22

अउर जउन जरबइलन माहीं बोए बीज कि नाईं हें, ऊँ ईं आहीं, जउन परमातिमा के बचन काहीं सुनिन, पय संसारिक चिन्ता, अउर धन के लालच माहीं फँसिके, परमातिमा के बचन काहीं दबाय देत हें, अउर ऊँ पंचे बिना फर के बिरबा कि नाईं होइ जात हें।

मत्ती 19:22

यीसु के इआ बात काहीं सुनिके उआ मनई उदास होइके, उहाँ से चला ग, काहेकि उआ खुब धनी रहा हय। अउर इआ करँइ के ओखर इच्छा नहीं रही।

मत्ती 26:15

“अगर हम यीसु काहीं अपना पंचन के हाँथे माहीं पकड़बाय देई, त अपना पंचे हमहीं का देब?” अउर ऊँ पंचे तीसठे चाँदी के सिक्का तउलिके ओही दइ दिहिन।

मत्ती 6:19

अपने खातिर धरती माहीं धन-सम्पत्ती एकट्ठा न करा; काहेकि ओही किरबा अउर काई नस्ट कइ देत हें, अउर चोर घलाय सेंध कइके ओही चोराय लेत हें।

मरकुस 4:19

पय घर-परिबार के चिन्ता, अउर धन के लालच, अउर इहइमेर के खुब चीजन काहीं पामँइ के लालच माहीं फँसिके, परमातिमा के बचन काहीं बिसराय देत हें, अउर परमातिमा के आसीस नहीं पामँइ, अउर बिना फर के बिरबा कि नाईं होइ जात हें।

लूका 12:21

अइसन उआ मनइव हय, जउन अपने खातिर धन-सम्पत्ति जोरत हय, पय परमातिमा के नजर माहीं धनी नहिं आय।”

लूका 21:35

काहेकि परमातिमा के राजा बनिके आमँइ बाला दिन, सगले धरती माहीं रहँइ बालेन के ऊपर इहइमेर से अचानक अई।

खास चेलन 8:20

तब पतरस ओसे कहिन; “तोर पइसा तोरे साथय नास होय, काहेकि तँय परमातिमा के दान काहीं, पइसा से मोल लेंइ के बिचार किहे हई।

इफीसियन 4:22

कि तूँ पंचे पिछले चाल-चलन के पुरान सुभाव काहीं छोंड़ि द्या, नहीं त उआ भरमामँइ बाली बुरी इच्छन माहीं फँसाइके जीबन काहीं भ्रस्ट कइ देत हय।

1 तीमुथियुस 1:9

इआ जानिके कि परमातिमा के दीन मूसा के बिधान के नेम सही काम करँइ बालेन काहीं सुधारँय के खातिर नहीं, बलकिन अधरमिन, बिद्रोहिन, अउर जउन परमातिमा के अराधना नहीं करँय, पापिन, अउर जउन पबित्र जीबन नहीं जिअँइ, असुद्ध मनइन, अउर महतारी-बाप के कतल करँइ बाले, कतलिन,

1 तीमुथियुस 3:7

अउर मसीही मन्डली के अलाबव, गाँव समाज के मनइव ओखर मान-सम्मान करत होंय, अइसन न होय कि उआ निन्दित होइके, जइसा पंछी सिकारी के जाल माहीं फँसि जात हय, उहइमेर उहव सइतान के जाल माहीं फँसि जाय।

1 तीमुथियुस 6:10

काहेकि रुपिआ-पइसा के लालच सगली बुराई के जर आय, एही पामँइ के कोसिस करत-करत पता नहीं, केतने मनई यीसु मसीह के ऊपर बिसुआस करब छोंड़िके, खुद काहीं अनेकव प्रकार के दुखन से बरबाध कइ लिहिन हीं।

1 तीमुथियुस 6:17

इआ संसार माहीं जउन अपने काहीं धनी मानत हें, उनहीं इआ हुकुम द्या, कि ऊँ घमन्डी न होंय, अउर उआ धन से जउन हरबी चला जात हय; ओमाहीं बिसुआस न रक्खँय, बलकिन परमातिमा के ऊपर भरोसा रक्खँय, जउन हमरे पंचन के जीबन के सुख के खातिर, सब कुछ भरपूर देत हें।

2 तीमुथियुस 2:26

अउर एखे व्दारा सचेत होइके परमातिमा के इच्छा पूरी करँइ के खातिर, सइतान के चंगुल से अजाद होइ जाँय।

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

2 पतरस 2:3

अउर ऊँ पंचे लालच के कारन, अपने बनावटी बातन से तोंहसे पंचन से धन कमँइ हँय, उनखे इआ काम के सजा परमातिमा के द्वारा पहिलेन से निस्चित कीन जाय चुकी हय। अउर उनखर बिनास तइआर हय, अउर उनखर इन्तजार कइ रहा हय।

यहूदा 1:11

अउर इनहीं पंचन काहीं परमातिमा से खुब सजा मिली, काहेकि ईं पंचे कैन कि नाईं बुरी चाल-चलन काहीं अपनाइन हीं, अउर मजूरी के खातिर बिलाम नबी कि नाईं, बिना सोच बिचार किहे गलती कर बइठे हँय: एसे ईं पंचे घलाय नास होइ जइहँय, जइसन कोरह के साथ मिलिके प्रभू के बिरोध करँइ बाले नास कइ दीनगे रहे हँय।