1 तीमुथियुस 6:6 - Bagheli Bible

⁶ जेतना जेही मिला हय, उआ ओतनेन माहीं सन्तोस मानिके, परमातिमा के भक्ती करत हय, त उहय ओखर सबसे बड़ी कमाई आय।

1 तीमुथियुस 6:6 ပူးပေါင်းရင်းမြစ်များ

लूका 12:15

अउर यीसु अपने चेलन से कहिन, “तूँ पंचे सतरक रहा, अउर हरेक मेर के लोभ से अपने काहीं बचाइके रखा; काहेकि कोहू के जीबन ओखे खुब धन-सम्पत्ती के कारन नहीं बचय।”

लूका 3:14

अउर सिपाहिव यूहन्ना से पूँछिन, “हम पंचे का करी?” तब यूहन्ना उनसे कहिन, “जबरजस्ती कोहू से धन न लिहा, अउर न कउनव मनई के ऊपर झूँठ अरोप लगाया, बलकिन अपने तनखाह माहीं सन्तोस किहा।”

रोमियन 8:28

अउर हम पंचे इआ जानित हएन, कि जेतने मनई परमातिमा से प्रेम करत हें, अउर परमातिमा के मरजी के मुताबिक बोलाए गे हँय, त परमातिमा उनखे जीबन माहीं जउन कुछू करत हें, त उनखे भलाइन के खातिर करत हें।

2 कुरिन्थियन 4:17

काहेकि हमार पंचन के पल भर के छोट-छोट दुख, हमहीं पंचन काहीं हमेसा के खातिर अनन्त महिमा देबाबत हें।

फिलिप्पियन 1:21

काहेकि हमरे खातिर जिन्दा रहब मसीह हय, अउर मरिव जाँइ से फायदय हय।

1 तीमुथियुस 4:8

काहेकि कसरत कइके देंह काहीं मजबूत बनामँइ से खुब फायदा नहिं आय, पय परमातिमा के सत्य सिच्छा बताउब सगली बातन के खातिर फायदे मन्द ही, काहेकि इहव समय माहीं फायदा हय, अउर अनन्त जीबन देंइ के करार, एहिन खातिर कीन गे ही।

1 तीमुथियुस 6:8

पय अगर हमरे पंचन के लघे खाँय के खातिर खाना, अउर पहिनँय के खातिर ओन्हा हय, त एतनेन माहीं सन्तोस करँय चाही।

इब्रानियन 13:5

अउर तोंहार पंचन के सुभाव लालची न होंइ चाही, बलकिन जउन तोंहरे पंचन के लघे होय, ओहिन माहीं सन्तोस करा; काहेकि परमातिमा इआ खुदय कहिन हीं, कि “हम तोंहईं पंचन काहीं कबहूँ न छोंड़ब, हमेसा तोंहरे साथय माहीं रहब।”