1 तीमुथियुस 6:21 - Bagheli Bible

²¹ कुछ मनई गलती से इआ सिच्छा के बातन काहीं ग्यान कहत हें। अउर इनहीं अपनाइके परमातिमा के बिसुआस से भटकिगें हँय। हम प्राथना करित हएन, कि परमातिमा के किरपा तोंहरे ऊपर हमेसा होत रहय।

1 तीमुथियुस 6:21 ပူးပေါင်းရင်းမြစ်များ

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

रोमियन 16:20

अउर सान्ती देंइ बाले परमातिमा सइतान काहीं तोंहरे गोड़ेन से हरबिन कुचरबाय देइहँय। अउर हम प्राथना करित हएन, कि हमरे पंचन के प्रभू यीसु मसीह के किरपा, तोंहरे पंचन के ऊपर होत रहय।

रोमियन 16:23

भाई गयुस के तरफ से जउन हमार अउर मसीही मन्डली के सगले बिसुआसी भाई-बहिनिन के स्वागत-सत्कार करत हें, तोंहईं पंचन काहीं नबस्कार पहुँचय। अउर भाई इरास्तुस जउन सहर के भन्डारी हें, अउर भाई क्वारतुस के तोंहईं पंचन काहीं नबस्कार।

कुलुस्सियन 4:18

हम पवलुस अपने हाँथ से तोंहईं पंचन काहीं नबस्कार लिखित हएन, हम जेल माहीं हएन, एही तूँ पंचे सुध रख्या; हम प्राथना करित हएन, कि तोंहरे पंचन के ऊपर परमातिमा के किरपा होत रहय। आमीन!

1 तीमुथियुस 1:19

अउर हमेसा यीसु मसीह के ऊपर बिसुआस रक्खा, अउर आपन सोच-बिचार निकहा रक्खा, काहेकि इनहीं छोंड़े के कारन केतनेव के परमातिमा के ऊपर कीन बिसुआस नास होइगा हय, जइसन पानी माहीं बूड़िके जिहाज नास होइ जात हय।

1 तीमुथियुस 1:6

कुछ जने इन बातन काहीं छोंड़िके फालतू के बातन माहीं फँसिगें हँय।

1 तीमुथियुस 6:10

काहेकि रुपिआ-पइसा के लालच सगली बुराई के जर आय, एही पामँइ के कोसिस करत-करत पता नहीं, केतने मनई यीसु मसीह के ऊपर बिसुआस करब छोंड़िके, खुद काहीं अनेकव प्रकार के दुखन से बरबाध कइ लिहिन हीं।

2 तीमुथियुस 2:18

जउन इआ कहत हें, कि जउन बिसुआसी मरिगें तय, उनखर मर के जि उठब होइ चुका हय, ऊँ सत्य से भटकिगें हँय, अउर कुछ मनइन के बिसुआस काहीं नास कइ देत हें।

2 तीमुथियुस 4:22

हम प्राथना करित हएन, कि प्रभू तोंहरे साथ रहँय, अउर तोंहरे पंचन के ऊपर प्रभू के किरपा होत रहय। आमीन!

तीतुस 3:15

हमरे साथ माहीं रहँइ बाले सगले बिसुआसी भाई, तोंहईं नबस्कार बोलिन हीं। अउर जउन उहाँ के बिसुआसी भाई हमसे प्रेम रक्खत हें, उनहीं हमार नबस्कार। हम प्राथना करित हएन, कि तोंहरे पंचन के ऊपर परमातिमा के दया होत रहय। आमीन।

इब्रानियन 13:25

अउर तोंहरे ऊपर परमातिमा के किरपा हमेसा बनी रहय। आमीन।