1 तीमुथियुस 6:20 - Bagheli Bible

²⁰ हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

1 तीमुथियुस 6:20 ပူးပေါင်းရင်းမြစ်များ

खास चेलन 16:1

ओखे बाद पवलुस दिरबे अउर लुस्त्रा सहरन माहीं घलाय गें, अउर उहाँ तीमुथियुस नाम के एकठे चेला रहे हँय, जिनखर महतारी यहूदी जाति के बिसुआसी रही हँय, पय उनखर बाप यूनानी जाति के रहे हँय।

खास चेलन 17:18

तब इपिकूरी अउर इसतोईकी पंडितन म से कुछ जने, पवलुस से “पबित्र सास्त्र के कुछ बचनन से पूँछ-ताँछ करँइ लागें”, अउर कुछ मनई कहँइ लागें, कि “इआ बकबास करँइ बाला मनई का कहँइ चाहत हय?” पय अउर दूसर मनई कहँइ लागें, “ऊँ दुसरे देउतन के प्रचार करँइ बाले लागत हें”, काहेकि ऊँ यीसु के अउर उनखे मरेन म से जि उठँय के खुसी के खबर के प्रचार करत रहे हँय।

खास चेलन 17:21

(एसे कि सगले एथेंस सहर के अउर परदेसी जउन उहाँ रहत रहे हँय, नई-नई बात कहँय अउर सुनँय के अलाबा, अउर कउनव काम माहीं समय नहीं बिताबत रहे आँय।)

रोमियन 1:22

ऊँ पंचे अपने-आप काहीं बड़ा बुद्धिमान समझत हें, पय मूरुख बनिगें।

रोमियन 3:2

अगर देखा जाय त यहूदी होंइ के फायदा त हय, काहेकि सबसे पहिले त इआ हय, कि उनहीं पंचन काहीं परमातिमा के बचन सँउपा ग।

1 कुरिन्थियन 2:6

त जे कोऊ समझदार हें, उनहिन काहीं हम पंचे बुद्धी के बातँय सिखाइत हएन, अउर इआ बुद्धी इआ संसार के मनइन के बुद्धी न होय, अउर न त इआ संसार के नास होंइ बाले अधिकारिन के ग्यान आय।

1 कुरिन्थियन 3:19

काहेकि इआ संसार के ग्यान परमातिमा के नजर माहीं मूर्खता हय, जइसन कि पबित्र सास्त्र माहीं इआ लिखा हय, कि “परमातिमा ग्यानी मनइन काहीं उनहिन के हुसिआरी माहीं फँसाय देत हें।”

कुलुस्सियन 2:18

अउर अइसा मनई, जउन अपने-आप काहीं कस्ट दइके स्वरगदूतन के पूजा-पाठ माहीं लगा रहत हय, अइसन मनई से सचेत रहा, कहँव उआ तोंहईं पंचन काहीं बिसुआस से भटकाइके, मिलँइ बाले इनाम से बंचित न कइ देय, अइसन मनई दिब्य दरसन माहीं देखी बातन माहीं लगा रहत हय, अउर अपने झूँठ ग्यान के बेकार घमन्ड करत हय।

कुलुस्सियन 2:8

अउर सचेत रहा, कि कोऊ तोंहईं संसार के लबरी ग्यान से धोखा दइके, बिसुआस से भटकाय न देय, काहेकि इआ मनइन के पुरान परम्परन के बिचारन, अउर पुरान समय से चली आय रही संसारिक सिच्छन के लबरी ग्यान आय, एखर मसीह के बचन से कउनव लेन-देन नहिं आय।

2 थिस्सलुनीकियन 1:4

इहाँ तक, कि हम पंचे खुदय परमातिमा के मसीही मन्डली माहीं तोंहरे बारे माहीं घमन्ड करित हएन, कि जेतने उपद्रव अउर दुख-मुसीबत तूँ पंचे सहते हया, उन सगलेन माहीं तोंहार धीरज अउर बिसुआस प्रगट होत हय।

2 थिस्सलुनीकियन 2:15

एसे हे भाई-बहिनिव, बिसुआस माहीं अटल रहा; अउर जउन-जउन बातन काहीं, तूँ पंचे चाह बचन से, इआ कि चिट्ठी के व्दारा हमसे पंचन से सिखे हया, उनहीं थाम्हें रहा।

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।

1 तीमुथियुस 1:2

काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।

1 तीमुथियुस 1:4

अउर तूँ उहाँ के बिसुआसिअन काहीं समझाबा, कि ऊँ अइसन किस्सा-कहानिन से अउर अनन्त बंसाबलियन से दूरी रहँय, जउने से लड़ाई-झगड़ा होत हें, काहेकि जउन मुक्ती पामँइ के प्रबन्ध परमातिमा किहिन हीं, उआ केबल प्रभू यीसु मसीह के ऊपर बिसुआस करे से मिलत ही, उनसे इनखर कउनव लेन-देन नहिं आय। उहय बात काहीं पुनि कहित हएन।

1 तीमुथियुस 1:6

कुछ जने इन बातन काहीं छोंड़िके फालतू के बातन माहीं फँसिगें हँय।

1 तीमुथियुस 1:9

इआ जानिके कि परमातिमा के दीन मूसा के बिधान के नेम सही काम करँइ बालेन काहीं सुधारँय के खातिर नहीं, बलकिन अधरमिन, बिद्रोहिन, अउर जउन परमातिमा के अराधना नहीं करँय, पापिन, अउर जउन पबित्र जीबन नहीं जिअँइ, असुद्ध मनइन, अउर महतारी-बाप के कतल करँइ बाले, कतलिन,

1 तीमुथियुस 4:7

पय तूँ बुढ़ान मनइन के व्दारा सुनाई जाँय बाली उन मनगढ़ंत किस्सा-कहानिन से दूरी रहा, जिनखर परमातिमा के बचन से कउनव लेन-देन नहिं आय, अउर परमातिमा के सत्य सिच्छा मनइन काहीं सिखामँइ माहीं लगे रहा।

1 तीमुथियुस 6:11

पय हे परमातिमा के भक्त, तीमुथियुस, तूँ त ईं बातन से दूरिन रहा; अउर धारमिक बनँइ के पूर कोसिस करा, अउर हमेसा परमातिमा के भक्ती करा, अउर यीसु मसीह के ऊपर बिसुआस रक्खा, अउर सगलेन से प्रेम करा, अउर धीरज रक्खा, अउर नम्र बने रहा।

1 तीमुथियुस 6:14

कि तूँ प्रभू यीसु मसीह के दुसराय आमँइ तक, सगले हुकुमन काहीं बिना गलती किहे, निकहा से मानत रह्या।

2 तीमुथियुस 2:1

एसे हे बेटा तीमुथियुस, मसीह यीसु से जउन किरपा तोहईं मिली हय, ओसे तूँ आत्मिक जीबन माहीं मजबूत होइजा,

2 तीमुथियुस 2:16

जउन मनई परमातिमा के बिरोध माहीं बात कहत हें, उनसे तूँ बचे रहा, काहेकि इआमेर के मनई, अउरव अभक्ती माहीं बढ़त जइहँय।

तीतुस 1:14

अउर यहूदी लोगन के मनगढ़ंत कथा-कहानिन, अउर ऊँ मनइन के हुकुमन माहीं मन न लगाया, जउन परमातिमा के सत्य बचन से भटक जात हें।

तीतुस 1:4

इआ चिट्ठी तीतुस तोंहईं मिलय, काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीतुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमहीं पंचन काहीं मुक्ती देंइ बाले मसीह यीसु के तरफ से, तोहईं किरपा अउर सान्ति मिलत रहय।

तीतुस 1:9

अउर जउन बिसुआस के काबिल परमातिमा के बचन हय, जउने काहीं हम तोंहईं सिखायन हय, ओहिन के मुताबिक ऊँ बिसुआस माहीं अटल रहँय, जउने ऊँ लोगन काहीं खरी सिच्छा से उपदेस दइ सकँय, अउर जउन लोग खरी सिच्छा के उपदेस के बिरोध करत हें, उनहीं गलत साबित कइके उनखर मुँह बंद कइ सकँय।

तीतुस 3:9

पय मूर्खता के जउने बातन से बिबाद होत हें, अउर बंसाबलिअन के बिबाद से, अउर मूसा के बिधान के बातन से सम्बन्धित बिबादन से बँचे रहा, काहेकि ईं सगली बातन से कउनव फायदा नहीं होय, बलकिन नुकसानय होत हय।

दरसनन के बातँय 3:3

एसे सुधि करा, कि तूँ कइसन सिच्छा पाया तय, अउर सुने रहे हया, ओहिन माहीं बने रहा, अउर पस्चाताप करा, अगर तूँ जागत न रइहा, त हम चोर कि नाईं आय जाब, अउर तूँ बेलकुल न जाने पइहा, कि हम कउने घरी, तोंहरे ऊपर आय परब।