1 तीमुथियुस 6:18 - Bagheli Bible

¹⁸ अउर ऊँ भलाई करँइ अउर भलाई के कामन काहीं करँइ माहीं धनी बनय, अउर ओदार, अउर अपने धन से दुसरेन के मदत करँइ के खातिर हमेसा तइआर रहँय।

1 तीमुथियुस 6:18 ပူးပေါင်းရင်းမြစ်များ

मत्ती 5:42

अउर अगर कोऊ तोंहसे कुछू माँगय, त ओही द्या, अगर कोऊ तोंहसे उधार लेंइ चाहय, त ओही नाहीं न किहा।”

लूका 12:21

अइसन उआ मनइव हय, जउन अपने खातिर धन-सम्पत्ति जोरत हय, पय परमातिमा के नजर माहीं धनी नहिं आय।”

लूका 3:11

यूहन्ना उनहीं जबाब दिहिन, “जेखे लघे दुइठे कुरथा होंय, त उआ जेखे लघे एक्कवठे कुरथा नहिं आय ओही दइ देय, अउर जेखे लघे खाँइ बाली चीज होंय, उहव अइसय करय।”

खास चेलन 10:38

अउर परमातिमा कउनमेर से नासरत सहर माहीं, रहँइ बाले यीसु काहीं पबित्र आत्मा अउर सामर्थ से अभिसेक किहिन तय, अउर ऊँ भलाई के काम करत, अउर सगलेन काहीं जउन सइतान के सताए रहे हँय, उनहीं नीक करत चारिव कइती घूमत फिरत रहिगें; काहेकि परमातिमा उनखे साथ रहे हँय।

खास चेलन 11:29

तब चेला लोग इआ निरनय किहिन कि, हरेक जने अपने छमता के मुताबिक, यहूदिया प्रदेस माहीं रहँइ बाले बिसुआसी भाई-बहिनिन के सेबा के खातिर कुछ धन पठमँइ।

खास चेलन 9:36

अउर याफा सहर माहीं एकठे तबीता नाम के बिसुआसिन रहत रही हय, जउन दोरकास नाम से घलाय जानी जात रही हय, उआ खुब निकहे-निकहे काम करत रही हय, अउर गरीबन काहीं दान देत रही हय।

रोमियन 12:13

अउर परमातिमा के पबित्र मनइन काहीं जउन जरूरत होय, त उनखर मदत करा; अउर महिमानन के स्वागत-सतकार करँइ माहीं लगे रहा।

रोमियन 12:8

अउर जेही उत्साहित करँइ के बरदान मिला होय, त उआ उत्साहित करँइ माहीं लगा रहय; अउर जेही दान देंइ के बरदान मिला होय, त उआ उदारता से दान देंइ माहीं लगा रहय, अउर जेही अँगुआई करँइ के बरदान मिला होय, त उआ लगन के साथ अँगुआई करय, अउर जेही दया करँइ के बरदान मिला होय, त उआ बड़े खुसी के साथ दया करय।

1 कुरिन्थियन 16:2

अउर हप्ता के पहिल दिन, तोंहरे पंचन म से हरेक जन अपने-अपने कमाई के मुताबिक, अपने लघे कुछ पइसा बचाइके रक्खा करय, कि जउने जब हम तोंहरे लघे अई, तब दान एकट्ठा न करँइ परय।

2 कुरिन्थियन 8:12

काहेकि अगर कउनव मनई जउन ओखे लघे होय, ओमा से पूरे मन से दान देत हय, त उआ दान काहीं परमातिमा सोइकार करत हें, इआ नहीं कि जउन ओखे लघे नहिं होय।

2 कुरिन्थियन 8:9

अउर तूँ पंचे हमरे पंचन के प्रभू यीसु मसीह के किरपा काहीं जनतेन हया, कि ऊँ केतना धनी रहे हँय, तऊ ऊँ तोंहरे पंचन के खातिर एसे कंगाल बनिगें, कि जउने तूँ पंचे उनखे कंगाल होंइ से धनी बन जा।

गलातियन 6:10

एसे जहाँ तक होइ सकय, हमहीं पंचन काहीं सगले मनइन के साथ भलाई करँइ चाही; खास करके बिसुआसी भाई-बहिनिन के साथ।

इफीसियन 4:28

अउर जे कोऊ चोरी करत आय रहा हय, उआ पुनि चोरी न करय; बलकिन अपने हाँथन से मेहनत मजूरी कइके, निकहे-निकहे काम करय; एसे कि तोंहरे पंचन म से जेही कुछू जरूरत होय, त ओही देंइ के खातिर ओखे लघे कुछू रहय।

1 तीमुथियुस 5:10

अउर भलाई के कामन काहीं करँइ माहीं ओखर नाम आँगे रहा होय, अपने लड़िकन-बच्चन काहीं निकहा से पालिस-पोसिस होय; अउर महिमानन के सेबा किहिस होय, अउर उआ बिसुआसिअन के गोड़ धोइस होय, अउर दीन-दुखिअन के मदत किहिस होय, अउर भलाई के कामन काहीं मन लगाइके किहिस होय।

तीतुस 2:14

यीसु मसीह अपने इच्छा से हमरे पँचन खातिर मउत काहीं अपनाइन हीं, कि जउने हमहीं पँचन काहीं हरेकमेर के अधरम से छोड़ाय लेंय, अउर सुद्ध कइके अपने खातिर अइसन प्रजा बनाय लेंय, जउन निकहे-निकहे कामन काहीं करँइ के खातिर हरेक समय तइआर रहँय।

तीतुस 3:8

अउर ईं सगली बात सही हईं, अउर सगले मनइन के खातिर लाभदायक हईं, एसे हम चाहित हएन, कि तूँ ईं सगली बातन के बारे माहीं जोर दइके लोगन काहीं बताबा, एसे कि जउन लोग परमातिमा के ऊपर बिसुआस करत हें, ऊँ भले-भले कामन काहीं करँइ माहीं ध्यान देंय।

इब्रानियन 13:16

अउर तूँ पंचे भलाई करब, अउर दान देब न बिसराया; काहेकि परमातिमा इहइमेर के बलिदानन से खुसी होत हें।

याकूब 2:5

हे हमार पियार भाई-बहिनिव, सुना; काहे परमातिमा इआ संसार के कंगालन काहीं नहीं चुनिन, कि बिसुआस माहीं धरमी, अउर उआ राज के अधिकारी होंय, जउने के वादा परमातिमा उनसे किहिन हीं, जउन उनसे प्रेम रक्खत हें?

1 पतरस 3:11

अउर उआ बुराई के साथ छोंड़िके, भलाई करय; अउर उआ मेल-मिलाप करँइ के कोसिस माहीं लगा रहय।”

1 यूहन्ना 3:17

पय जेखे लघे संसार के सम्पत होय, अउर अपने भाई-बहिनी काहीं कंगाल देखिके, ओखे ऊपर तरस खाइके ओखर मदत न करय, त ओखे जीबन म परमातिमा के प्रेम हय, इआ कइसा कहा जाय सकत हय?

3 यूहन्ना 1:11

हे पियार साथी, बुराई काहीं नहीं, बलकिन भलाई काहीं अपनामँइ बाले बना, जे कोऊ भलाई करत हय, उआ परमातिमा कइत से हय; पय जे कोऊ बुराई करत हय, उआ परमातिमा काहीं नहीं देखिस आय।