1 तीमुथियुस 6:17 - Bagheli Bible

¹⁷ इआ संसार माहीं जउन अपने काहीं धनी मानत हें, उनहीं इआ हुकुम द्या, कि ऊँ घमन्डी न होंय, अउर उआ धन से जउन हरबी चला जात हय; ओमाहीं बिसुआस न रक्खँय, बलकिन परमातिमा के ऊपर भरोसा रक्खँय, जउन हमरे पंचन के जीबन के सुख के खातिर, सब कुछ भरपूर देत हें।

1 तीमुथियुस 6:17 ပူးပေါင်းရင်းမြစ်များ

मत्ती 12:32

अउर जे कोऊ मनई के लड़िका के बिरोध माहीं कउनव बात कही, ओखर इआ अपराध माफ कइ दीन जई, पय जे कोऊ पबित्र आत्मा के बिरोध माहीं कुछू कही, त ओखर इआ अपराध न त इआ संसार माही माफ कीन जई, अउर न त स्वरग माहीं माफ कीन जई।”

मत्ती 19:23

तब यीसु अपने चेलन से कहिन, कि “हम तोंहसे सही कहित हएन, कि धनी मनई के परमातिमा के राज म प्रबेस करब कठिन हय।”

मत्ती 25:16

अउर तब जेही पइसन से भरी पाँचठे थइली मिली रही हँय, त उआ हरबिन जाइके उनसे बइपार किहिस, अउर पाँच थइली पइसा अउर कमान।

मत्ती 27:57

जब साँझ भय, त अरमतिया गाँव के यूसुफ नाम के एकठे धनी मनई आएँ, जउन खुद यीसु के चेला रहे हँय।

मत्ती 6:32

काहेकि अबिसुआसी लोग ईं सगली चीजन काहीं ढूँढ़ँइ माहीं लगे रहत हें, पय स्वरग माहीं रहँइ बाले तोंहार पिता परमातिमा इआ जानत हें, कि तोंहईं पंचन काहीं ईं सगली चीजन के जरूरत ही।

मरकुस 10:24

चेला लोग यीसु के बात काहीं सुनिके चउआइगें। इआ देखिके यीसु पुनि चेलन से कहिन, “हे लड़िकव, जउन मनई धन के ऊपर भरोसा रक्खत हें, उनखर परमातिमा के राज म प्रबेस करब केतना कठिन हय!

लूका 19:2

उहाँ जक्कई नाम के एकठे मनई रहा हय, जउन धनी अउर चुंगी लेंइ बालेन के मालिक रहा हय।

लूका 3:11

यूहन्ना उनहीं जबाब दिहिन, “जेखे लघे दुइठे कुरथा होंय, त उआ जेखे लघे एक्कवठे कुरथा नहिं आय ओही दइ देय, अउर जेखे लघे खाँइ बाली चीज होंय, उहव अइसय करय।”

खास चेलन 14:17

तऊ ऊँ अपने-आप काहीं बिना गबाह नहीं छोंड़िन, काहेकि ऊँ तोंहरे साथ भलाई करत रहिगें, उँइन अकास से पानी बरसाबत हें, अउर रित के मुताबिक फसल देत हें, उँइन तोंहईं खाँइ काहीं देत हें, अउर तोंहरे पंचन के मन काहीं आनन्द से भर देत हें।”

खास चेलन 14:27

उहाँ पहुँचिके ऊँ पंचे मसीही मन्डली के मनइन काहीं एकट्ठा किहिन, अउर बताइन, कि परमातिमा हमरे साथ होइके कइसन बड़े-बड़े काम किहिन हीं, अउर गैरयहूदी लोगन के खातिर बिसुआस करँइ के दुअरा खोल दिहिन हीं।

खास चेलन 17:25

उनहीं कउनव चीज के कमी नहिं आय, एसे ऊँ मनइन के हाँथ से सेबा नहीं करामँय, काहेकि ऊँ त खुदय सब काहीं जीबन अउर साँस अउर सब कुछ देत हें।

रोमियन 11:20

इआ बात सही आय, कि ऊँ पंचे मसीह के ऊपर बिसुआस नहीं किहिन, एसे उआ बिरबा से टोरिके फेंक दीनगें, पय तूँ पंचे मसीह के ऊपर बिसुआस किहे के कारन उआ बिरबा माहीं जुड़े हया एसे घमन्ड न किहा, बलकिन परमातिमा के भय मानत रहा।

इफीसियन 5:5

काहेकि तूँ पंचे खुदय इआ जनते हया, कि ब्यभिचार करँइ बाला, इआ कि असुद्ध मनई, इआ कि लालच करँइ बाला मनई, (काहेकि लालच करब मूरत के पूजा करँइ के बराबर हय) इआ मेर के मनई मसीह अउर परमातिमा के राज के कबहूँ बारिसदार न बनिहँय।

कुलुस्सियन 3:16

अउर मसीह के बचन काहीं जादा से जादा अपने हिरदँय माहीं बसाबा, जउने परमातिमा के ग्यान से भरपूर होइके एक दुसरे काहीं सिखाबा, अउर गलती करँइ त चेताबा, अउर परमातिमा के इआ किरपा के कारन उनखे खातिर अपने-अपने मनन माहीं भजन, स्तुति के गाना, अउर आत्मिक गाना गाबत रहा।

1 थिस्सलुनीकियन 1:9

काहेकि ऊँ पंचे खुदय हमरे बारे माहीं बताबत हें, कि तोंहरे लघे हमार पंचन के आउब कउनमेर भ रहा हय; अउर तूँ पंचे कइसन मूरतिन काहीं पूजब छोंड़िके, परमातिमा के बचन काहीं मानँइ लागे हया। अउर तूँ पंचे जिअत अउर सच्चे परमातिमा के सेबक बन गया।

1 तीमुथियुस 1:3

हे तीमुथियुस, जइसन हम तोहईं मकिदुनिया प्रदेस काहीं जाँइ के समय समझायन रहा हय, कि तूँ इफिसुस सहर माहीं रहिके, उन लोगन काहीं जउन गलत सिच्छा देत हें, हुकुम द्या, कि ऊँ दुसरे बिसुआसिअन काहीं गलत सिच्छा न देंय।

1 तीमुथियुस 3:15

कि अगर हमरे आमँइ माहीं समय लग जाय, त तूँ जान लिहा, कि परमातिमा के घराना माहीं, जउन जिन्दा परमातिमा के मसीही मन्डली आय, अउर मसीही मन्डलिन, सत्य के नेव अउर खम्भा आय, ओमाहीं मनइन के आचरन कइसन होंइ चाही, इआ जानिल्या।

1 तीमुथियुस 4:10

काहेकि हम पंचे मेहनत अउर उपाय एहिन खातिर करित हएन, कि हमार पंचन के अनन्त जीबन पामँइ के आसा जिन्दा परमातिमा के ऊपर ही; जउन सगले मनइन काहीं, खास करके बिसुआसिअन काहीं मुक्ती देंइ बाले आहीं।

1 तीमुथियुस 5:21

परमातिमा, अउर मसीह यीसु अउर जउने स्वरगदूतन काहीं परमातिमा चुनिन हीं, उनहीं गबाह मानिके, हम तोहईं चेतउनी देइत हएन, कि तूँ पूरे मन से ईं लिखी बातन काहीं माना किहा, अउर कउनव काम पच्छपात के साथ न किहा।

1 तीमुथियुस 6:13

हम तोहईं परमातिमा के जउन सगलेन काहीं जिन्दा रक्खत हें, अउर मसीह यीसु जउन पुन्तियुस पिलातुस के आँगे अपने बारे माहीं निकही गबाही दिहिन तय, उनहीं गबाह मानिके, इआ हुकुम देइत हएन,

1 तीमुथियुस 6:9

पय जउन धनमान बनँइ चाहत हें, ऊँ अइसन परिच्छा, अउर जाल माहीं, अउर अनेकव फालतू, अउर खुद काहीं नुकसान पहुँचामँइ बाली इच्छन माहीं फँसि जात हें, जउन मनइन काहीं बिगाड़िके बिनास के खाईं माहीं गिराय देती हईं।

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

तीतुस 3:6

अउर परमातिमा हमहीं पंचन काहीं पाप करँइ से मुक्ती देंइ बाले, यीसु मसीह के व्दारा, हमहीं पंचन काहीं पबित्र आत्मा बहुतायत से दिहिन हीं।

2 पतरस 1:11

बलकिन इआमेर से तोंहार पंचन के, हमरे पंचन के प्रभू अउर मुक्ती देंइ बाले यीसु मसीह के अनन्त राज माहीं, बड़े आदर के साथ स्वागत कीन जई।