1 तीमुथियुस 6:15 - Bagheli Bible

¹⁵ परमातिमा, प्रभू यीसु मसीह काहीं सही समय माहीं प्रगट करिहँय, जउन परम धन्य अउर एकलउते अधिपति, राजन के राजा अउर प्रभुअन के प्रभू आहीं,

1 तीमुथियुस 6:15 ပူးပေါင်းရင်းမြစ်များ

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

1 तीमुथियुस 1:11

इआ सिच्छा परम धन्य परमातिमा के महिमा के उआ खुसी के खबर के मुताबिक ही, जउने के प्रचार करँइ के जिम्मेबारी हमहीं सँउपी गे ही।

1 तीमुथियुस 1:17

अब हमेसा राज करँइ बाले राजा, अरथात अबिनासी, जिनहीं कोऊ कबहूँ नहीं देखिस, एकलउते परमातिमा के आदर अउर बड़ाई जुग-जुग होत रहय। आमीन।

1 तीमुथियुस 2:6

जउन खुद काहीं सगले मनइन काहीं मुक्ती देंइ के खातिर, क्रूस माहीं बलिदान कइके कीमत चुकाइन हीं; इआ काम परमातिमा के ठहराए सही समय माहीं प्रभू यीसु मसीह पूर कइके गबाही दिहिन हीं।

दरसनन के बातँय 17:14

अउर ऊँ पंचे मेम्ना से लड़िहँय, अउर मेम्ना उनखे ऊपर बिजय पइहँय, काहेकि ऊँ प्रभुअन के प्रभू, अउर राजन के राजा आहीं, अउर जउन बोलाए अउर चुने अउर बिसुआसी हें, ऊँ पंचे उनखे साथ रइहँय; अउर ऊँ पंचे घलाय बिजय पइहँय।”

दरसनन के बातँय 19:16

उनखे ओन्हा अउर जाँघ के ऊपर, इआ नाम लिखा हय, “राजन के राजा अउर प्रभुअन के प्रभू।”