1 तीमुथियुस 6:10 - Bagheli Bible

¹⁰ काहेकि रुपिआ-पइसा के लालच सगली बुराई के जर आय, एही पामँइ के कोसिस करत-करत पता नहीं, केतने मनई यीसु मसीह के ऊपर बिसुआस करब छोंड़िके, खुद काहीं अनेकव प्रकार के दुखन से बरबाध कइ लिहिन हीं।

1 तीमुथियुस 6:10 ပူးပေါင်းရင်းမြစ်များ

मत्ती 13:22

अउर जउन जरबइलन माहीं बोए बीज कि नाईं हें, ऊँ ईं आहीं, जउन परमातिमा के बचन काहीं सुनिन, पय संसारिक चिन्ता, अउर धन के लालच माहीं फँसिके, परमातिमा के बचन काहीं दबाय देत हें, अउर ऊँ पंचे बिना फर के बिरबा कि नाईं होइ जात हें।

मत्ती 23:13

यीसु उनसे कहिन, कि “हे ढोंगिव, मूसा के बिधान सिखामँइ बाल्या, अउर फरीसी लोगव, तोहईं पंचन काहीं परमातिमा से खुब सजा मिली। काहेकि तूँ पंचे मनइन काहीं गलत सिच्छा दइके, परमातिमा के राज माहीं आमँइ से रोंकते हया। तूँ पंचे न त खुदय परमातिमा के राज माहीं जाँइ चहते आह्या, अउर न उनहूँ काहीं जाँइ देते आह्या, जे कोऊ उनखे राज माहीं जाँइ चाहत हें।

मत्ती 6:19

अपने खातिर धरती माहीं धन-सम्पत्ती एकट्ठा न करा; काहेकि ओही किरबा अउर काई नस्ट कइ देत हें, अउर चोर घलाय सेंध कइके ओही चोराय लेत हें।

मरकुस 4:19

पय घर-परिबार के चिन्ता, अउर धन के लालच, अउर इहइमेर के खुब चीजन काहीं पामँइ के लालच माहीं फँसिके, परमातिमा के बचन काहीं बिसराय देत हें, अउर परमातिमा के आसीस नहीं पामँइ, अउर बिना फर के बिरबा कि नाईं होइ जात हें।

कुलुस्सियन 3:5

एसे तोंहरे पंचन माहीं जउन संसारिक बातँय हईं, उनहीं छोंड़ि द्या, अरथात ब्यभिचार, असुद्धता, कामवासना, बुरी इच्छा, अउर लोभ जउन मूरत पूजँय के बराबर हय।

1 तीमुथियुस 3:3

उआ पिआगी अउर मार पीट करँइ बाला न होय; अउर उआ सरल सुभाव के होय, लड़ाई-झगड़ा करँइ बाला न होय, अउर न धन-सम्पत्ती के लालचिन होय।

1 तीमुथियुस 6:21

कुछ मनई गलती से इआ सिच्छा के बातन काहीं ग्यान कहत हें। अउर इनहीं अपनाइके परमातिमा के बिसुआस से भटकिगें हँय। हम प्राथना करित हएन, कि परमातिमा के किरपा तोंहरे ऊपर हमेसा होत रहय।

1 तीमुथियुस 6:9

पय जउन धनमान बनँइ चाहत हें, ऊँ अइसन परिच्छा, अउर जाल माहीं, अउर अनेकव फालतू, अउर खुद काहीं नुकसान पहुँचामँइ बाली इच्छन माहीं फँसि जात हें, जउन मनइन काहीं बिगाड़िके बिनास के खाईं माहीं गिराय देती हईं।

2 तीमुथियुस 3:2

काहेकि मनई स्वार्थी, जादा धन कमाय के लालची, खुद के कामन के बड़ाई करँइ बाले, खुद काहीं दुसरे से बड़ा मानँइ बाले, दुसरे के बुराई करँइ बाले, महतारी-बाप के कहा-बतान न मानँइ बाले, जउन उनखर मदत करी, ओखर उपकार न मानँइ बाले, बुरे काम कइके परमातिमा के ऊपर बिसुआस न करँइ बाले,

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

तीतुस 1:11

इआमेर के मनइन काहीं गलत साबित कइके उनखर मुँह बंद करँइ चाही, काहेकि ईं लोग जादा पइसा कमाँय के खातिर, लोगन काहीं गलत सिच्छा दइके, पूरे घर के लोगन काहीं बिगाड़ देत हें।

याकूब 5:19

हे हमार भाई-बहिनिव, अगर तोंहरे पंचन म से कोऊ सत्य के गइल से भटक जाय, अउर कोऊ ओही लउटाय लाबय।

यहूदा 1:11

अउर इनहीं पंचन काहीं परमातिमा से खुब सजा मिली, काहेकि ईं पंचे कैन कि नाईं बुरी चाल-चलन काहीं अपनाइन हीं, अउर मजूरी के खातिर बिलाम नबी कि नाईं, बिना सोच बिचार किहे गलती कर बइठे हँय: एसे ईं पंचे घलाय नास होइ जइहँय, जइसन कोरह के साथ मिलिके प्रभू के बिरोध करँइ बाले नास कइ दीनगे रहे हँय।

दरसनन के बातँय 18:13

अउर दालचीनी, मसाला, धूप, अँतर, लोभान, मदिरा, जयतून के तेल, मइदा, गोहूँ, गइआ-बरधा, गाड़र-बोकरी, घोड़, रथ, अउर दास, अउर मनइन के प्रान।