1 तीमुथियुस 6:1 - Bagheli Bible

¹ जेतने सेबक अपने मालिकन के अधीनता माहीं हें, जइसन जुँआ के नीचे बरधा रहत हें, ऊँ अपने-अपने मालिकन के खुब मान-सम्मान करँय। जउने परमातिमा के नाम, अउर जउन बचन हम पंचे सिखाइत हएन, उनखर हँसी न होय।

1 तीमुथियुस 6:1 ပူးပေါင်းရင်းမြစ်များ

मत्ती 11:30

काहेकि उआ जुँआ जउन हम तोंहईं पंचन काहीं दइ रहेन हय, खुब सरल हय। अउर उआ बोझ जउन हम तोंहरे ऊपर डार रहेन हय, हलुक हय।”

मत्ती 11:9

त पुनि काहे गया तय? का कउनव परमातिमा के सँदेस बतामँइ बाले काहीं देखँय? हाँ, हम तोंहसे कहित हएन, बलकिन परमातिमा के सँदेस बतामँइ बाले से बड़े काहीं।

लूका 17:1

यीसु अपने चेलन से कहिन, मनइन काहीं पाप म गिरामँइ बाली चीज त रहतिन हईं, पय जउन मनई दुसरे मनइन काहीं पाप माहीं गिराबत हें, त उनहीं परमातिमा से खुब सजा मिली।

खास चेलन 10:22

तब ऊँ पंचे कहिन, “कुरनेलियुस सुबेदार जउन धरमी मनई हें, अउर परमातिमा के भय मानँइ बाले, अउर यहूदी जाति माहीं उनखर खुब सम्मान हय, ऊँ स्वरगदूत से इआ हुकुम पाइन हीं, कि अपना काहीं अपने घर माहीं बोलाइके अपना से बचन सुनँय।”

खास चेलन 10:7

जब ऊँ स्वरगदूत उनसे बात कइके चलेंगे, तब ऊँ दुइठे सेबकन काहीं अउर जउन उनखे लघे हाजिर रहा करत रहे हँय, उनमा से एकठे भक्त सिपाही काहीं बोलाइन।

खास चेलन 15:10

त अब तूँ पंचे काहे परमातिमा के परिच्छा लेते हया, कि चेलन के मूँड़े माहीं अइसन बोझा लदते हया? जउने बोझा काहीं न हमार पंचन के बाप दादय उठाए पाइन तय, अउर न हमहिन पंचे उठाय सकित आहेन?

रोमियन 2:24

“काहेकि तोंहरे पंचन के कारन गैरयहूदी लोगन के बीच माहीं परमातिमा के नाम के बुराई होत ही?” जइसन पबित्र सास्त्र माहीं लिखा घलाय हय।

1 कुरिन्थियन 10:32

अउर तूँ पंचे न त यहूदी लोगन के खातिर, न त गैरयहूदी लोगन के खातिर, अउर न परमातिमा के मन्डली के बिसुआसी लोगन के खातिर, बिसुआस से भटकामँइ के कारन बना।

गलातियन 5:1

मसीह, हमहीं पंचन काहीं मूसा के बिधान के गुलामी से अजाद किहिन हीं, एसे एहिन माहीं स्थिर बने रहा, अउर पुनि मूसा के बिधान के गुलामी माहीं न फँसा।

1 तीमुथियुस 5:14

एसे हम पवलुस इआ चाहित हएन, कि जमान बिधबा काज-बिआह कइलेंय, अउर लड़िका-बच्चा पइदा करँय, अउर आपन घर-गिरिस्ती सम्हारँय, अउर मसीह बिरोधी मनइन काहीं बदनाम करँइ के मोका न देंय।

तीतुस 2:5

अउर नीक-नागा पहिचानँय, अउर पतिब्रता, एखे साथय-साथ घर-दुआर के जबाबदारी, अउर आपन करतब्य निकहा से निभामँइ बाली बनँय, अउर अपने मंसेरुअन के कहा-बतान मानँइ बाली बनँय, जउने परमातिमा के बचन के बुराई न होंइ पाबय।

1 पतरस 2:12

गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

1 पतरस 3:16

अउर तूँ पंचे अपने सोच-बिचार काहीं सुद्ध रख्या, एसे कि जउने बातन के बारे माहीं तोंहार बदनामी होत ही। ओखे बारे माहीं, जउन तोंहरे मसीही चाल-चलन के अपमान करत हें, ऊँ लज्जित होइ जाँय।