1 तीमुथियुस 5:8 - Bagheli Bible

⁸ पय अगर कोऊ अपने नात-रिस्तेदारन, अउर खासकर अपने घर-परिबार के मनइन के मदत नहीं करय, त उआ प्रभू के बिसुआस से भटकिगा हय, अउर उआ, जउन मनई प्रभू के ऊपर बिसुआस नहीं करँय उनहूँ से अधिक बुरा बनिगा हय।

1 तीमुथियुस 5:8 ပူးပေါင်းရင်းမြစ်များ

मत्ती 18:17

अउर अगर उआ उनहूँ पंचन के बात काहीं न मानय, त मसीही मन्डली से बताय द्या, पय अगर उआ मसीही मन्डली के बात काहीं घलाय न मानय, त तूँ ओही परमातिमा से न डेराँइ बाले, अउर चुंगी लेंइ बाले बुरे मनइन कि नाईं समझा।

मत्ती 7:11

एसे जब तूँ पंचे बुरे होइके, अपने लड़िकन काहीं नीक चीजँय देंइ जनते हया, त स्वरग माहीं रहँइ बाले तोंहार पिता परमातिमा, अपने मागँइ बालेन काहीं निकही चीजँय काहे न देइहँय?

यूहन्ना 15:22

अगर हम न अइत, अउर उनसे बातँय न करित, त ऊँ पंचे पापी न ठहरतें, पय अब अपने पाप के खातिर उनखे लघे कउनव बहाना नहिं आय।

1 कुरिन्थियन 6:6

अउर तोंहरे पंचन म से बिसुआसी भाई-बहिनी लोग आपस माहीं मुकदमा करत हें, अउर उहव अबिसुआसी मनइन के आँगे।

2 कुरिन्थियन 12:14

देखा, अब हम तिसराय तोंहरे पंचन के लघे आमँइ के खातिर तइआर हएन। पय हम तोंहरे ऊपर कउनव मेर से बोझ न बनब। काहेकि हमहीं तोंहरे धन-सम्पत के कउनव जरूरत नहिं आय, बलकिन तोंहार जरूरत ही। एसे कि लड़िका-बच्चा अपने महतारी-बाप के खातिर धन नहीं जोरय, बलकिन महतारी-बाप लड़िकन-बच्चन के खातिर धन जोरत हें।

2 कुरिन्थियन 6:15

इहइमेर मसीह के तालमेल का सइतान के साथ होइ सकत हय? इआ कि बिसुआसी मनई के तालमेल का अबिसुआसी मनई के साथ होइ सकत हय?

गलातियन 6:10

एसे जहाँ तक होइ सकय, हमहीं पंचन काहीं सगले मनइन के साथ भलाई करँइ चाही; खास करके बिसुआसी भाई-बहिनिन के साथ।

2 तीमुथियुस 2:12

अगर हम पंचे यीसु के खातिर दुख-मुसीबत सहत रहब, त यीसु मसीह के साथ राजव करब, अगर हम पंचे यीसु काहीं इनकार करब, त ऊँ हमहीं पंचन काहीं अपनामँइ से इनकार करिहँय।

2 तीमुथियुस 3:5

ऊँ पंचे अइसन ढोंग करिहँय, कि परमातिमा के सगलेन से बड़े भक्त उँइन आहीं, पय परमातिमा के सामर्थ काहीं न मनि हँय, अइसन मनइन से तूँ दूरिन रह्या।

तीतुस 1:16

अउर असुद्ध मनई कहत हें, कि हम पंचे परमातिमा काहीं जानित हएन, पय ऊँ पंचे परमातिमा के बचन के खिलाफ काम कइके, उआ बात काहीं इनकार करत हें; काहेकि ऊँ पंचे घिनहे काम करत हें, अउर परमातिमा के हुकुम काहीं नहीं मानँय, अउर ऊँ कउनव निकहे काम करँइ के काबिल नहीं होंय।

2 पतरस 2:1

जउन मेर से इजराइली लोगन के बीच माहीं, कुछ मनई रहे हँय, जउन कहत रहे हँय, कि हम पंचे परमातिमा के सँदेस बतामँइ बाले आहेन, पय बास्तव माहीं, ऊँ पंचे लबरी बोलँइ बाले रहे हँय। उहयमेर से तोंहरेव पंचन के बीच माहीं, लबरी सिच्छा देंइ बाले उपदेसक होइहँय, जउन नास करँइ बाली लबरी सिच्छा के सुरुआत, लुक छिपिके करिहँय, अउर ऊँ पंचे प्रभू काहीं अपनामँइ से इनकार करिहँय, जउन उनहीं मुक्ती दिहिन हीं। अउर खुद काहीं हरबिन बिनास होंइ के काबिल बनाय लेइहँय।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”

दरसनन के बातँय 2:13

हम इआ त जानित हएन, कि तूँ उहाँ रहते हया, जहाँ सइतान के सिंहासन हय; अउर तूँ हमरे नाम माहीं बने रहते हया; अउर हमरे ऊपर बिसुआस करँइ से, उन दिनन माहीं पीछे नहीं हट्या, जउने माहीं हमार बिसुआस के काबिल गबाह अन्तिपास, तोंहरे पंचन के बीच माहीं, उआ जघा माहीं मार डारा ग, जहाँ सइतान रहत हय।

दरसनन के बातँय 3:8

हम तोंहरे कामन काहीं जानित हएन; देखा, हम तोंहरे आँगे एकठे दुअरा खोलिके रखे हएन, जउने काहीं कोऊ बन्द नहीं कइ सकय; तोंहार सक्ती थोरिन काहीं त हय, तऊ तूँ हमरे बचन काहीं पालन किहे हया, अउर हमरे नाम काहीं इनकार नहीं किहे आह्या।