1 तीमुथियुस 5:6 - Bagheli Bible

⁶ पय जउन बिधबा भोग-बिलास के खातिर जिअत ही, उआ सारीरिक रूप से त जिअत ही, पय आत्मिक रूप से मरी हय।

1 तीमुथियुस 5:6 ပူးပေါင်းရင်းမြစ်များ

मत्ती 8:22

तब यीसु ओसे कहिन, “तूँ हमरे पीछे चले आबा, अउर जउन मनई आत्मिक रूप से मरे हँय, उनहीं मुरदन काहीं गाड़ँइ द्या।”

लूका 12:19

अउर अपने प्रान से कहब, हे प्रान तोरे लघे कइअक बरिस के खाँय के खातिर, खुब सम्पत्ति धरी हय; अराम कर, खा, पि, अउर सुख से रव्ह।’

लूका 15:13

कुछ दिना बाद छोटकबा लड़िका, आपन सगली धन-सम्पत्ती एकट्ठा किहिस अउर लइके खुब दूरी दुसरे देस माहीं चला ग, अउर उहाँ आपन सगली धन-सम्पत्ती कुकर्मन माहीं उड़ाय दिहिस।

लूका 15:24

काहेकि हमार इआ लड़िका पाप किहे के कारन मरे कि नाईं होइगा तय, पय गलती काहीं सोइकार कइ लेंइ के कारन जिन्दा कि नाईं होइगा हय: जउन हेराइगा रहा हय, अब उआ मिलिगा हय, अउर ऊँ सगले जने आनन्द मनामँइ लागें।

लूका 15:32

पय अब आनन्द मनामँइ चाही, काहेकि जउन तोंहार इआ भाई पाप किहे के कारन मरे कि नाईं होइगा तय, पय गलती काहीं सोइकार कइ लेंइ के कारन जिन्दा कि नाईं होइगा हय, जउन भटक ग रहा हय, अब उआ मिलिगा हय।”

लूका 16:19

पुनि यीसु कहिन, “एकठे धनी मनई रहा हय, जउन हमेसा कीमती अउर निकहे ओन्हा पहिरत रहा हय, अउर रोज सुख-बिलास अउर धूम-धाम के साथ रहत रहा हय।

लूका 7:25

पुनि तूँ पंचे का देखँइ गया तय? का कोमर ओन्हा पहिरे मनई काहीं? देखा, जउन कीमती ओन्हा पहिरे सुख-बिलास से रहत हें, ऊँ राजमहलन माहीं रहत हें।

इफीसियन 2:1

एक समय रहा हय, जब तूँ पंचे यीसु मसीह के ऊपर बिसुआस नहीं करत रहे आह्या, तब तूँ पंचे खुब पाप करत रहे हया, अउर मरे मनई कि नाईं रहे हया, पय अब परमातिमा तोंहईं पंचन काहीं जिआइन हीं।

इफीसियन 2:5

अउर जब हम पंचे अपने अपराधन के कारन मरे रहेन हँय, तब परमातिमा जइसन यीसु मसीह काहीं मरेन म से जिआइन, उहयमेर हमहूँ पंचन काहीं जिआइन हीं; (परमातिमा के किरपय से हमहीं पंचन काहीं मुक्ती मिली हय)

इफीसियन 5:14

एहिन से पबित्र सास्त्र माहीं इआ लिखा हय, “हे सोमँइ बाले अरथात पाप माहीं जीबन बितामँइ बाले मनई, मुरदन म से जि उठ, अरथात अपने बुरे कामन काहीं छोंड़िके सत्य काहीं अपनाव; तबहिन मसीह के उँजिआर तोरे ऊपर चमकी।”

कुलुस्सियन 2:13

अउर तूँ पंचे अपने पापन के कारन अउर बिना खतना के देंह के कारन आत्मिक रूप से मरे रहे हया, पय परमातिमा तोंहईं पंचन काहीं मसीह के साथय-साथ अनन्त जीबन दिहिन हीं, अउर हमरे पंचन के सगले पापन काहीं हमेसा के खातिर माफ कइ दिहिन हीं।

2 तीमुथियुस 3:6

इनहिन म से कुछ लोग अइसन हें, जउन लोगन काहीं धोखा दइके चुप्पय से उनखे घरन माहीं घुसि जात हें, अउर चंचल मेहेरिअन काहीं अपने गलत सिच्छा माहीं फँसाइके, अपने बस माहीं कइ लेत हें, जउन पाप के बोझ से दबी अउर हरेकमेर के बुरी इच्छन से भरी रहती हईं।

याकूब 5:5

तूँ पंचे धरती माहीं भोग-बिलास के जीबन जिअा हय, अउर अपने-आप काहीं भोग-बिलास माहीं बोरे रह्या हय। इआमेर से परमातिमा के न्याय करँइ के दिन के खातिर खुद काहीं तइआर किहा हय।

दरसनन के बातँय 18:7

जेतनी उआ आपन बड़ाई किहिस ही, अउर सुख-बिलास किहिस ही, ओतनय ओही कस्ट अउर दुख द्या; काहेकि उआ अपने मन माहीं कहत ही, ‘हम रानी बनिके बइठ हएन, बिधबा नहीं, अउर हम सोक माहीं कबहूँ न परब।’

दरसनन के बातँय 3:1

सरदीस के मसीही मन्डली के दूत काहीं इआ लिखा, “जिनखे लघे परमातिमा के सातठे आत्मा, अउर सातठे तरइया हईं, ऊँ इआ कहत हें, कि हम तोंहरे कामन काहीं जानित हएन, कि तूँ जिन्दा त कहउते हया, पय हया मरे।