1 तीमुथियुस 5:3 - Bagheli Bible

³ ऊँ बिधबन के जउन सही माहीं मदत के काबिल हईं, उनखर मदत करँइ के ध्यान द्या।

1 तीमुथियुस 5:3 ပူးပေါင်းရင်းမြစ်များ

मत्ती 15:6

त पुनि उआ अपने महतारी-बाप काहीं कुछू नहीं दइ सकय। इआमेर से तूँ पंचे, अपने रीति-रिबाजन काहीं मानँइ के कारन, परमातिमा के बचन काहीं इनकार कइ देते हया।

मत्ती 23:13

यीसु उनसे कहिन, कि “हे ढोंगिव, मूसा के बिधान सिखामँइ बाल्या, अउर फरीसी लोगव, तोहईं पंचन काहीं परमातिमा से खुब सजा मिली। काहेकि तूँ पंचे मनइन काहीं गलत सिच्छा दइके, परमातिमा के राज माहीं आमँइ से रोंकते हया। तूँ पंचे न त खुदय परमातिमा के राज माहीं जाँइ चहते आह्या, अउर न उनहूँ काहीं जाँइ देते आह्या, जे कोऊ उनखे राज माहीं जाँइ चाहत हें।

लूका 2:37

ऊँ चउरासी बरिस से बिधबा रही हँय: अउर रोज मन्दिर जात रही हँय, अउर उपास अउर प्राथना कइके रातव-दिन परमातिमा के भक्ती करत रही हँय।

लूका 7:12

जब यीसु सहर के प्रबेस द्वार के लघे पहुँचे, त खुब मनई एकठे लहास काहीं बहिरे लए जात रहे हँय; जउन अपने महतारी के एकलउता लड़िका रहा हय; अउर उआ मेहेरिआ बिधबा रही हय; अउर उआ सहर के खुब मनई उनखे साथ माहीं रहे हँय।

यूहन्ना 1:47

अउर यीसु नतनएल काहीं अपने कइती आबत देखिके, उनखे बारे माहीं कहिन, “देखा, ईं आहीं, सच्चे इजराइली, इनखे जीबन माहीं कउनव कपट नहिं आय।”

खास चेलन 6:1

ऊँ दिनन माहीं जब चेलन के संख्या जादा बढ़ँय लाग, तब यूनानी भाँसा बोलँइ बाले, इब्रानी भाँसा बोलँइ बालेन के ऊपर कुड़कुड़ाँय लागें, कि रोज के जरूरत के चीजन काहीं बाँटत माहीं, हमरे बिधबन के ऊपर ध्यान नहीं दीन जाय।

खास चेलन 9:39

तब पतरस ठाढ़ होइके उनखे साथ चल दिहिन, अउर जब ऊँ उहाँ पहुँचे, तब ऊँ पंचे उनहीं अँटरिया माहीं लइगें; सगली बिधबा मेहेरिआ रोबत उनखे लघे आइके ठाढ़ होइ गईं, अउर जउन कुरथा अउर ओन्हा, दोरकास उनखे साथ माहीं रहत समय बनाइन तय, उनहीं देखामँइ लागीं।

खास चेलन 9:41

तब पतरस आपन हाँथ पकड़ाइके उनहीं उठाइन, अउर पबित्र लोगन अउर बिधबन काहीं बोलाइके जिअत देखाय दिहिन।

1 थिस्सलुनीकियन 2:6

अउर हम पंचे मसीह के खास चेला होंइ के कारन तोंहरे ऊपर बोझ डार सकत रहेन हय, तऊ हम पंचे मनइन से आदर नहीं चाहत रहेन आय, अउर न तोंहसे अउर न कोहू से।

1 तीमुथियुस 5:2

अउर अपने से उमिर माहीं बड़ी मेहेरिअन काहीं, महतारी कि नाईं समझिके, अउर जमान मेहेरिअन काहीं अपने मन माहीं बिना बुरे बिचार किहे, पूरी पबित्रता के साथ बहिनी जानिके समझाय दिहा।

याकूब 1:27

हमरे पिता परमातिमा के लघे सुद्ध अउर निरमल भक्ती इआ आय, कि अनाथन अउर बिधबन के दुख माहीं, हम पंचे उनखर मदत करी, अउर अपने-आप काहीं संसार के बुरे कामन से निस्कलंक रखी।

1 पतरस 2:17

सगले मनइन के सम्मान करा, अपने बिसुआसी भाई-बहिनिन से प्रेम रक्खा, परमातिमा के भय माना, अउर राजा के सम्मान करा।

1 पतरस 3:7

उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।