1 तीमुथियुस 5:24 - Bagheli Bible

²⁴ कुछ मनइन के पाप परमातिमा के न्याय करँइ से पहिलेन कुछ लोगन काहीं मालुम होइ जात हें, कि ऊँ पापी हें, पय कुछ मनई आपन पाप छिपाइके रक्खत हें, अउर न्याय के दिन तक कोहू काहीं मालुम परे नहीं पाबय।

1 तीमुथियुस 5:24 ပူးပေါင်းရင်းမြစ်များ

खास चेलन 8:18

जब समौन देखिस, कि यीसु के खास चेलन के हाँथ धरे से पबित्र आत्मा दीन जात हय, तब उनखे लघे पइसा लइआइके कहिस,

रोमियन 3:7

पय तूँ पंचे कहि सकते हया, “जब हमरे लबरी बोलँइ के कारन परमातिमा के सच्चाई अउर जादा प्रगट होत ही, अउर एसे उनखर बड़ाइन होत ही, त पुनि हम काहे पापी कि नाईं सजा पामँइ के काबिल ठहराए जइत हएन?

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

दरसनन के बातँय 14:13

पुनि हम स्वरग से इआ बोल सुनेन, “लिखा, जउन मनई प्रभू के ऊपर बिसुआस कइके मरत हें, ऊँ पंचे अब से धन्य हें।” अउर पबित्र आत्मा कहत हें, “हाँ, अब से ऊँ पंचे अपने सगले मेहनत से अराम पइहँय, काहेकि उनखर काम उनखे साथ होइ लेत हें।”