22 बिना जाँचे-परखे कोहू काहीं मसीही मन्डली के अँगुआ बनामँइ के खातिर, जल्दबाजी माहीं हाँथ न रख्या, दुसरेन के पापन माहीं भागीदार न होया, बलकिन खुद काहीं पबित्र बनाए रह्या।
पय जब ऊँ पंचे उनखर बिरोध अउर बुराई करँइ लागें, त पवलुस आपन ओन्हा फारिके उनसे कहिन; “जउन तूँ पंचे इआ कइ रहे हया, ओखर सजा तुहिन पंचे पइहा, हम निरदोस हएन, अब से हम गैरयहूदी लोगन के लघे जाब।”
हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।
हे बेटा तीमुथियुस, परमातिमा के उन सँदेस बतामँइ बालेन के बातन के मुताबिक, बुजुर्ग बिसुआसी के तोंहरे ऊपर हाँथ धइके प्राथना किहे से, जउन बरदान तोहईं मिला रहा हय, ओखर उपयोग करा,
इहय कारन से हम तोंहईं सुध देबाइत हएन, कि तूँ परमातिमा के उआ बरदान काहीं, जउन हमरे हाँथ धइके प्राथना किहे के व्दारा तोहईं मिला रहा हय, ओखर निकहा से उपयोग करत रहा।
अउर परमातिमा के जउने बातन काहीं खुब मनइन के आँगे हम तोहईं बतायन तय, उन बातन काहीं अइसन काबिल मनइन काहीं सउँपि द्या; जउन दुसरे काहीं सिखामँइ के काबिल होंय।
एखे बाद हम स्वरग से एकठे अउर बोल सुनेन, “हे हमार चुने मनइव, ओमा से निकर आबा, कि जउने तूँ पंचे ओखे पापन माहीं भागीदार न बना, अउर ओखे बिपत्तिन म से, कउनव तोंहरे ऊपर न आय परय।