1 तीमुथियुस 5:20 - Bagheli Bible

²⁰ पाप करँइ बाले पुरान बिसुआसिअन काहीं सगले बिसुआसिअन के आँगे डाँट-समझाय द्या, जउने बाँकी सगले जन के खातिर चेतउनी होइ जाय।

1 तीमुथियुस 5:20 ပူးပေါင်းရင်းမြစ်များ

खास चेलन 19:17

अउर इआ बात काहीं इफिसुस सहर के रहँइ बाले यहूदी लोग, अउर यूनानी जाति के मनई घलाय जानिगें, अउर उन सगलेन के ऊपर भय छाइगा; अउर प्रभू यीसु के नाम के बड़ाई भय।

खास चेलन 5:11

अउर सगली मसीही मन्डली के मनइन के ऊपर, अउर ईं बातन के सगले सुनँय बालेन के ऊपर भारी भय छाइगा।

खास चेलन 5:5

ईं बातँय सुनतय हनन्याह गिर परा, अउर प्रान छोंड़ दिहिस; इआ बात काहीं जेतने जने सुनिन सगले खुब डेराइगें।

2 कुरिन्थियन 7:11

एसे देखा, जउन दुख तोंहईं पंचन काहीं परमातिमा के तरफ से मिला हय, ओसे तोंहरे जीबन माहीं केतना बदलाव आइगा हय, अउर तूँ पंचे अपने-आप काहीं निरदोस साबित करँइ के खातिर इच्छुक होइ गया हय, अउर जउन कुछू भ रहा हय, ओखे कारन खुब दुखी हया, अउर परमातिमा के भय मानिके, भक्ती करँइ के धुन माहीं लगे रहते हया। अउर हमसे मिलँइ के इच्छा करत रहते हया। अउर पाप करँइ बालेन काहीं सजा देंइ के बिचार करँइ लागे हया, इआमेर से तूँ पंचे हरेकमेर से इआ साबित कइ दिहा हय, कि तूँ पंचे निरदोस हया।

इफीसियन 5:11

अउर तूँ पंचे अँधिआर के बुरे कामन माहीं सामिल न होया, बलकिन उनखे बारे माहीं मनइन काहीं उलउना द्या।

1 तीमुथियुस 1:20

उनहिन म से हुमिनयुस अउर सिकन्दर आहीं, जउनेन काहीं हम बिसुआसिअन से अलग कइ दिहेन हँय, कि ऊँ बुराई करब न सिखँय।

2 तीमुथियुस 4:2

कि तूँ खुसी के खबर के प्रचार करा; चाह तोहईं सुबिधा होय, चाह असुबिधा, आपन करतब्य करँइ के खातिर हर समय तइआर रहा, हरेक मेर के बातन काहीं सहिके, अउर निकही सिच्छा द्या, जउन बुरा काम करत हें, उनहीं चेताय द्या, अउर उनहीं डाँटा, समझाबा।

तीतुस 1:13

हे तीतुस, हम तोंहसे कहित हएन, कि क्रेते दीप के लोगन के बारे माहीं जउन गबाही दीन गे ही। सही हय, एसे हे तीतुस, उहाँ के बिसुआसिअन काहीं कड़ाई से चेतउनी द्या करा, कि ऊँ गलत सिच्छा से दूर रहिके, बिसुआस माहीं मजबूत होइ जाँय,

तीतुस 2:15

बेटा, तूँ पूरे हक्क के साथ, ईं सगली बातन काहीं लोगन काहीं बताइके समझाबा, अउर सिखाबत रहा, इआ सब सिखामँइ के तोंहईं अधिकार हय, जउने कोऊ तोंहार अनादर न करँय पाबय।