1 तीमुथियुस 5:2 - Bagheli Bible

² अउर अपने से उमिर माहीं बड़ी मेहेरिअन काहीं, महतारी कि नाईं समझिके, अउर जमान मेहेरिअन काहीं अपने मन माहीं बिना बुरे बिचार किहे, पूरी पबित्रता के साथ बहिनी जानिके समझाय दिहा।

1 तीमुथियुस 5:2 ပူးပေါင်းရင်းမြစ်များ

मत्ती 12:50

काहेकि जे कोऊ स्वरग माहीं रहँइ बाले हमरे पिता परमातिमा के मरजी के मुताबिक चलत हय, उहय हमार भाई, बहिनी अउर महतारी आय।”

फिलिप्पियन 4:8

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

1 थिस्सलुनीकियन 5:22

अउर हरेकमेर के बुराइन से बचे रहा।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

1 तीमुथियुस 5:1

हे तीमुथियुस, मसीही मन्डली माहीं जउन तोंहसे उमिर माहीं बड़े हँय उनहीं न डाँट्या; बलकिन उनहीं बाप कि नाईं जानिके समझाय दिहा, अउर जमानन काहीं भाई जानिके;

1 तीमुथियुस 5:3

ऊँ बिधबन के जउन सही माहीं मदत के काबिल हईं, उनखर मदत करँइ के ध्यान द्या।

2 तीमुथियुस 2:22

एसे हे तीमुथियुस, तूँ जबानी के बुरी इच्छन से दूरी रहा, अउर जउन सुद्ध मन से प्रभू के नाम लेथें, उनखे साथ पूरी धारमिकता, अउर बिसुआस के साथ, बड़े प्रेम से मिल-जुलिके रहा।